![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/96/Clothes.jpg/640px-Clothes.jpg&w=640&q=50)
Gezei
From Wikipedia, the free encyclopedia
Gezei oder Kleeder sinn Iwwerbegrëff fir all déi Materialien, déi benotzt gi fir Deeler vum mënschleche Kierper ze bedecken. A bal all Gesellschafte gi Kleeder ugedoen. D'Quantitéit vum Gezei variéiert dobäi mat der physescher Statur, dem Geschlecht an dem sozialen a geographeschen Ëmfeld. Et gëtt verschidde Motivatiounen, Gezei unzedoen; nieft der Noutwendegkeet fir Schutz a Wäermt gëtt et sozial a kulturell Grënn.
![Thumb image](http://upload.wikimedia.org/wikipedia/commons/thumb/9/96/Clothes.jpg/640px-Clothes.jpg)
Mam Gezei kënnen Accessoiren ugedoe ginn, wéi zum Beispill Bijouen, Poschen oder Schaler. Schung a Kappbedeckungen (zum Beispill Hitt) zielen dogéint zum Gezei.
Kleeder kënne aus Faserplanzen wéi Kotteng, aus Plastik wéi Polyester oder aus Déierenhaut (Lieder) an -hoer (Woll) gemaach ginn.
Beispiller vu Kleedungsstécker sinn d'Box, d'Hiem, de Rack an d'Jupe.