Europäesch Charta fir Regional- oder Minoritéitssproochen

D'Europäesch Charta fir Regional- oder Minoritéitssprooche gouf 1992 zu Stroossbuerg am Europarot ënnerschriwwen an ass 1998 a Kraaft getrueden.

Dës Sproochecharta besteet aus engem Katalog vu Moossname fir Regional- oder Minoritéitssproochen z'ënnerstëtzen, an zwar an de Beräicher: Bildungswiesen, Justiz, Administratioun, ëffentlech Déngschtleeschtungsbetriber, Medien a kulturell Aktivitéiten tëscht den Nopeschlänner. Jiddwer Land, dat dës Charta ratifizéiert huet, engagéiert sech op d'mannst 35 Moossname vun dësem Katalog ëmzesetzen. Bis dato hunn 20 Länner dës Charta ratifizéiert (Stand: Mee 2006)

Ee Kommitee aus Experten iwwerwaacht d'Anhale vun där Charta an deene verschiddene Länner.

Lëtzebuerg huet dës Charta den 22. Juni 2005 ratifizéiert.

An engem Avis vum Conseil d'État vum 30. Mäerz 2004 gëtt erkläert, datt Lëtzebuerg net vun där Charta betraff ass, well et zu Lëtzebuerg keng historesch gewuesse Minoritéitssprooche gëtt. Lëtzebuerg kéint dës Charta also ouni Bedenke ratifizéieren, an engem Solidaritéitsakt mat deene betraffene Länner.

An den Nopeschlänner Frankräich a Belsch wier déi Lëtzebuerger Sprooch deemno eng historesch gewuesse Minoritéitssprooch, mä hei kann d'Charta net agesat ginn, well dës 2 Länner d'Charta net ratifizéiert hunn.

Zanter dem 14. Dezember 2005 gëtt Lëtzebuerg am Experte Kommitee vum lëtzebuergesche Linguist Jérôme Lulling vertrueden.

Ratifikatiounen

Däitschland Ratifikatioun: 16.9.1998 Dänesch Frisesch Romani Sorbesch Armenien Ratifikatioun: 25.1.2002 Aramäesch Yezidi Griichesch Russesch Kurdesch Éisträich Ratifikatioun: 28.6.2001 Kroatesch (Burgenland) Sloweenesch Ungaresch Tschechesch Slowakesch Romani Zypern Ratifikatioun: 26.8.2002 Armeenesch Kroatien Ratifikatioun: 5.11.1997 Italieenesch Serbesch Ungaresch Tschechesch Slowakesch Ruthenesch Ukrainesch Dänemark Ratifikatioun: 8.9.2000 Däitsch Spuenien Ratifikatioun: 9.4.2001 Baskesch Katalounesch Galizesch Finnland Ratifikatioun: 9.11.1994 Samesch Schweedesch Ungarn Ratifikatioun: 26.4.1995 Däitsch Kroatesch Rumänesch Serbesch Slowakesch Sloweenesch

Liechtenstein Ratifikatioun: 18.11.1997 Lëtzebuerg Ratifikatioun: 22.6.2005 Holland Ratifikatioun: 2.5.1996 Frisesch Limburgesch Niddersächsesch Romani Jiddesch Norwegen Ratifikatioun: 10.11.1993 Samesch Groussbritannien Ratifikatioun: 27.3.2001 Kornesch Schottesch Walisesch Irlännesch Manx Scots Slowakei Ratifikatioun: 5.9.2001 Däitsch Bulgaresch Kroatesch Ungaresch Polnesch Romani Ruthenesch Tschechesch Ukrainesch Slowenien Ratifikatioun: 4.10.2000 Ungaresch Itanlienesch Romani Schweden Ratifikatioun: 9.2.2000 Finnesch Meänkieli Samesch Schwäiz Ratifikatioun: 23.12.1997 Italieenesch Bündnerromanesch Ukrain Ratifikatioun: 19.9.2005

Um Spaweck

• Internetsäit vun der Europäescher Charta fir Regional- oder Minoritéitesproochen
• Avis vum Conseil d'Etat iwwer dës europäesch Charta