Jupitermound From Wikipedia, the free encyclopedia
De Mound Hermippe (oder Jupiter XXX) ass ee vun de klengste bekannte baussenzegste Mounde vum Planéit Jupiter.
 | |
| Provisoresch oder systematesch Bezeechung | S/2001 J 3 |
|---|---|
| Zentralkierper | Jupiter |
| Eegenschafte vum Orbit | |
| Grouss Hallefachs | 21.131.000 km |
| Periapsis | 16.693.500 km |
| Apoapsis | 25.568.500 km |
| Exzentrizitéit | 0,210 |
| Ëmlafzäit | 633,9 Deeg |
| Ëmlafvitess | 2,42 km/s |
| Inklinatioun | 150,7° |
| Physikalesch Donnéeën | |
| Mëttleren Duerchmiesser | 4 km |
| Dicht | ~2,6 g/cm3 |
| Gravitatioun op der Uewerfläch | ? m/s2 |
| Albedo | 0,04 |
| Visuell Magnitude (mag) | 22,1 |
| Entdeckung | |
| Entdecker | IFA Hawaii |
| Entdeckungsdatum | 9. Dezember 2001 |
Den Hermippe gouf den 9. Dezember 2001 vun Astronome vun der Universitéit vun Hawaii entdeckt. Den Mound krut ufanks déi virleefeg Bezeechnung S/2001 J 3.
De Mound gouf duerno no der Hermippe genannt, enger Frëndin vum Zeus aus der griichescher Mythologie.
Den Hermippe kreest op enger mëttlerer Distanz vun 21.131.000 km a 633 Deeg an 22 Stonnen ëm de Jupiter. D'Bunn huet eng Exzentrizitéit vun 0,210. Mat enger Inklinatioun vun 150,7° géint de lokale Laplace-Plang ass d'Bunn retrograd, d. h. de Mound beweegt sech géint d'Rotatiounsrichtung vum Jupiter ëm de Planéit.
Wéinst senge Bunneegenschafte gëtt den Hermippe zu der Ananke-Grupp gezielt, genannt nom Jupitermound Ananke.
Den Hermippe huet e mëttleren Duerchmiesser vu ronn 4 km. Seng Dicht gëtt op 2,6 g/cm³ geschat. En ass warscheinlech haaptsächlech aus Silikatgesteng opgebaut. Den Hermippe huet eng ganz däischter Uewerfläch mat enger Albedo vun 0,04, d. h., nëmme 4 % vum agestraalte Sonneliicht gi reflektéiert. Seng visuell Magnitude ass 22,1m.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
