Maliacus sinus
From Wikipedia, the free encyclopedia
Maliacus sinus[1] (Graece Μαλιακὸς κόλπος), est sinus mediae Graeciae ad Aegaeum mare versus. Ante sinum iacet Euboea insula. Praeter Sperchium flumen etiam multi minores fluvii mediae Graeciae in sinum se effundunt. A meridie Callidromus mons, regiones antiquae Locris et Malis, Trachinia saxa et Thermopylae sinui adiacent. A septentrionibus Phthiotis sita est.