![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7b/The_official_portrait_of_External_Minister_Subrahmanyam_Jaishankar.jpg/640px-The_official_portrait_of_External_Minister_Subrahmanyam_Jaishankar.jpg&w=640&q=50)
Subrahmanyam Jaishankar
From Wikipedia, the free encyclopedia
Subrahmanyam Jaishankar (Novi Dellii natus die 15 Ianuarii 1955) est legatus et politicus Indiae.
![Thumb image](http://upload.wikimedia.org/wikipedia/commons/thumb/b/b3/Secretary_Pompeo_Meets_With_Indian_Foreign_Minister_Jaishankar_cropped.jpg/640px-Secretary_Pompeo_Meets_With_Indian_Foreign_Minister_Jaishankar_cropped.jpg)
E familia Tamulensi ortus, scriptoris de rebus politicis Krishnaswamy Subrahmanyam filius est atque rerum gestarum scriptoris Sanjay Subrahmanyam frater natu maior. Subrahmanyam Jaishankar Dellii educatus est ubi collegium Sancti Stephani universitatis Delliensis frequentavit. Gradum doctoris apud universitatem Jawaharlal Nehru ascendit, dissertatione de diplomatia nucleari approbata.
Apud ministerium rerum externarum Indiae ab anno 1977 usque ad 2018 operam dedit. A principio Moscuam, ab anno 1985 Vasingtoniae, mox Columbum in Srilanca, deinde Tokium missus est. Legatus principalis Indiae iuxta regimina Cechicum ab 2001 usque in 2004, Singapuranum ab 2007, Sinense ab 2009, Civitatum Foederatarum ab 2013 excubuit. Denuo, ministerii sui princeps, secretarius rerum externarum a die 28 Ianuarii 2015 tres annos meruit.
Minister a rebus externis Indiae die 30 Maii 2019 factus est, primo ministro Narendra Modi.