Georgius Osborne
From Wikipedia, the free encyclopedia
Georgius Osborne, nomine nativo Gideon Oliver Osborne (Londinii in regione urbana Paddington natus die 23 Maii 1971) est politicus et diurnarius Anglicus.
Patria: Britanniarum Regnum
Familia
Coniunx: Frances Osborne
Proles: Luke Benedict Osborne, Liberty Kate Osborne
Londinii educatus est ubi scholam S. Pauli Coletinam frequentavit. Alumnus est Collegii Magdalenae apud Oxonienses, ubi libellos Isis edidit sociusque erat societatis convivialis Bullingdon. Deinde iuxta politicos nonnullos, Duglassium Hogg, Ioannem Major, Gulielmum Hague, Michaelem Howard a nuntiis sive ab epistulis laboravit. A die 7 Iunii 2001 usque ad 3 Maii 2017 legatus Parlamento Britannico munere populi Tatton functus est, factionis Conservativae sodalis. A die 12 Maii 2010, primo ministro Davide Cameron, Cancellarius Scaccarii meruit,[1] e quo officio a nova prima ministra Theresa May statim die 13 Iulii 2016 eiectus est. Comitiis parlamentariis 2017 recusatis, munus editoris diurnarii Londiniensis Evening Standard mense Maio 2017 suscepit, possessore Eugenio Lebedev cui iam amicus fuerat.