Western (i.e. Occidentale Anglice) est genus musicae popularis Americanae, in civitatibus occidentalibus Americae ortae. Western etiam saepius de genere pellicularum dicitur, quae de Occidente Americae agresti narrant[1]. Personae pellicularum western saepe pastores [2] aut pyrobolistae [3] civitatum Americae occidentalium sunt, sed non solum isti. Tempore ab anno 1860 usque ad finem saeculi undevicesimi, cum haec regiones minime cultae et pacatae essent, fabulae plurium pellicularum western aguntur. Occidens agreste [4] haec tempora saepe nominantur; ferriviis confectis et urbibus magnis aedificatis vita in civitatibus occidentalibus emitigata est; constructio ferriviae saepe fabulae western finis est. Discordiae pastorum et pyrobolistarum et caedes mutuae materiem pelliculis plerumque dant. Peregrinationes longae per terras inhabitatas et bella contra Indos aut vice versa amicitia cum iis inopinata saepe describitur.
Initio saeculi vicesimi pelliculae western in Civitatibus Foederatis primo apparuerunt et medioa saeculi hoc genus cinematographiae floruit. Ioannes Wayne tum actor notissimus fuit. Post et in aliis terris huius generis pelliculae producebantur, praesertim in Italia, quae interdum occidentale vermiculatum [5] appellabantur.
Notae
Aliquae pelliculae western
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
