![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Reuven_Rivlin_at_a_meeting_with_Jean-Yves_Le_Drian%252C_March_2018_%25289730%2529_%2528cropped%2529.jpg/640px-Reuven_Rivlin_at_a_meeting_with_Jean-Yves_Le_Drian%252C_March_2018_%25289730%2529_%2528cropped%2529.jpg&w=640&q=50)
Ioannes Ivo Le Drian
politicus / From Wikipedia, the free encyclopedia
Ioannes Ivo, vulgo Jean-Yves Le Drian (natus Oriente in urbe Britanniae Minoris die 30 Iunii 1947), est politicus Franciae.
![Ioannes Ivo Le Drian: imago](http://upload.wikimedia.org/wikipedia/commons/thumb/6/67/Reuven_Rivlin_at_a_meeting_with_Jean-Yves_Le_Drian%2C_March_2018_%289730%29_%28cropped%29.jpg/640px-Reuven_Rivlin_at_a_meeting_with_Jean-Yves_Le_Drian%2C_March_2018_%289730%29_%28cropped%29.jpg)
![Ioannes Ivo Le Drian: subscriptio](http://upload.wikimedia.org/wikipedia/commons/thumb/3/3b/Le_Drian_-_signature.png/150px-Le_Drian_-_signature.png)
Patria: Francia
Familia
Coniunx: Maria Vadillo
Proles: Thomas Le Drian
Oriente in urbe natus, in oppido adiacenti Lanester educatus est, avis et proavis circa portu navesque semper versatis. Alumnus est universitatis Redonensis. Hanneboti magister scholarum, ab anno 1973 Redonis lector laborabat, ubi anno 1974, orationis Francisci Mitterrand auscultator, factioni socialisticae se iunxit. Inter annos 1981 et 1998 magister civium urbis natalis, inter 2004 et 2017 praeses consilii regionalis Britanniae Minoris meruit. Distinctionem Britanniae Minoris intra Franciam continenter favebat.
![Thumb image](http://upload.wikimedia.org/wikipedia/commons/thumb/1/1f/Le_Drian_%C3%A0_Ifremer_Toulon_1992.jpg/640px-Le_Drian_%C3%A0_Ifremer_Toulon_1992.jpg)
Legatus fuit conventui nationali annis 1978–1991 et 1997-2007. Annis 1991 et 1992, praeside Mitterrand, prima ministra Editha Cresson, secretarius civicus a mare operam dedit. Sub praesidatu Nicolao Sarkozy bis vel ter ad ministerium munitionis convocatus hoc officium semper recusavit. Denuo ab anno 2012 ad 2017, praeside Francisco Hollande, minister a munitione fuit, primis ministris Ioanne Marco Ayrault, Manuele Valls, Bernardo Cazeneuve. A die 17 Maii 2017 minister a rebus externis Franciae meret in regimine factionis La République en marche!(fr) (primo ministro Eduardo Philippe, praeside Emmanuele Macron) qua ratione e factione socialistica mense Martio 2018 abiit. Mense Novembri 2021, In colloquio cum ephemeride "Le Monde", Jean-Yve Le Drian sollicitudinem expressit de praeda oeconomica in terris Africanis pendentibus, digito monstrans apud Sinas et Russiam. "Competitores nostri nullas taboos vel limites habent" dixit Jean-Yves Le Drian, secundum quos Europaei omni pretio suam necessitudinem cum continenti Africae reficere debent.