Nova Russia (confoederatio)
From Wikipedia, the free encyclopedia
Nova Russia (Russice Новороссия, tr. Novorossija; Ucrainice tr. Новоросія Novorosiia) etiam Unio Rerum Publicarum Populorum vel Coniunctae Populorum Res Publicae (Russice Союз народных республик tr. Soyuz narodnykh respublik|sɐˈjuz nɐˈroːdnɨx rʲɪˈspublʲɪk; Ucrainice Союз народних республік tr. Soiuz narodnykh respublik) appellata, fuit confoederatio in Ucraina Orientali a Donetscensi et Luganscensi civitatibus non rite agnitis proposita, in regione Novae Russiae in historicis Europae Orientalis terris sita, quae ambae a separatistis philorussicis continentur.[1]
Notio Novae Russiae in sermone publico anno 2014 orta est, certamine in Ucraina Orientali ineunte. Quae ad Novam Russiam spectabat, ad territorium imperiale in dicionem Russicam post Cosacos Ottomanosque victos redacta, ubi coloni Russici olim deduci excitati erant.[2] Russia hanc notionem pro nova secedentium rerum publicarum Donetscensis Luganscensisque identitate adiuvabat.