Rosa Christiana Ossouka Raponda
oeconoma, politica From Wikipedia, the free encyclopedia
Rosa Christiana, vulgo Rose Christiane Ossouka Raponda (Francopoli(fr) die 30 Iunii 1963 nata) est oeconoma et politica Gabonis.
Res apud Vicidata repertae:
Alumna est Instituti Oeconomiae Vectigaliumque Liberopoli in urbe. Ministra a rationibus publicis fuit annis 2012 et 2013, primo ministro Raimundo Ndong Sima, sed hoc anno exeunte consiliaria municipalis Liberopolis electa est atque anno 2014 ineunte praefecta urbis, prima mulierum, acclamata est. In regimen nationale redeuns die 12 Februarii 2019 ministra munitionis et securitatis facta est, primo ministro Iuliano Nkoghe Bekalé; sed die 16 Iulii 2020 in munus primae ministrae, atque die 9 Ianuarii 2023 ad officium praesidis vicariae a praeside Ali Bongo promota est.
Bibliographia
- Georges Dougueli, "Gabon: Rose Christiane Ossouka Raponda, le nouveau visage de Libreville" in Jeune Afrique (21 Ianuarii 2014) Situs venalis
- Romain Gras, "Gabon: Rose Christiane Ossouka Raponda, de la mairie de Libreville au ministère de la Défense" in Jeune Afrique (12 Februarii 2019) Situs venalis
- Marceau Ndong Ossa, "Gabon : Le président Ali Bongo Ondimba nomme une femme au poste de premier ministre" in La Libreville (16 Iulii 2020)
Nexus externi
- Vita apud regimen Gabonense
Primi ministri Gabonis (1975–)
 | |
|
Leo Mébiame 1975 • Casimirus Oyé-Mba 1990 • Paulinus Obame-Nguema 1994 • Ioannes Franciscus Ntoutoume Emane 1999 • Ioannes Eyeghé Ndong 2006 • Paulus Biyoghé Mba 2009 • Raimundus Ndong Sima 2012 • Daniel Ona Ondo 2014 • Emmanuel Issoze Ngondet 2016 • Iulianus Nkoghe Bekale 2019 • Rosa Christiana Ossouka Raponda 2020 • Alanus Claudius Bilie-By-Nze 2023 • Raimundus Ndong Sima 2023 | |
Wikiwand - on
Seamless Wikipedia browsing. On steroids.