Congressus Ido

Congressus Ido (lingua Ido: Ido-konfero) convocant linguae Ido omnes fautores in Europam inde ab anno 1921. Ob eorum pusillitatem asseclae anno 1925 sic dicta formulam Stör non sine sale ita effabantur: Si conventicula nostra congressus magnos nuncupamus, scandalo sunt; si autem circulum amicum maximi momenti sunt.

Congressus anni 1924

Conventus quartus, Luxemburgi mense Augusto anni 1924 (9.-12.8.) celebratus congregavit fanaticos tricentos e terris variis XV oriundos. Maioris momenti fuit primo die disputatio de partibus linguae auxiliaris agendis in scholis et in radiophonia. Sancta missa cum homelia idiomate Ido habita in ecclesia monastica Congregrationis Sanctissimi Redemptoris die dominica celebrata est, antequam visitatio officialis in curia apud burgimagistrum Dietrich fieret. Die Lunae non solum porro nugabantur idistae sed etiam examina pararunt tironibus ad diploma linguisticum accipiendum. Finis congressui sollemnis datus est die Martis.

Congressus anni 2001

Conventus Internaciona Ido-renkontro 2001 mense Iunio anni 2001 (17.-21.6.) fiebat Norimbergae, qui post spectaculum simile anno 1998 in Polonia datum, internationalis proclamatus est. Attamen participes tantummodo quattuordecim e quattuor terris oriundi numerabantur: in actis diurnis "Nürnberger Nachrichten" nihilominus die 24.6. de celebratione ista ratio reddita est. Argumenta altercationum amicarum circumprehendebant periodica lingua Ido creanda necnon normae novae interretiales linguae Ido dandae (e.g. compendiaria formula ISO "io" pro lingua Ido introducenda). Insuper auctoritas Unionis linguae internationalis Ido denuo definita est. Denuo linguam Ido linguam Esperanticam superare confirmatum est. Ad momentum linguae Ido augendum sodales litteras multas et bonas oportere dixerunt. Id eo curiosius est quo idistae olim esperantistas criticaverant ob nimium litterarum amorem et usus Esperantici practici neglegentiam. Etiam reformatio linguae continuata criticata est, quae saepe ignorantiam linguisticam proderet. Idistae meliores autem normas antiquas a linguistis bonis definitas valde aestimarent colerentque. Quin verba nova officialiter permittenda essent nemo dubitavit. Vexillum officiale et insignia Ido saepius publice monstrentur ab omnibus motionis Ido asseclis.

Congressus anni 2002

Conventus Internaciona Ido-renkontro 2002 mense Iulio anni 2002 (26.7.-30.7.) fiebat Cracoviae. Ibi denuo quattuordecim homines participes fuerunt e sex terris Europaeis oriundi. Tunc nihil nisi res ad culturam atque periegesim pertinentes fiebant, nullis colloquiis factis.

Congressus anni 2003

Conventus Internaciona Ido-konfero 2003 mense Augusto anni 2003 (8.8.-12.8.) fiebat ad Großbothen prope Lipsiam. Praeter res periegeticas magni momenti fuit collectio notionum de viis linguae Ido disvulgandae. Periodicum communisticum Neues Deutschland de istis diebus referebat die 16.8.

Congressus anni 2004

Conventus Internaciona Ido-renkontro 2004 mense Iulio anni 2004 (16.7.-23.7.) fiebat in vico Puhivka apud Kiovia. Festo ineunte chorus infantium cantilenas varias lingua Ido cecinit. Expositio quoque visa est de operibus a Boris Aaronov scriptis et ab Ioanna Reunova servata. Praeterea de societate Interhelpo certiores facti sunt visitatores, quam olim operarii Kyrgyzstaniae et Bohemoslovaciae fundaverunt.

Congressus anni 2005

Conventus Internaciona Ido-renkontro 2005 mense Septembri anni 2005 (23.9.-27.9.) fiebat Tolosae. Rebus periegeticis comitantibus decisio facta est, ut exararetur elenchus cum inscriptionibus cursualibus sodalium in orbe terrarum dispersorum.

Congressus anni 2006

Conventus Internaciona Ido-konfero 2006 mense Augusto anni 2006 Berolini fiebat. Ibi sodales Germani separatim convenerunt. Praeter excursiones oblatae sunt informationes de bono usu Vicipaediae in rebus ad linguam et ideam Ido attinentibus.

More information Genus coetus, Annus ...

Genus coetus	Annus	Urbs	Terra	Notae addendae
congressus	2019	Berolinum
congressus	2018	Pruvinum
congressus	2017	Budovicium
congressus	2016	Valentia
congressus	2015	Berolinum
congressus	2014	Lutetia
congressus	2013	Ouroux
congressus	2012	Dessavia
congressus	2011	Echternach
congressus	2010	Tübingen
congressus	2009	Tallinna
congressus	2008	Wuppertal
congressus	2007	Lutetia
congressus	2006	Berolinum
congressus	2005	Tolosa
congressus	2004	Kiovia
conventiculum internationale	2004	Bagnoles de l'Orne
congressus	2003	Großbothen
congressus	2002	Cracovia
congressus	2001	Norimberga
congressus	1999	Waldkappel
congressus	1998	Białobrzegi
congressus	1997	Bakkum	Formula:NLD
congressus	1995	Elsnigk
congressus	1991	Ostenda
congressus	1990	Waldkappel
congressus	1989	Turicum
congressus	1987	Eschwege
congressus	1985	Anversa
congressus	1983	Eboracum	Formula:GBR
congressus	1981	Jongny
congressus	1980	Namur
congressus	1979	Upsalia
congressus	1978	Cantabrigia	Formula:ENG
congressus	1977	Berolinum
congressus	1976	Saint-Nazaire
congressus	1975	Thun
congressus	1974	Kiovia
congressus	1973	Riga	Formula:LVA
congressus	1973	Cardiff	Formula:GBR
congressus	1972	La Chaux-de-Fonds
congressus	1971	Trollhättan	Formula:SWE
congressus	1970	Luksemburgo
congressus	1969	Turicum
congressus	1968	Berolinum
congressus	1967	Avaricum Biturigum
congressus	1966	Biella
congressus	1965	Lons-le-Saunier
congressus	1964	Kielia
congressus	1963	Barcino
congressus	1962	Thun
congressus	1961	Turicum
congressus	1960	Colmaria
congressus	1959	Friburgum Brisgoviae
congressus	1957	Luxemburgum
congressus	1952	Berolinum
congressus	1951	Torino
congressus	1950	Colmaria
congressus	1939	Ad Sanctum Gallum
congressus	1937	Lutetia
congressus	1936	Szombathely
congressus	1935	Fredericia
congressus	1934	Oostduinkerke
congressus	1933	Mondorf
congressus	1931	Lauenburg
congressus	1930	Sopronium
congressus	1929	Friburgum Brisgoviae
congressus	1928	Turicum
congressus	1927	Lutetia
congressus	1926	Praga
congressus	1925	Torino
congressus	1924	Luxemburgum
congressus	1923	Cassella
congressus	1922	Dessavia
congressus	1921	Vindobona
congressus	1914	Luxemburgum		factum non est bello impediente