James Brown
From Wikipedia, the free encyclopedia
From Wikipedia, the free encyclopedia
Den James Joseph Brown, jr., gebuer den 3. Mee 1933 am Barnwell County, South Carolina, a gestuerwen de 25. Dezember 2006 zu Atlanta, Georgia, war en US-amerikanesche Museker. Hien huet Uergel, Piano, Gittar a Batterie gespillt, ass awer bal nëmmen als Sänger an Dänzer opgetrueden. Ausserdeem war e Bandleader a Museksproduzent. Wéinst senger wichteger Plaz an der Rhythm and Blues- a Soul-Musek vun den 1950er an 1960er Joren, ma besonnesch och wéinst sengem determinanten Afloss beim Entstoe vun engem neie Soul-Stil, dem Funk, gëtt den James Brown zu de bedeitendste Pop-Museker vum 20. Joerhonnert gezielt.
Zu senge bekanntste Lidder zielen (Get Up I Feel Like Being A) Sex Machine, It's A Man's Man's World, Living in America an (I Got You) I feel Good. Legendär sinn och seng Liveshowen, wou e wéi elektriséiert ronderëmgedanzt huet, ëmmer nees de Feedback vum Publikum gesicht huet, an an engem bestëmmte Moment gemaach huet wéi wann e komplett fäerdeg wier, sech ofgestäipt vun der Bün erausbegleede gelooss huet, fir da kuerz drop, wéi nei gebuer, ëm sou méi a Form weidergegfuer ass.
De Brown huet de Stil an d'Optriede vu Museker wéi Michael Jackson oder Prince staark beaflosst a seng Stécker goufen zegmol am Hip-Hop gesamplet.
Hien huet an e puer Filmer matgespillt, z. B. a Rocky IV mam Stéck Living in America oder als Paschtouer a Blues Brothers a Blues Brothers 2000.
Als ee vun den éischten afro-amerikanesche Museker, déi sech aktiv fir d'Rechter vun de Faarwegen an den USA agesat hunn, ass den James Brown bis haut eng Symbolfigur vun der Black consciousness.
| Commons: James Brown – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
