![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2c/Falcon_9_with_Dragon_capsule_for_tests_on_pad.jpg/640px-Falcon_9_with_Dragon_capsule_for_tests_on_pad.jpg&w=640&q=50)
Falcon 9
From Wikipedia, the free encyclopedia
D'Falcon 9 ass eng US-amerikanesch Drorakéit, déi vun der Firma SpaceX entwéckelt gouf. Si baséiert technesch op der klenger Falcon 1, awer amplaz vun engem eenzelen Dreifwierk an der éischter Stuf, ginn néng Stéck gebraucht. Am Kader vum COTS-Programm soll d'Rakéit d'Dragon-Raumschëff an den Äerdorbit bréngen. Donieft gëtt si och fir kommerziell Starter ugebueden. Den éischten erfollegräiche Fluch war am Juni 2010.
![Thumb image](http://upload.wikimedia.org/wikipedia/commons/thumb/2/2c/Falcon_9_with_Dragon_capsule_for_tests_on_pad.jpg/640px-Falcon_9_with_Dragon_capsule_for_tests_on_pad.jpg)
![Thumb image](http://upload.wikimedia.org/wikipedia/commons/thumb/3/34/Falcon_9.svg/170px-Falcon_9.svg.png)
Duerch Montage vun zwou weideren Éischtstufen als Booster un déi éischt Stuf vun der Falcon 9 entsteet d'Falcon Heavy. Bei där besteet d'Méiglechkeet datt den Dreifstoff vun de Boosteren och déi éischt Stuf alimentéiert, soudatt déi éischt Stuf eréischt kuerz virum Oftrenne vun de Boosteren op déi eegen Tanken ëmschalte muss. Den éischte Start vun enger Falcon Heavy war fir den Oktober 2016 virgesinn, gouf awer dunn op den November 2017 zeréckgesat[1].