Acapulcum
From Wikipedia, the free encyclopedia
Acapulcum,[1] vel Portus Aquae Pulchrae,[2] rite post 1885 Acapulco de Juárez, est urbs, municipium et maior portus marinus in civitate Guerrero in Pacifico Mexici litore, 300 chiliometra ad meridio-occidentem Mexicopolis sita. Acapulcum in sinu alto et hemicyclico iacet, portus post primo Mexici aevum coloniale conditus.[3] Id est portus navium et cruising lines quae inter Panamam et Franciscopolem Californiae Civitatum Foederatarum navigant.[4] Urbs est maxima in civitate, Chilpancingo capite civitatis multo maior, et adeo maxima urbs litoralis balneariis in Mexico praedita.[5]
Locus: 16°51′46″N 99°53′13″W, 16°51′48″N 99°53′24″W
Numerus incolarum: 673 478
Zona horaria: UTC−6
Situs interretialis
Nomen officiale: Acapulco de Juárez
Gestio
Geographia
Coniunctiones urbium
Constat Acapulcum esse in veterrimis notissimisque devertendi locis litoralibus Mexici. Annis 1950 magnus locus recreationis luminum et milionariorum Ruscisilvanorum factus est.[6]
Nomen Acapulcum ex locutione Navatlaco Aca-pol-co deducitur, quae 'Ad harundines magnas'[7] vel fortasse 'Ad harundines confractas' significat. Verba de Juárez nomini publico anno 1885 addita sunt, ex Benedicto Juárez, superiore Praeside Mexici appellata. Sigillum urbanum confractas monstrat harundines vel calamos.[3]