From Wikipedia, the free encyclopedia
Corinna (Graece Κόριννα, diminutivum a κόρα 'puella') fuit poetria Graeciae antiquae. Quando vixerit disputatur: opiniones a quinto usque ad tertium saeculum a.C.n. variant.
Corinna Tanagra Boeotiae oriunda erat, ubi antiquitate Pausania teste (IX 22, 3) statua eius inveniebatur. Sunt, qui eam tertio saeculo vixisse putent, quia pauca carmina conservata cum lingua orthographiaque huius temporis congruant. Alii eam Pindari coaequalem fuisse credunt (saeculo quinto a.C.n. ineunte). Factum memoratu dignum a pluribus scriptoribus (Pausanias, Plutarchus, Aelianus) traditum inducunt certamen inter Corinnam Pindarumque fuisse.
Corinna numerosa carmina scripsit, quorum autem sola papyri fragmenta et verba ab aliis scriptoribus (Hephaestion, Apollonius Dyscolus) allata tradita sunt. Argumenta e mythologia Graeca sumpta effingebat, imprimis fabulas ad Boeotiam pertinentes (Septem contra Thebas, Oedipus, Heracles, Orion). Papyrus anno 1906 Hermupoli in Aegypto inventa versus continet, quibus certamen artificis inter montes Boeotiae Cithaeron et Heliconem celebratur. Stilus eius simplex, exemplis ornatus ac venustus est. Versus reliqui proprietates dialecti Boeoticae (sicut mutationem vocalis η in αι).
Verisimiliter Hellenismo editio operum quinque librorum nomine Carmina (μέλη) facta est. Decima poetria Alexandriae canoni „novem poetarum lyricorum“ annumerata est. A poetis Romanis exemplum poeseos simul doctae ac simplicis habebatur (Propertius II 3, 21). Publius Ovidius Naso in eius honorem principalem Amorum personam Corinnam appellavit.
Praenomen „Corinna“ a poetria Graeca repetit.
 |
Vicimedia Communia plura habent quae ad Corinnam spectant. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
