Ordo Sanctae Clarae
From Wikipedia, the free encyclopedia
Ordo Sanctae Clarae (litteris compendiariis OSCI) est ordo monialium Ecclesiae Catholicae Romanae, dominica palmarum anno 1212 a Sancto Francisco una cum Clara Assisiensi conditus. Latine etiam ordo Seraphicus appellatur, Francice Cordelières. Exemplo verbisque Francisci adducta Clara Consilia Evangelica et imprimis Iesum pauperem sequi constituit.
![Thumb image](http://upload.wikimedia.org/wikipedia/commons/thumb/0/01/Santa_Clara_Giotto_Santa_Croce_Florence.jpg/640px-Santa_Clara_Giotto_Santa_Croce_Florence.jpg)
Ordo secundus post ordinem Fratrum Minorum (inde primum ordinem dictum) et ante tertium ordinem, qui laicos (sic dictos tertiarios sive tertiarias) comprehendit, formatus est. Anno 2011 plus quam 20.000 Clarissae in fere 70 civitatibus orbis terrarum diversas observationes (i.e. regulas) sequentes in variis foederationibus vivebant.[1]