Ephraem Syrus

Ephraem Syrus (Syriace: ܐܦܪܝܡ ܣܘܪܝܝܐ, Aphrêm Sûryāyâ; Arabice أفرام السرياني; Graece: Ἐφραίμ ὁ Σῦρος) natus est Nisibi circiter annum 306; obiit Edessae die 9 Iunii 373. Fuit maximus theologus et scriptor hymnorum in lingua Syriaca. Eius dies festus inter catholicos die 9 Iunii; inter orthodoxos autem die 28 Ianuarii agitur. Anno 1920, Benedictus XV Papa per litteras encyclicas "Principi Apostolorum Petro" sanctum Ephraem doctorem Ecclesiae renuntiavit.

-2 Latinitas huius rei dubia est. Corrige si potes. Vide {{latinitas}}.

Ephraem Syrus

Res apud Vicidata repertae:

Ephraem Syrus: imago

Nativitas: 306; Nusaybin
Obitus: 9 Iunii 373; Edessa

Memoria

venerabilis, Syriac Christianity (feriae die 9 Iunii, 28 Ianuarii, 9 Iunii, 18 Iunii, 22 Iulii)

Vita

Ephraem, genere Syrus, Nisibeno parente natus est, circa annum trecentesimum sextum. Adhuc iuvenis ad sanctum Iacobum episcopum se contulit, a quo baptizatus, brevi ita sanctitate et doctrina profecit, ut Nisibi, Mesopotamiae urbe, in schola florente magister sit constitutus. Edessenae ecclesiae diaconus ordinatus, ob humilitatem sacerdotium recusavit; omnium virtutum splendore enituit; et pietatem et religionem vera sapientiae professione sibi comparare sategit. Universa illius opera, tam splendido doctrinae lumine referta, effecerunt, ut idem sanctus tamquam Ecclesiae doctor, adhuc vivens, magno honore habitus sit. In mirifica a pia devotione erga Virginem immaculatam primum excelluit. Meritis plenus, Edessae in Mesopotamia, decimo quarto Calendas Iulias, anno trecentesimo septuagesimo tertio, discessit sub Valente principe. Eumque Benedictus Papa XV, ex sacrorum Rituum Congregationis consultu, universalis Ecclesiae doctorem declaravit.

Opera

• Hymni contra Iulianum

Fontes

• Catholica Encyclopedia
• Bouvy, "Le fonti storiche della vita di S. Efrem", Rivista agostiniana, 1903, 155-61
• J. R. Harris, "Fragments of the Commentary of Ephrem Syrus upon the Diatessaron", Londinii, 1905
• J. H. Hill, A Dissertation on the Gospel Commentary of St. Ephraem the Syrian, Edimburgi, 1896
• F. C. Burkitt, "St Ephraim's Quotations from the Gospel, Corrected and Arranged", in Texts and Studies, Cantabrigiae 1901, VII, 2

Nexus externi

Vicimedia Communia plura habent quae ad Ephraem Syrum spectant.

• Lectio papae Benedicti XVI de Ephraem Syro inter audientiam generalem die 28 Novembris 2007 ((Italiane) et aliis sermonibus)
• Biographia sancti Ephraem (Italiane)