Europäesche Geriichtshaff
From Wikipedia, the free encyclopedia
De Geriichtshaff vun der Europäescher Unioun (virdrun: Geriichtshaff vun den Europäesche Communautéiten) gouf 1952 duerch den Traité vu Paräis (CECA-Traité) gegrënnt. En ass zesummegesat aus dem Europäesche Geriichtshaff (iewescht Instanz) an aus dem Geriicht vun der Europäescher Unioun (ënnescht Instanz).
Seng Aufgab ass et, dofir ze suergen, datt den Droit vun der Europäescher Unioun an alle Memberslänner d'selwecht interpretéiert an ugewannt gëtt. De Geriichtshaff vun der Europäescher Unioun kann a Litigen tëscht Memberstaaten, Organer vun der EU, Enterprisen oder Privatpersounen decidéieren.
De Geriichtshaff vun der Europäescher Unioun huet säi Sëtz an der Stad. Ronn 1900 Leit schaffen do.