Gesamtkunstwerk

Gesamtkunstwerk, fortasse 'totum artis opus',^[1] 'perfectum artis opus',^[2] 'universum artis opus', 'artis opus late patens',^[3] 'artis forma omnia amplectens',^[4] etiam 'synthesis artium', est artis opus quod omnibus vel multis artis formis—praecipue architectura, musica, pictura, poesi, saltatione—utitur vel uti conatur.^[5] Vocabulum est compositum nomen Theodiscum quod in aesthetica et musicologia accipi solet.

Interior Domus Robie pars, a Francisco Lloyd Wright descripta (Sicagi, 1909)

Vocabulum primum a Carolo Friderico Eusebio Trahndorff, scriptore et philosopho Germanico, in commentario anno 1827 vulgato usurpatum est. Ricardus Wagner, Germanicus operarum compositor, mentionem verbi in duobus commentariis anni 1849 fecit, sed incertum est num Wagner commentarium Trahndorffianum novisset. Vocabulum praecipue cum aestheticis exemplaribus Wagnerianis consociatum est.

Nexus interni

• Genus florale
• Holismus