Capitis dolor[1] (-oris, m.), vel dolor capitis,[2][3] vel ex lingua Graeca cephalalgia[4][5][3] (-ae, f.) sive cephalargia,[4][2] est incommodus sensus vel dolor in regione capitis et colli. Symptoma multorum statuum capitis et colli esse potest. Hodie plus quam ducenta capitis doloris genera describuntur. Textura cerebri ipsa dolorem non sensit, quia nociceptoribus caret; dolor potius efficitur a turbatione structurarum circa cerebrum, quae dolorem sentire possunt. Novem capitis et colli sunt hae structurae: cranium (pericranium calvariae), musculi, nervi, arteriae venaeque, texturae subcutaneae, oculi, aures, sinus paranasales, et tunicae mucosae.
 |
Cave: notitiae huius paginae nec praescriptiones nec consilia medica sunt. |
Classificatio
Ad medicinae usum capitis dolorum classificatio internationalis est, quae Anglice International Classification of Headache Disorders (cephalalgiarum morborum classificatio internationalis, abbreviatura Anglica: ICHD) in versio secunda (ICHD-2[6]) in usu est. Iam versio futura tertia, cum ICD-11 connexionis, versio Tertia (ICHD-3[7]), divulgata est. Auctor illarum classificationum est societas cephalalgiarum internationalis[8] (Anglice: International Headache Society, abbreviatura IHS).
Ambabus classificationibus internationalibus, et ICHD-2 et ICHD-3, tria capita sunt:
- Pars I — Cephalalgiae primariae
- Pars II — Cephalalgiae secundariae
- Pars III — Neuralgiae craniales et dolor facialis centralis primariusque et aliae cephalalgiae
Cephalalgiae primariae
Primarie dicitur, si dolor capitis sit morbus ipse. Cephalalgiae primariae sunt forma migraenae[9], cephalalgiarum tensionalium, cephalalgiae autonomicae trigeminales velut cephalalgiae tussi vel exercitio vel actione sexuali causa, capitis dolor et tonitruus, frigore vel pressu causa, capitis dolor asper, capitis dolor nummularis, capitis dolor in somno, capitis dolor novus cottidianus persistens (NDPH).
Cephalalgiae secundariae
Secundarie est capitis dolor, sicubi malum alterum (i.e. primarium) sit, quod dolorem capitis efficiat. Cephalalgiae secundariae sunt forma doloris trauma causa, morbis vasorum cranialium cervicaliumque, morbis intracranialibus non vasorum, dolor iuxta usum substantiarum diversarum, dolor infectione causa, dolor perturbationibus homeostasis causa, dolor capitis facieive morbis cranii vel oculorum vel aurium vel dentium causa, dolor capitis morbis mentis.
Dolor capitis substantiis analgeticis causa
Analgetica dolorem non solum lenire sed etiam incitare possunt. Medicamenta pharmaceutica ut ergotamini, triptani, Paracetamolum, Acidum acetylsalicylicum sane non raro dolorem capitis praecipitant[10].
Neuralgiae craniales et dolor facialis centralis primariusque et aliae cephalalgiae
Hic damna nervorum cranialium vel faciei complecta sunt: neuralgiae trigeminales, neuropathiae trigeminales, neuralgiae nervi glossopharyngei vel intermedii, neuralgia occipitalis, syndroma cervicis linguaeque, neuritis optica dolorosa, capitis dolor debilitate nervi oculomotorii ischaemica, syndroma Tolosa-Hunt (opthalmoplegia dolorosa), syndroma Raeder, neuropathia ophthalmoplegica dolorosa recurrens, syndroma oris Ardens, dolor facialis idiopathicus persistens, dolor neuropathicus centralis.
Differentia
Morbi oculorum
Nonnulla mala oculorum dolorem capitis efficere possunt, per exemplum:
- Astigmatismus
- Glaucoma
- Heterophorie
- Hyperopia
- Strabismus
Nexus interni
Notae
Nexus externi
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
