Arvind Kejriwal
politicus / From Wikipedia, the free encyclopedia
Arvind Kejriwal seu litteris Devanagari अरविंद केजरीवाल Araviṃda Kejarīvāla (Siwani in oppido[1] civitatis Hariyanae natus die 16 Augusti 1968) est politicus Indiae.
Patre ingeniario electrico, Arvind Kejriwal in variis urbibus Indiae borealis educatus est. Alumnus est Instituti Technologiae Indici Kharagpurensis. Jamshedpur in urbe apud Tata Steel, deinde Novi Dellii apud ministerium vectigalium operam dedit. Agitator contra corruptelis haud obscurus, factionem novam hominis communis(en) anno 2012 condidit, qua anno insequenti in comitiis territorii capitalis Dellii satis prospere agenti ipse minister principalis regiminis die 28 Decembris 2013 factus est. Officium propter defectus legatorum faventium die 14 Februarii 2014 renuntiavit, sed, novis comitiis etiam melius evenientibus, iterum ab eodem die anni 2015 minister principalis meret.