From Wikipedia, the free encyclopedia
Elven gymyk yw samariom, niver 62 y'n Vosen Beriodek. Y furvell yw Sm. An hanow a dheu dhyworth samarskit, an moon may feu kevys ynno rag an kynsa prys. Onan a'n elvennow dor-tanow, po lanthanid yw samariom. Nyns eus rann dhe samariom y'n korf denel. Nyns yw gwenonek mes holanow samariom a wra serri an lagasow ha kroghen. Medhegneth gorthkanker yw samariom (153Sm) leksidronam (hanow merk: Quadramet).
Ensampel a | Elven gymyk |
---|---|
Furvell gymyk | Sm |
Dydhyas diskudhans | 1879 |
Niver atomek | 62 |
Elektronegedhegedh | 1.17 |
Rann a | lanthanid, period 6 |
Restrennow kelmys war Gemmyn Wikimedia |
Diskudhys veu samariom gan Paul-Émile Lecoq de Boisbaudran yn Paris yn 1879 dhyworth an moon samarskit (henwys veu samarskit dhe enora Vassili Samarsky-Bykhovets, ynjynor bal a Russi). Boisbaudran o diskudhor galliom ha dysprosiom ynwedh. Kevys yw samariom yn monow dor-tanow erel, kepar ha monazit. Askorrys yw a-dro dhe 700 tonnas an vledhen. Usys yw gans kobalt dhe wul kesalkenyow tennvenek (10,000 gweyth moy tennvenek yns ages horn), yn arbennik yn fornow korrdon. Usys yw samariom oksid yn priweyth ha dhe wul gweder hag a wra sugna dewynnyans isrudh. Avel gwernis usys yw yn laserow ha maserow (kemmys dhe laserow mes ow tevnydhya korrdonnow - galladow yw maserow dhe dreghi dur hag aslamma dhyworth enep an Loor). Katalydh dhe'n diwysyans plastek yw ev ynwedh.
Poos atomek samariom yw 150.36, y boynt teudhi yw 1077°C ha'y boynt bryjyon yw 1790°C. Y dhosedh yw 7.52kg an liter. Alkan gwynn-arghansek yw.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.