Gens humana
From Wikipedia, the free encyclopedia
Gens humana est usitatum speciei nostrae nomen; naturale autem nomen est Homo sapiens.
Ordo : Primates
Familia : Hominidae
Subfamilia : Homininae
Tribus : Hominini
Genus : Homo
Species : H. sapiens
Linnaeus, 1758
Bory de St. Vincent, 1825
- americanus
Bory de St. Vincent, 1825 - arabicus
Bory de St. Vincent, 1825 - aurignacensis
Klaatsch & Hauser, 1910 - australasicus
Bory de St. Vincent, 1825 - cafer
Bory de St. Vincent, 1825 - capensis
Broom, 1917 - columbicus
Bory de St. Vincent, 1825 - cro-magnonensis
Gregory, 1921 - drennani
Kleinschmidt, 1931 - eurafricanus
(Sergi, 1911) - grimaldiensis
Gregory, 1921 - grimaldii
Lapouge, 1906 - hottentotus
Bory de St. Vincent, 1825 - hyperboreus
Bory de St. Vincent, 1825 - indicus
Bory de St. Vincent, 1825 - japeticus
Bory de St. Vincent, 1825 - melaninus
Bory de St. Vincent, 1825 - monstrosus
Linnaeus, 1758 - neptunianus
Bory de St. Vincent, 1825 - palestinus
McCown & Keith, 1932 - patagonus
Bory de St. Vincent, 1825 - priscus
Lapouge, 1899 - proto-aethiopicus
Giuffrida-Ruggeri, 1915 - scythicus
Bory de St. Vincent, 1825 - sinicus
Bory de St. Vincent, 1825 - spelaeus
Lapouge, 1899 - troglodytes
Linnaeus, 1758 - wadjakensis
Dubois, 1921
Homo sapiens[1][2] est sola generis Hominis species viva, familiae Hominidarum et ordinis Primatum. Homines hodiernas corporis conformationes habentes Africa abhinc annorum circa 200 000 orti sunt, et perfectam morum hodiernitatem abhinc circa annorum 50 000 adsecuti sunt.[3]
Quia hominibus est cerebrum humanum maxime evolutum, eo est ei sensus subiectivus abstractionis quo homines ratiocinari, lingua loqui, in mentem introspicere, quaestiones censere, et solutiones invenire possunt. Haec mentis facultas, cum erecto corporis habitu et manibus liberis res tractantibus, hominibus sinit instrumentis omnium generum uti ad tractandum plus quam quaequam orbis terrarum speciem vivam. Etenim adhibet cognitionis gradum altiorem, sicut agnitionem sui ("ratiocinor ergo exsisto"), memoriam, rationem, ratiocinationem, et sapientiam praebens.[4][5][6] Item habent notiones attributionum definientes rerum quae "personam" conformant.[7][8]
Hominibus est unica peritia ad versanda systemata communicationis ut de se dicant, excogitationes inter se permutent, et res communiter ordinent. Ei multiplices structuras sociales fingunt, quae in multis gregibus una agentes et contendentes coexsistunt, inter quas familiae, pleraque cognationis retia, et civitates, a moribus et legibus temperatae. Interactiones sociales inter homines variissimas statuerunt aestimationes, normas sociales, et ritus, qui una sunt fundamenta societatis humanae. Quia in omni continente, etiam Antarcticam, habitant, homines sunt species cosmopolita.
Aestimavit Divisio Civium Numeri Consociationis Nationum anno 2011 civium numerum esse circa 7 billiones,[9] et aestimavit Ministerium Census Civitatum Foederatarum eum esse circa 6.97 billiones.[10] Insigniter desiderant homines eorum circumiectum intellegere et adfigere, res per scientiam, philosophiam, mythologiam, et religionem et alias superstitiones explicare et tractare petentes. Hoc naturale noscendi studium evolutionem instrumentorum promotorum et sollertiarum excitavit, quae per culturam traduntur; homines quidem sunt sola species quae ignem sibi facit, cibum sibi coquunt, induunt sibi vestem, atque multas alias technologias et artes excogitant et adhibent, praecipue litteras, musicam, saltationem, et alias artes quae ex aestimatione pulchritudinis dependent. Investigatio hominum est scientifica anthropologiae doctrina.