Fretum Palk
From Wikipedia, the free encyclopedia
Fretum Palk[1] (Tamulice பாக்கு நீரிணை Paaku Neerinai), vel fortasse Fretum Palcianum,[2] est fretum quod inter Coromandelam, civitatem Indiae, et Districtum Jaffna[1] patet, in Provincia Septentrionali Srilancae, civitatis insularis in Oceano Indico sitae. Sinum Bengaliensem ad septentriones et orientem versus cum Sinu Palk in meridie et occidente conectit.[3] Hoc corpus aquae est a 40 ad 85 milia passum latum, 85 milia passuum longum,[4] et plus quam 9.1 metra altum.[5] Nonnulla flumina in fretum defluunt, inter quae Flumen Vaigai[1] in Coromandela. Fretum ex Roberto Palk equite, gubernatore Praefecturae Madras (1755–1763) aevo regni societatis, appellatur.