![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/45/YellowFeverVirus.jpg/640px-YellowFeverVirus.jpg&w=640&q=50)
Flavivirus
From Wikipedia, the free encyclopedia
Flavivirus (-i, n.) est genus virorum familiae Flaviviridarum. Quod comprehendit virus Nili Occidentalis, virus febris dengue, virus meningoencephalitidis ab ixodidis latae, virus febris flavae, virus Zikanum, et nonnulla alia vira quae encephalitem et alios morbos efficere possunt.[2]
Appellantur flavivira ex viro febris flavae, typo familiae. Nomen febris flavae ortum est, quia icterum flavum in aegris efficere solet.[3]
Flavivira nonnulla indicia una partiunt: magnitudinem (40–65 nm), symmetriam (involutam, icosahedralem nucleocapsidalem), acidum nucleicum (sensu positivo, RNA fili unius, circa 10 000–11 000 basium), et speciem in microscopio electronico visam.
Plurima ex his viris transmittuntur per ictum arthropodi infecti, (culicis vel ixodidi), atque ergo arthropod-borne virus, ex locutione Anglica, arbovira describuntur. Infectiones humanae ab his viris effectae usitate sunt leves, quia homines virus replicare plerumque non possunt ad titulos tam altos quam arthropoda iterum infici possunt, ut circulum vitae viralis alant; quam ob rem homines hostes cessationis appellantur. Exceptiones sunt febris flava, febris dengue, virusque Zikanum, quae tamen vectorum inter culices egent, sed hominibus tam accommodantur quam non necessario hostibus inter alia animalia nituntur (quamquam vias transmissionis magni momenti in animalibus iam habent).
Aliae viae transmissionis per arbovira sunt cadavera animalium infectorum tractata, transfusio sanguinis, partus, et consumptio operum lactis non pasteurizati. Transmissio ab animalibus ad homines sine arthropodo vectore intermediato haud probabilis putatur. Exempli gratia, prima febris flavae experimenta hunc morbum non contagiosum esse demonstraverunt.
Nota familiae flavivirorum non arbovira in arthropodis aut vertebratis, sed non in ambobus, regenerare possunt.