Thomas Brokaw
From Wikipedia, the free encyclopedia
Thomas John "Tom" Brokaw (IPA |ˈbroʊkɔː|; natus Webster Dacotae Meridianae die 6 Februarii 1940)[1] est diurnarius televisificus et auctor Americanus, qui ancora et editor administrativus NBC Nightly News ab anno 1982 ad 2004 innotuit.[2] Alumnus est universitatum Iovensis (unde sine lauris abiit) et Dacotae Meridianae. Scriptor est The Greatest Generation (1998) et aliorum librorum, multaque praemia et honores accepit. Solus homo est qui omnium trium programmatum maiorum societatis NBC News hospitem egit: The Today Show, NBC Nightly News, et, breviter, Meet the Press. Nunc partes agit nuntiorum annuntiatoris pro NBC News, pelliculasque documentarias pro aliis mercatibus producit.[3]
Cum Petro Jennings societatis ABC News et Daniele Rather societatis CBS News, Brokaw fuit unus ex "Magnis Tribus" ancoris nuntiorum in Civitatibus Foederatis annis 1980, 1990 et 2000 primos. Hi triumviri plus viginti annos principalia programmata nuntiorum de nocte eorum operum reticulatorum duxerunt, atque omnes intra unum annum eorum rationes una coeperunt unaque in otium venerunt.[4]