![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/32/Personnalit%25C3%25A9s_des_arts_et_des_lettres_-_Alexandre_Herzen.jpg/640px-Personnalit%25C3%25A9s_des_arts_et_des_lettres_-_Alexandre_Herzen.jpg&w=640&q=50)
Alexander Herzen
From Wikipedia, the free encyclopedia
Alexander Ioannis filius Herzen (Russice: Александр Иванович Герцен, tr. Aleksandr Ivanovič Gercen; natus Moscuae die 25 Martii[1] 1812; mortuus est Lutetiae die 9 Ianuarii[2] 1870), cognomine Iskander, fuit scriptor, philosophus, diurnarius et revolutionarius Russicus.
![Alexander Herzen: imago](http://upload.wikimedia.org/wikipedia/commons/thumb/3/32/Personnalit%C3%A9s_des_arts_et_des_lettres_-_Alexandre_Herzen.jpg/640px-Personnalit%C3%A9s_des_arts_et_des_lettres_-_Alexandre_Herzen.jpg)
![Alexander Herzen: subscriptio](http://upload.wikimedia.org/wikipedia/commons/thumb/6/64/%D0%91%D0%A1%D0%AD1._%D0%90%D0%B2%D1%82%D0%BE%D0%B3%D1%80%D0%B0%D1%84._%D0%90%D0%B2%D1%82%D0%BE%D0%B3%D1%80%D0%B0%D1%84%D1%8B._8.svg/150px-%D0%91%D0%A1%D0%AD1._%D0%90%D0%B2%D1%82%D0%BE%D0%B3%D1%80%D0%B0%D1%84._%D0%90%D0%B2%D1%82%D0%BE%D0%B3%D1%80%D0%B0%D1%84%D1%8B._8.svg.png)
Obitus: 9 Ianuarii 1870; Lutetia
Patria: Imperium Russicum, Helvetia
Nomen nativum: Александр Иванович Герцен
Familia
Coniunx: Natalya Zakharyina
Proles: Aleksandr Herzen, Natalie Herzen
Memoria
Filius illegitimus viri nobilis Ioannis Jakovlev (qui filio suo nomen dedit e verbo Herz, i.e. 'cor') fuit. Iam adulescens amicitiam cum Nicolao Ogarëv fecit et pro libertate et abolitione servitutis pugnare cum eo iuravit. Educatus est domi, et dein in facultate physico-mathematica Universitatis Moscuensis, ubi studium anno 1833 complevit. Anno 1847 Russiam in perpetuum reliquit. In Francia, Anglia et Helvetia habitabat. Ab anno 1857 cum Ogarëv acta diurna revolutionaria nomine Kolokol («Колокол»), i.e. 'Campana', in lucem edebat. Kolokol initio Londinii, dein Genavae in lingua Russica edebatur, fuit editio censurae tunc in Russia obliganti non obiecta, et in Imperio Russico nonnullisque aliis regnis prohibita.
Asteroides 3052 Herzen in eius honorem vocatur.