Fulco Tolosanus
episcopus catholicus From Wikipedia, the free encyclopedia
episcopus catholicus From Wikipedia, the free encyclopedia
Fulco Tolosanus (Occitanice Folquet de Marselha sive Folc de Tolosa; mortuus die 25 Decembris 1231) fuit mercator dives e stirpe Genuensi Anfos vel Anfossi, Massiliam habitans, poeta linguae Occitanae vel trobator, postea monachus ordinis Cisterciensis, abbas, episcopus Tolosanus.
Dies et annus nataliciae Fulconis ignoti sunt. Testator fuit (sub nomine Fulco Anfos) documenti cuiusdam anno 1178 emissi Massiliae (igitur natus est ante annum 1164); carmen primum eius compositum est anno 1179.
Carminum Fulconis supersunt 19 vel 20. Ut poeta circa annos 1180 et 1190 patronos habuit Raimundum Galfridum Barral Massiliae et Alphonsum II, regem Aragoniae, qui ut comes Provinciae aulam tenuit Aquis Sextiis. Carmina nonnulla mittit et Ricardo I Angliae (nuper Cruce signato), Raimundo V Tolosano, Raimundus Rogerius Fuxiensi, Guillelmo VIII Montispessulanensi. Tres poetae pseudonymi quibus Fulco carmina sua mittit sunt Azimans (Bertrandus de Born); Tostemps (Raimundus de Miraval); Plus-Leial (fortasse Pons de Chapduelh). E carmine partito cuius initium est Tostemps, si vos sabetz d'amor ("O Omnetempus, si expertus es amoris"), a Fulcone et Raimundo de Miraval composito, licet aliquas res discere de veris amoribus eius. Alii trobatores de Fulcone loquuntur: Monachus de Montaudon in satira sua de poetis, Petrus Vidal, Rambaldus de Vaqueiras, Amalricus de Peguilhan.
Circa annum 1195 fit monachus Cisterciensis et postea abbas Toroneti; uxor eius duoque filii eodem tempore vitam religiosam acceperunt. Anno 1205 electus est episcopus Tolosae. In episcopatu suo haeresis Catharorum florebat; Fulco eam debellavit annos fere 25, adiuvantibus primo Dominico de Osma, postea Simone comite Montisfortis et hominibus expeditionis sacrae. Anno 1206 Dominicus Fulcoque fundaverunt refugium feminarum Prullianum. Anno 1215 in episcopatu suo instituit ordinem fratrum praedicatorum, duce Dominico:
Nos Fulco Tolosanae Ecclesiae humilis Minister ad extirpandum haereticam pravitatem et vitia expellenda et fidei regulam edocendam et homines sanis moribus imbuendos instituimus praedicatores in Episcopatu nostro f. Dominicum et socios eius– Fulco Tolosanus, Epistula dioecesana, 1215
Huic ordini Fulco ipse cum capitulo ecclesia Cathedralis Tolosana sacellam Sancti Romani dedit ubi anno 1216 Conventus Sancti Romani constitutus est. Ordo praedicatorum anno 1217 a papa Honorio III confirmata est. Anno 1229 cum aliis Fulco instituit universitatem Tolosanam.
Etiam fecit poema de rege Ricardo Angliae Cruce signato anno 1187: hoc poema aut perditum est, aut potest esse carmen sine nomine traditum et in editione Stronski impressum:
Vita Occitanica Fulconis praetendit eum amasium fuisse mulierum nobilium, causaque eius Guillelmus VIII Montispessulanensis reiecit uxorem suam Eudociam Comnenam.[1] Famam eius celebravit Petrarca in Triumpho amoris. Fulco etiam persona in Divina comoedia Dantis Alagherii est.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
