Aloysius Hitler
From Wikipedia, the free encyclopedia
Aloysius Hitler (natus Alois Schicklgruber die 7 Iunii 1837 in Döllersheim in Austria Inferiore; mortuus die 3 Ianuarii 1903 in Leonding apud Lentiam), Annae Mariae Schicklgruber filius incerto patre ortus, fuit portitor (Zollbeamter) et Adolphi Hitler pater. Fama est Aloysium cingulo pugnisque inhumanissime Adolphum filium verberare et severa disciplina educare solitum esse.
Obitus: 3 Ianuarii 1903; Lentia, Leonding
Patria: Imperium Austro-Hungaricum, Imperium Austriacum
Nomen nativum: Aloys Schicklgruber
Familia
Coniunx: Clara Hitler, Franziska Matzelsberger, Anna Glasl-Hörer
Proles: Adolphus Hitler, Paula Hitler, Angela Hitler, Alois Hitler, Jr., Gustav Hitler, Ida Hitler, Otto Hitler, Edmund Hitler
Memoria
Aloysii pater putatur Iohannes Nepomuk Hiedler fuisse, qui Weitrae vivebat. Post mortem eius frater Iohannes Georgius Hiedler Aloysium alebat. Post secundum bellum mundanum et paulo ante damnationem ad furcam nazista Ioannes Frank, inter bellum Poloniae gubernator, scripsit vere Aloysii patrem quemdam mercatorem Iudaeum, Frankenberger, fuisse, quia Anna Maria Schicklgruber Gratiae apud hanc familiam Iudaicam operam dederat; hanc autem fabulam historici esse falsam putant.
Anno 1876 Aloysius, Iohannis Nepomuk Hiedler iussu, nomen suum mutavit, ut partem hereditatis fratrum Hiedler acciperet. Tres testes — Iosephus Romeder, Iohannes Breiteneder, Engelbert Paukh — declaraverunt Iohannem Georgium Hiedler, vigesimum iam annum mortuum, eis dixisse Aloysii pater fuisse.