![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7d/R%25C3%25A9ibaach.jpg/640px-R%25C3%25A9ibaach.jpg&w=640&q=50)
Réibaach
From Wikipedia, the free encyclopedia
D'Réibaach ass eng kleng Baach am Éislek op der Grenz tëscht de Gemengen Klierf a Wäiswampech am Kanton Klierf, a laanscht d'belsch Grenz um südwestlechsten Eck vun der Gemeng Burg-Reuland.
![Thumb image](http://upload.wikimedia.org/wikipedia/commons/thumb/7/7d/R%C3%A9ibaach.jpg/640px-R%C3%A9ibaach.jpg)
Si huet hir Quellen eng ronn 400 Meter nordëstlech vu Lausduer um Flouer Fenn op enger Héicht vu 475 Meter.
Si leeft vun do aus no Nordosten lénks laanscht Léiler a Richtung belsch Grenz. Eppes 2.300 Meter no der Quell kritt se vu lénks e klengen Niewefloss d'Birkelburen déi vu Wäiswampech erofkommen. Just op der belscher Grenz bei der Maark LB N° 53 leeft nach eng kleng Baach vu lénks dran, déi aus enger Griecht mam Numm Weierchessäit kënnt.
Vun do aus dréint se an engem grousse Bou no Südosten a mécht déi ganzen Zäit bis s'um Dräilännereck an d'Our leeft, d'Grenz mat der Belsch. Op deem Deel leeft nach just e Gruef, dee vu Lotzebur kënnt, op der rietser Säit dran.