Pereslavia

Pereslavia^[1], plenius Pereslavia ultra silvam^[2] vel Pereslavia Transsilvana^[3] (Russice Переславль-Залесский, tr. Pereslavl’-Zalesskij), urbs est in regione Iaroslaviensi Russiae, ad lacum Pleščeevo sita. Circa 40 milia incolarum habet (anno 2015).

Templum Transfigurationis Salvatoris, Pereslaviae annis 1152–1157 constructum

Haec pagina de urbe regionis Iaroslaviensis Foederationis Russicae tractat. Si aliud quaeris quod etiam “Pereslavia” appellatur, vide Pereslavia (discretiva).

Pereslavia

Res apud Vicidata repertae:

Pereslavia: insigne

Civitas: Russia
Locus:
Numerus incolarum: 38 649
Zona horaria: UTC+3
Situs interretialis

Gestio

Procuratio superior: Pereslavsky District

Geographia

Superficies: 23 chiliometrum quadratum

Pereslavia condita est anno 1152 a duce Rostoviae et Susdaliae Georgio Longimano, et nomen suum recepit secundum Pereaslaviam prope Kioviam sitam. Saeculo tredecimo erat metropolis ducatus sui iuris, sed anno 1302, voluntate ultima ducis sui, facta est pars ducatus Moscoviae. Anno 1688 tzar Petrus I Pereslaviae ad lacum Pleščeevo incepit aedificationem classis, anno 1692 finitam, quod eventum aestimatum est ut initium classis militaris Russicae.

Urbi sunt nonnulla monumenta historica architecturae (ut plurimum, templi monasteriique orthodoxa), musea atque hortus dendrologicus. Praeterea, Pereslavia Transsilvana aliquot officinas habet.

Notae

1. Henrici Scherer Tabellae geographicae, p. 176
2. Statutum canonicum sive ecclesiasticum Petri Magni..., Petropoli 1785, p. 103.
3. Charitonis Čebotarëv, Географическое методическое описание Российской империи (Descriptio geographica methodica Imperii Russici), p. 144.

Nexus externi

Situs geographici et historici: Locus:  • GeoNames

Vicimedia Communia plura habent quae ad Pereslaviam Transsilvanam spectant.

• Pagina de Pereslavia Transsilvana Encyclopaediae Russicae Magnae (Russice)