De Conseil de Presse, oder op Lëtzebuergesch de Presserot, ass eng Daachorganisatioun vun de Medien zu Lëtzebuerg. En ass 1979 mam Zil gegrënnt ginn, de Beruff vum Journalist unz'erkennen an ze schützen[1].
De Presserot gouf mam Gesetz vum 20. Dezember 1979 an d'Liewe geruff[2]. D'Membere si Journalisten an Editeuren[1].
En huet säi Sëtz an der Maison de la presse um Krautmaart, vis-à-vis vun der Chamber.
De President ass de Roger Infalt. Déi Éischt Fra op där Plaz war tëscht 2008 an 2010 d'Danièle Fonck[3].
D'Aufgabe vum Lëtzebuerger Presserot sinn d'Ausstellen an d'Anzéie vun de Pressekaarten an d'Weiderbildung vun de Journalisten, souwéi d'Autoreguléierung vun der Mediebranche duerch d'Applikatioun vun engem Deontologieskodex. De Presserot ënnersicht och op Wonsch vun der Regierung Froen, déi d'Meenungsfräiheet an de Medie betreffen[1].
Donieft gëtt et eng Kommissioun, bei där sech Privatleit beschwéiere kënnen, wa si vun Informatioune betraff sinn, déi an der geschriwwener Press oder audiovisuelle Medie presentéiert ginn[1].
- 1981 - 1983: Michel Raus
- 1983 - 1985: André Heiderscheid
- 1985 - 1987: Lucien Gretsch
- 1987 - 1989: Alvin Sold
- 1989 - 1991: Romain Durlet
- 1991 - 1993: Guy Ludig
- 1994 - 1995: Joseph Lorent
- 1996 - 1997: Henri Grethen
- 1998 - 1999: Romain Durlet
- 2000 - 2002: Fernand Weides
- 2002 - 2004: Joseph Lorent
- 2004 - 2006: Charles Ruppert
- 2006 - 2008: Roger Infalt
- 2008 - 2010: Danièle Fonck
- 2010 - 2012: Joseph Lorent
- 2012 - 2014: Fernand Weides
- 2014 - 2016: Roger Infalt
- 2016 - 2018: Paul Peckels
- 2018 - 2020: Ines Kurschat
- 2020 - 2022: Jean-Lou Siweck
- 2022 - 2024: Roger Infalt
- Offizielt Portal vum Groussherzogtum Lëtzebuerg: Institutions et organismes des médias (gekuckt den 18. Februar 2018)
- Biographie op paperjam.lu (gekuckt den 20. Februar 2018)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
