Ioga
From Wikipedia, the free encyclopedia
Ioga,[1][2] vel yoga[3] (verbum Sanscriticum et Pali; scriptura Devanāgarī योग) est quaelibet multarum corporis mentisque disciplinarum in subcontinente Indico ortarum.[4] Verbum cum meditativis in Buddhismo, Hinduismo, Iainismoque exercitationibus consociatur (Carmody & Carmody 1996:68; Sarbacker 2005:1–2). [5] Intra Hinduismum, vox yogae ad unam ex sex orthodoxis (āstika) philosophiae Hinduisticae scholis spectat, et mentem ad quem illa schola suas exercitationes intendit.[6] In Jainismo, yoga est summa omnium actionum: mentis, verborum, corporum.
Maiores partes iogae sunt in philosophia Hinduica Raja Yoga, Karma Yoga, Jnana Yoga, Bhakti Yoga, et Hatha Yoga.[7] Raja Yoga, in Yoganis Patanjali Orsis composita, et simpliciter appellata yoga in philosophia Hinduica, est pars memoriae Samkhyae (Jacobsen 2005:4). Multi alii libri Hinduistici de Upanishad, Bhagavad Gita, Hatha Yoga Pradipika, Shiva Samhita, variis tantris, et aliis yogae rebus dissererunt.
Verbum Sanscriticum yoga multas significationes habet,[8] et de radice Sanscritica yuj 'moderari, coniungere, copulare' deducitur.[9] Communia verba conversa sunt 'iungere, copulare, unio, coniunctio', et 'via'.[10][11] Fortasse etiam, verbum yoga de yujir samadhau 'contemplatio, absorptio' deducitur.[12]
Extra Indiam, vocabulum yoga usitate cum Hatha Yoga et eius asanis (statibus) consociatur, vel speciem exercitationis significat. Qui yogam faciat vel philosophiam yogae ad altum artis gradum sequatur yogi aut yogini appellatur.[13]