![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Crest_of_Mount_Surham_-_Ainsworth_William_Francis_-_1870.jpg/640px-Crest_of_Mount_Surham_-_Ainsworth_William_Francis_-_1870.jpg&w=640&q=50)
Iugum Lichense
From Wikipedia, the free encyclopedia
Iugum Lichense[1] (Georgiane ლიხის ქედი) vel Suramense[2] est pars montium Caucasi, iugum, quod Caucasum Maiorem et Caucasum Minorem coniungit per terras Georgiae et Ossetiae Meridionalis. A monte Tadikusan prope ad iugum Principale sito per confinium Georgiae et Ossetiae Meridionalis ad austroccidentem tenditur, Georgiam transgreditur et cum iugo Meschetico Caucasi Minoris coniungitur; divortium aquarum fluminum Phasidis et Cyri est et Transcaucasiam dimidiat, in Transcaucasiam Orientalem et Occidentalem dividens. In Georgia regiones historicae Imerethia et Carthlia iugo Lichensi divisae sunt.
![Thumb image](http://upload.wikimedia.org/wikipedia/commons/thumb/3/32/Crest_of_Mount_Surham_-_Ainsworth_William_Francis_-_1870.jpg/640px-Crest_of_Mount_Surham_-_Ainsworth_William_Francis_-_1870.jpg)
Cacumen iugi Lichensis altissimum Lochoni mons est, 1926 m altus. Transitus Suramensis trans iugum ducit, prope ad eum cuniculus Suramensis ferriviarius anno 1890 constructus est.