From Wikipedia, the free encyclopedia
Circassi[1] (Circassice Адыгэхэр, tr. Adygèchèr) sunt populi indigenae in Caucaso Septentrionali; progenies Maeotarum aliarum gentium antiquarum terrae illius esse videntur. Linguae Circassorum (Cabardino-Circassica et Adygeica) ad Caucasicas Septentrionales pertinent, et religio nunc inter eos praevalens est Islamica (sectae Sunniticae). Post Bellum Caucasium pars maior Circassorum non in patria sua historica Circassia, propter bellum illud ad Russiam adiuncta, sed peregre (ut plurimum, in Turcia atque in aliis terris olim ad Imperium Ottomanicum pertinentibus) habitat. In Foederatione Russica sunt plus quam septingenta milia Circassorum, imprimis in rebus publicis Cabardino-Balcaria, Adygeia et Karaczaevo-Circassia (ubi partes Circassorum, scilicet Cabardini, Adygei et Circassi sensu stricto hodierno, sunt "nationes titulares") atque in territoria Crasnodariano et Stauropolitano foederationis illius habitantium. In re publica Turcica non minus quam decies centena milia Circassorum habitant.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
