From Wikipedia, the free encyclopedia
Перем ладор (рочӧнжык Перемскӧй край) — Роч Федерация видзантор. Куйлӧ Кама ю бассейнын, Урал керӧссэз одзын. Ордчӧн Перем ладоркӧт куйлӧны: ойланьын – Коми Республика, асыввылын – Свердлов лапӧв, лунвылын – Башкыр Республика, рытвылын – Удмурт Республика да Киров лапӧв.
Вужпас
| Дӧрапас |
| Канму | Роч Федерация |
| Статус | ладор |
| Ыджытжык регион | Волгадор федерал кытш |
| Янсалӧм | 6 каркытш, 42 район |
| Веськӧтлан шӧрин | Перем |
| Аркман кад | 2005' декаб 1' лун' во |
| Губернатор | Махонин Дмитрий Николаевич |
| Веськöтлан кыв | роч |
| Оліссез (2010' во) | 2 701 638 (15-ӧт места) |
| Оліссезлӧн тшӧкыта | 16,8 морт/км² |
| Чужанвуж сьӧрті тэчас | роччез, комиэз, тотара; башкиррез, украинса, удмурттэз |
| Мувывтор | 160 237 км² (ва - 2 %, 24-ӧт места) |
 | |
| Кад кытш | +5 (гожумнас +6) |
| Телефон код | +7 342 |
| Пошта индекссэз | 614000-614999 |
| Автомобиль код | 59 |
| Веськöтланлöн сайт | |
Мувывторыслӧн ыжда – 160 600 км². Оліссез – 2 708 419 морт (01.01.2009). Перем ладорлӧн шӧрин – Перем кар.
Перем ладор вӧлі аркмӧтӧм Перем лапӧв да Перем комиэзлӧн асвеськӧтлан кытш ӧтлаӧтӧмӧн. Коми кытш эта коста лоис тодильнӧй статуса мувывторӧн Перем ладорын.
Перем ладорлӧн медваж отир – комиэз. Медодз татӧн вӧлі Ыджыт Перем канму. XV векын роч кан вынӧн босьтіс Перем му ас кипод увтӧ. 1781' годö вӧлі аркмӧтӧм Перем губерния, 1923' годӧ вӧлі лӧсьӧтӧм Урал лапӧв (шӧриныс – Свердлов кар), 1934' годӧ – Свердлов лапӧв, 1938' годӧ вӧлі торйӧтӧм Перем лапӧв, кӧда 1940'–1957' воэзӧ шусис Молотов лапӧлӧн. 2005' годся декаб 1 лунсянь – Перем ладор.
Медыджыт юралісьыс Перем ладорын – губернаторыс. Ӧні губернаторын пукалӧ Махонин Дмитрий.
Перем ладор куйлӧ Асыввыв Европа волькытін асыввылын да Шӧрӧт да Ойвыв Урал рытвыв покатын. 99,8 % куйлӧ Европаын, 0,2 % — Азияын.
Медкузь виззез позьӧ нюжӧтны:
Медылісь чутоккез:
Ладорлӧн визиррез чукыляӧсь, ӧтласа кузяыс - 2 200 км.
Перем ладорын климатыс — шӧркодя континентвывся.
Тӧв кузь, лымья. Ойвыв-асыввылын шӧрӧт шонтӧгыс январ коста -18,5 °C, лунвыв-рытвылын - -15 °C. Медлажмыт шонтӧг (ладор ойвылын) вӧлі кӧркӧ -53 °C[1].
Перем ладорын 29 сюрс ю, ӧтласа кузяныс 90 сюрс километрася унажык[2][3]. Быдӧс юэз Перем ладорас лоӧны Кама бассейнын.
Перем ладорын токӧ кык ю позьӧ лыддьыны ыджыт туйӧ (м. ш. нія 500 км-ся кузьжыкӧсь). Этӧ ачыс Кама (1805 км) да сылӧн шульга вож Чусва (592 км).
100-500 км кузя юэз Перем ладорын 40-а. Медгырисьӧсь ны коласын:
Учӧт юэз (кузяныс 100 км-ся етшажык) ладорас медуна. Мукӧдыс история понда тӧдчанаӧсь, шуам, Егошиха, кӧда уссёын вӧлі сувтӧтӧм Перем кар.
2002 вося отирӧс гижӧтӧм дырни Перем ладорын (сэк Перем лапӧлын) оліс 2 819 421 морт.
Пыр олісь отирыс (шӧркодяс во сьӧрна)[4]:
2009 вося январ 1 лун кежӧ Перем крайын оліс 2 708 419 морт[4].
2002 вося отирӧс гижӧтӧм дырни ӧння Перем ладорас унажыксӧ олӧны роччез, комиэз да тотара.
Кык сюрсся унажыкӧн олӧны сэтшӧм чужанвужжезісь отирыс:
| Каррез да кароккез, кытӧн олӧ 10 сюрся унажык морт 2009' во пондöтчан кежӧ | ||||||||||||||||||||||||||||||||||||||||||||||||
|
Перерем ладорӧ пырӧ медодзза тшупӧта 51 муниципал веськӧтлан юкӧт — 42 муниципал район да 6 каркытш[5].
6 муниципал район и 1 кар кытш аркмӧтоны тодильнӧй статуса мувывтор — Перем ладорись Коми кытш:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg)
