Area: 1 105.69 chiliometrum quadratum, 1 649.34 chiliometrum quadratum, 2 755.03 chiliometrum quadratum Caput: Victoria Subdivisiones: Islands District, Kwai Tsing District, North District, Sai Kung District, Sha Tin District, Tai Po District, Tsuen Wan District, Tuen Mun District, Yuen Long District, Kowloon City District, Kwun Tong District, Sham Shui Po District, Wong Tai Sin District, Yau Tsim Mong District, Central and Western District, Eastern District, Southern District, Wan Chai District
Gestio
Praefectus: John Lee Consilium: Legislative Council of Hong Kong
Vita
Incolae: 7 413 070 Sermo publicus: Lingua Mandarina Zona horaria: UTC+8 Moneta: dollarium Hongkongense
Proprium urbis provinciaeque nomen, Sinice 香港 scripta (pronuntiatu linguae YueHoeng¹ gong² [hœ̂ːŋkɔ̌ːŋ] sed MandariniceXiānggǎng [ɕjáŋkàŋ]), 'portus fragrans' vel 'thurifer' sonat. A principio portui cuidam minori attributum est, parti litoris Hongcongensis meridiani, cuius nomen hodiernum est 香港仔 hoeng¹ gong² zai² ('Hongcongum minus') vel AngliceAberdeen Harbour. Ibi enim nautaeEuropaeipiscatoresque Sinenses mercatum aromatumcondimentorum, aliarumque rerum constituerunt. Quod nomen ab anno 1846 usurpabatur ad insulam omnem nuncupandam. Inde Anglice Hongkong appellabatur iuxta pronuntiatum ipsorum incolarum sermone Yue loquentium. Latinizantes aut Hongcongum sicut Angli, aut Siamkiamum iuxta mandarinos, scribebant.[1]DioecesisEcclesiae Catholicae, nomine potius ad aures Italas accommodato, Sciamchiamensis nuncupatur.[2]
Vexillum Hongcongi Britannici ab anno 1959 ad 1997.
Primo bello de opio inter Britannos et Sinas saeviente, Britanni die 26 Ianuarii1841insulam Hongcongensem occupaverunt, incolis eo tempore fere 7450. His proeliis finem fecit die 26 Ianuarii1841foedus Nanchini sancitum, qua lege Hongcongum a Sinensium potestate remotum colonia Britannica fit. Die 24 Octobris1860, regimen Sinense, bello de opio secundo devictum, pagos terrae firmae Hongcongenses Britannis victoribus volens nolens cedit. Ab anno 1899 territoria quasi nova septentrionalia Hongcongo adiacentia vectigalis annui gratiá cum colonia veteri coniuncta sunt. Hongcongum ita auctum sub aegide Britannica usque ad 1997florebat. Tunc Sinae imperium Hongcongi recuperavit, et usque hodie in Sinis provincia specialis manet, regimine commercii valde libero.
Urbi Hongcongo clima est subtropicum humidum per enumerationem Köppen–Geiger, hieme mitiore et ab initio sicca, humiditate et nebulositate per hiemem veremque semper auctis, imbribus ab Aprili usque in Octobrem ineuntem incidentibus, vere et autumno temperatis, hippalo per aestatem flante; temperatura aëris media mense Ianuario 16° atque mense Iulio 29°, minima inter 9° et 24°, maxima inter 24° et 34°, sed minima extrema usque hodie nota −6.0° summo monte Tai Mo Shan die 24 Ianuarii2016, maxima extrema 37.9° in regione Happy Valley die 8 Augusti2015; pluviis mense Ianuario ad 25 mm tantum, mense Iunio 456 mm, mense Augusto 432 mm, anno toto non minus quam 2398 mm elevatis; diebus pluviosis per annum totum fere 138 incidentibus; humiditate relativa inter mensuras 69 centesimas et 83 centesimas reperta, horis solis fulgentis mense Martio 91, mense Iulio 212, per annum totum 1836 relatis.[4]