Europäesch Kulturhaaptstad 2022 From Wikipedia, the free encyclopedia
Esch-Uelzecht Europäesch Kulturhaaptstad 2022, kuerz Esch 2022 oder E22 ass den Titel, deen d'Stad Esch-Uelzecht am Kader vum Projet Europäesch Kulturhaaptstad den 10. November 2017 vum Europäesche Conseil krut. Mat um Projet bedeelegt sinn och déi aner Gemenge vum Syndikat PRO-SUD a vun der Communauté de Communes du Pays-Haut Val d'Alzette, déi Säit der franséischer Grenz.
 | De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
.jpg)
Den 22. Februar 2022 huet de Programm vun Esch 2022 offiziell ugefaangen, an de 26. Februar war eng Ouvertures-Zeremonie.
2016 gouf eng Asbl ënnert dem Numm Capitale Européenne de la Culture 2022 gegrënnt fir d'Veranstaltung „Europäesch Kulturhaaptstad 2022“ ze plangen an ëmzesetzen an ze kucken, datt Sue fir d'Ëmsetzung an d'Promotioun zur Verfügung stinn[1].
De Christian Mosar war vum 1. Dezember 2018 bis den 20. Mee 2020 artisteschen Direkter vun der Asbl, déi domat chargéiert ass, e Programm op d'Been ze stellen[2][3]. Hie gouf vun der Françoise Poos ofgeléist[4].
Generaldirektesch vun der Asbl ass d'Nancy Braun, President vum Verwaltungsrot ass den Escher Buergermeeschter Georges Mischo[4].
 Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
.jpg)
| Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren. |
| | De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
Am Februar 2020 misst an der Chamber d'Finazéierungsgesetz ofgestëmmt ginn. Dat gesäit eleng fir Bauprojeten um Belval 35,33 Milliounen Euro vir: deen Deel vun der Mëllerei, deen nach am ursprénglechen Zoustand ass[5], soll als Digital space nei amenagéiert ginn, eng Bréck tëscht dëser Plaz an der Géisshal vum Héichuewen A soll gebaut ginn, an e Gebai fir d'Direktiouns-Ekipp vum Kulturjoer Esch 2022 nei gebaut ginn. Nieft der Renovatioun vum Gebai Massenoire an dem Fundament vum Héichuewen C gëtt och d'SKIP-Gebai vum Rond-Point Räemerech op de Site vun Esch-Belval geplënnert[6].
Esch 2022 hat e Budget vu 54 Mio Euro. Dovu koumen der 40 vum Staat, 10,1 vun der Gemeng Esch, 1,5 vun der EU an 2,4 vu Sponsoren. D'Ekipp fir dat Ganzt op d'Been ze setze bestoung aus 32 Leit, dobäi koumen iwwer 500 Benevoller. Et waren am Ganzen 2000 Evenementer geplangt: 310 Performancen, 141 Concerten, 137 Ausstellungen an 360 Ateliere fir matzemaachen[7].
Parallel mat Esch haten nach déi litauesch Stad Kaunas an déi serbesch Stad Novi Sad den Titel „Kulturhaaptstad 2022“.
.jpg)
.jpg)
| Commons: Esch 2022 – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
