![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/34/Urstromt%25C3%25A4ler_Norddeutschlands.jpg/640px-Urstromt%25C3%25A4ler_Norddeutschlands.jpg&w=640&q=50)
Vallis proglacialis
From Wikipedia, the free encyclopedia
Vallis proglacialis[1] (Theodisce Urstromtal, Polonice pradolina) est forma superficiei Telluris, praesertim in Europa media inventa.
![Thumb image](http://upload.wikimedia.org/wikipedia/commons/thumb/3/34/Urstromt%C3%A4ler_Norddeutschlands.jpg/640px-Urstromt%C3%A4ler_Norddeutschlands.jpg)
Ultima aetate glaciali, scilicet abhinc annorum circiter viginti milia, maximum glaciarium totam Scandinaviam tegens usque ad Poloniam et Germaniam septentrionalem extendebatur. Ideo flumina, e montibus et altis Europae mediae planitiebus septentrionem versus fluentia, locum aquis suis propter viam ob molem glaciei obstructam amplius non invenientia, aquis insuper e glaciariis liquescentibus aucta, occidentem versus fluere coeperunt, valles maximas efformantia, ubi hodie, glaciebus ex his regionibus ablatis fluminibusque magnis iterum septentrionem versus fluentibus, nonnisi parva flumina inveniuntur.[2] Quae valles maximae fluminum hodie minorum proglaciales dicuntur, earumque situs inveniuntur ad meridiem locorum, ubi glaciarium septentrionem versus recedens per tempus magis protractum stetit, iugorum scicilet morenarum terminalium.[3] Vallis proglacialis non confundenda est cum valle a glaciario sculpta.
![Thumb image](http://upload.wikimedia.org/wikipedia/commons/thumb/f/fe/Dolina_Noteci_k_Bia%C5%82o%C5%9Bliwia_1.jpg/640px-Dolina_Noteci_k_Bia%C5%82o%C5%9Bliwia_1.jpg)
Inter valles proglaciales notae sunt praesertim tres maximae, quae ultima aetate glaciali (sic dicto Weichselio[4]) apparuerunt. Nomina earum (a septentrione meridiem versus enumeratarum) ab urbibus in extremitatibus earum sitis originem ducunt: Thorunensis-Eberswaldensis, Varsoviensis-Berolinensis et Glogoviensis-Baruthensis. Per quas Vistula et Viadrus, nunc in Mare Balticum sese exonerantes, in Mare Germanicum tamquam accolae fluvii Albis fluminis influebant.[5] Paenultima autem aetate glaciali, scilicet abhinc annorum circiter centum quinquaginta milia, Vistula per vallem marginalem a fluminibus Polonice Wieprz et Krzna appellatam, orientem versus fluebat tamquam Pripetii fluminis accola; aquae ergo eius in Pontum Euxinum sese exonerabant.[6]