Karaczaevo-Circassia

Karaczaevo-Circassia^[1]^[2] (Russice Карачаево-Черкесия) seu Res Publica Karaczaevo-Circassica^[1] (Russice Карачаево-Черкесская Республика, Karaczaevo-Balcarice Къарачай-Черкес Республика, Kabardino-Circassice Къэрэшей-Шэрджэс Республикэ, Abassinice Къарча-Черкес Республика, Nogaice Карашай-Шеркеш Республикасы) est subiectum Foederationis Russicae, ab anno 2010 in eius districtum (circulum) foederalem Septentrio-Caucasicum inclusum. Formata est anno 1922 ut regio autonoma Karaczaevo-Circassica, quae anno 1992 statum hodiernum obtinuit.

Quick Facts

Close

Karaczaevo-Circassia, aream 14 277 chm² habens, in Caucaso Septentrionali sita est, cum territorio Crasnodariano in occidente, territorio Stauropolitano in septentrione, re publica Kabardino-Balkarica in oriente atque cum Georgia Abasgiaque in meridie contermina. Circa 468 milia incolarum (anno 2016) habet. Secundum censum 2010, gentes plurimae ibi sunt Karatchai^[3] (41 %), Russi (31,6 %), Circassi (11,9 %), Abassini (7,8 %) et Nogai (3,3 %). Linguae omnium harum gentium (Karaczaevo-Balcarica, Kabardino-Circassica, Abassinica, Nogaica) sunt publicae in Karaczaevo-Circassia, Russica ibi est lingua communicationis internationalis.