ಹಬಲ್ ದೂರದರ್ಶಕ

ಹಬಲ್ ದೂರದರ್ಶಕವು ಭೂಮಿಯ ಸುತ್ತ ಬಾಹ್ಯಾಕಾಶದಲ್ಲಿ ಸುತ್ತುತ್ತಿರುವ ಒಂದು ದೂರದರ್ಶಕ. ಬಾಹ್ಯಾಕಾಶದಲ್ಲಿರುವುದರಿಂದ, ಈ ದೂರದರ್ಶಕವು ಭೂಮಿಯ ವಾಯುಮಂಡಲದ ಹೊರಗಿರುವುದರಿಂದ ಬ್ರಹ್ಮಾಂಡದ ದೂರ ಪ್ರದೇಶಗಳಿಂದ ಬರುವ ದುರ್ಬಲ ಬೆಳಕನ್ನು ಕೂಡ ಪತ್ತೆ ಹಚ್ಚಬಲ್ಲದು. ೧೯೯೦ರಲ್ಲಿ ಅಂತರಿಕ್ಷದಲ್ಲಿ ಸ್ಥಾಪನೆಗೊಂಡ ನಂತರದಿಂದಲೂ ಇದು ಖಗೋಳವಿಜ್ಞಾನಕ್ಕೆ ಬ್ರಹ್ಮಾಂಡದ ಬಗ್ಗೆ ಅತ್ಯಮೂಲ್ಯ ಮಾಹಿತಿಗಳನ್ನು ನೀಡುತ್ತಾ ಬಂದಿದೆ.

ಸಾಮಗ್ರಿಗಳು

NICMOS	ಹತ್ತಿರದ ಇನ್ರಾರಡ್ ಕ್ಯಾಮರಾ ಮತ್ತು
ACS	ಸರ್ವೆ ಮಾಡಲು ಮುಂಗಡ ಕ್ಯಾಮರಾ
WFC3	ಅಗಲ ಕ್ಷೇತ್ರ ಕ್ಯಾಮರಾ 3
COS	ಕಾಸ್ಮಿಕ್ ಮೂಲ ಸ್ಪೆಕ್ಟ್ರೋಗ್ರಾಫ್
STIC	ಅಂತರಿಕ್ಷ ದೂರದರ್ಶಕ ಛಾಯಾಚಿತ್ರ ಸ್ಪೆಕ್ಟ್ರೋಗ್ರಾಫ್
FGS	ಉತ್ತಮ ಮಾರ್ಗದರ್ಶನ ಸಂವೇದಕ

ಇತರ ಅಂಕಿಅಂಶಗಳು
ಕಕ್ಷೆ		:	353 ಮೈಲಿ ಎತ್ತರದಲ್ಲಿ (569 ಕಿ.ಮೀ.)
ಬಾಗು		:	28.5೦ (ಸಮಭಾಜಕ ವೃತ್ತಕ್ಕೆ)
ವೇಗ		:	17,500 ಮೈಲಿ ಗಂಟೆಗೆ (28,000 ಕಿ.ಮೀ. ಗಂಟೆಗೆ)
ಹಬ್ಲ್		:	ಸೂರ್ಯನಿಗೆ ಸಮೀಪವಿರುವ ಬುಧಗ್ರಹವನ್ನು ವೀಕ್ಷಿಸಲಾರದು.
                        ಅತಿನೀಲಕಿರಣಗಳಿಂದ-ಅವಕೆಂಪುಕಿರಣಗಳ ವ್ಯಾಪ್ತಿಯಲ್ಲಿ ದೃಷ್ಟಿಸಬಲ್ಲದು(1115-2500 ನ್ಯಾನೋಮೀಟರ್)
ಮೊದಲ ಬಿಂಬ	:	ತಾರಾಗುಚ್ಛ ಎನ್.ಜಿ.ಸಿ. 3532, ಮೇ 20, 1990.
                        ಪ್ರತಿವಾರ ಹಬ್ಲ್ ರವಾನೆಮಡುವ ಮಾಹಿತಿ 120 ಗಿಗಾಬೈಟ್. ಇದು 3,600 ಅಡಿ ದಪ್ಪದ ಪುಸ್ತಕದಲ್ಲಿ ಸಂಚಯಿಸಬಹುದಾದ ಮಾಹಿತಿಗೆ ಸಮ. ಈ ಮಾಹಿತಿಯನ್ನು ಕಾಂತೀಯ ದೃಕ್ ಅಡಕಮುದ್ರಿಕೆಯಲ್ಲಿ ಸಂಗ್ರಹಿಸಲಾಗುತ್ತದೆ.

ಸ್ಪೇಸ್ ಶಟಲ್ ಡಿಸ್ಕವರಿ ಇಂದ ಹಬಲ್ ದೂರದರ್ಶಕದ ಚಿತ್ರ

ಹಬಲ್ ಅಂತರಿಕ್ಷ ದೂರದರ್ಶಕ

೨೦೦೯ರಲ್ಲಿ ನಿರ್ಗಮಿಸುತ್ತಿರುವ Space Shuttle Atlantis ನಿಂದ ಕಕ್ಷೆಯಲ್ಲಿ ಕಂಡಾಗ, ಹಾರಾಟದ ಸರ್ವಿಸಿಂಗ್ ಮಿಶನ್ (STS-125), ಐದನೆಯ ಮತ್ತು ಕೊನೆಯ ಹಬಲ್ ಮಿಶನ್.
ಹೆಸರುಗಳು	ಎಚ್ಎಸ್‍ಟಿ ಹಬಲ್
ಮಿಷನ್ ಪ್ರಕಾರ	ಖಗೋಳಶಾಸ್ತ್ರ
ಆಪರೇಟರ್	STScI
ಸಿಓಎಸ್ಪಿಏಆರ್ ಐಡಿ	1990-037B
ಎಸ್ಎಟಿಸಿಎಟಿ ಐಡಿ ಸಂಖ್ಯೆ	20580
ಜಾಲತಾಣ	nasa.gov/hubble hubblesite.org spacetelescope.org
ಮಿಷನ್ ಅವಧಿ	34 years, 6 months, 5 days (ಚಾಲ್ತಿಯಲ್ಲಿದೆ)[1]
ಬಾಹ್ಯಾಕಾಶ ನೌಕೆಯ ಗುಣಲಕ್ಷಣಗಳು
ತಯಾರಕ	ಲಾಕ್‍ಹೀಡ್ ಮಾರ್ಟಿನ್ (ಬಾಹ್ಯಾಕಾಶ ನೌಕೆ) ಪರ್ಕಿನ್-ಎಲ್ಮರ್ (ದೃಗ್ವಿಜ್ಞಾನ)
ಉಡಾವಣಾ ಸಮೂಹ	11,110 kg (24,490 lb)[2]
Dimensions	13.2 m × 4.2 m (43 ft × 14 ft)[2]
ಶಕ್ತಿ	2,800 ವಾಟ್‍ಗಳು
ಕಾರ್ಯಾಚರಣೆಯ ಪ್ರಾರಂಭ
ಬಿಡುಗಡೆ ದಿನಾಂಕ	ಎಪ್ರಿಲ್ 24, 1990, 12:33:51 ಯುಟಿಸಿ[3]
ರಾಕೆಟ್	Space Shuttle Discovery (STS-31)
ಲಾಂಚ್ ಸೈಟ್	ಕೆನೆಡಿ, LC-39B
ಗುತ್ತಿಗೆದಾರ	ರಾಕ್‍ವೆಲ್ ಇಂಟರ್‌ನ್ಯಾಶನಲ್
Deployment date	ಎಪ್ರಿಲ್ 25, 1990[2]
Entered service	May 20, 1990; 12582 ದಿನ ಗಳ ಹಿಂದೆ (May 20, 1990)[2]
End of mission
Decay date	2030–2040 (ಅಂದಾಜಿಸಲಾಗಿದೆ)[4]
Orbital parameters
Reference system	ಭೂಕೇಂದ್ರೀಯ ಕಕ್ಷೆ[5]
Regime	ಕೆಳ ಭೂ ಕಕ್ಷೆ
Periapsis	537.0 km (333.7 mi)
Apoapsis	540.9 km (336.1 mi)
Inclination	28.47°
Period	95.42 ನಿಮಿಷಗಳು
Main telescope
Type	ರಿಚಿ–ಕ್ರೆಟಿಯೆನ್ ಪ್ರತಿಫಲಕ
Diameter	2.4 m (7 ft 10 in)[6]
Focal length	57.6 m (189 ft)[6]
Focal ratio	f/24
Collecting area	4.0 m2 (43 sq ft)[7]
Wavelengths	ಹತ್ತಿರದ ಅತಿಗೆಂಪು, ಗೋಚರ ಬೆಳಕು, ನೇರಳಾತೀತ
Instruments NICMOS Near Infrared Camera and Multi-Object Spectrometer ACS Advanced Camera for Surveys WFC3 Wide Field Camera 3 COS Cosmic Origins Spectrograph STIS Space Telescope Imaging Spectrograph FGS Fine Guidance Sensor

ಪರಿಚಯ

ಹಬಲ್ ದೂರದರ್ಶಕವು ಬಾಹ್ಯಾಕಾಶದಲ್ಲಿರುವುದು. ಇದಕ್ಕೆ ಹೆಸರಾಂತ ಖಗೋಳ ಶಾಸ್ತ್ರಜ್ಞ ಎಡ್ವಿನ್ ಹಬಲ್ ಗೌರವಾರ್ಥ ಅವನ ಹೆಸರನ್ನಿಡಲಾಗಿದೆ. 7.9 ಅಡಿ ವ್ಯಾಸದ ದೊಡ್ಡ ಮಸೂರವನ್ನು ಹೊಂದಿದೆ. ವಾಯು ಮಾಲಿನ್ಯ -ವಾತಾವರಣದ ಅಡೆ-ತಡೆ ಇಲ್ಲದ ಶುದ್ಧಸ್ಪಷ್ಟ ಚಿತ್ರ ತೆಗೆದು ಭೂಮಿಗೆ ರವಾನಿಸುವುದು.- The Hubble Space Telescope (HST) is a space telescope that was launched into low Earth orbit in 1990 and remains in operation. With a 2.4-meter (7.9 ft) mirror, Hubble's four main instruments observe in the near ultraviolet, visible, and near infrared spectra. The telescope is named after the astronomer Edwin Hubble.(ಇಂಗ್ಲಿಷ್ ತಾಣ). .

ಹಬಲ್ ದೂರದರ್ಶಕದಲ್ಲಿ 2.4 ಮೀ. ರಷ್ಟು ದೊಡ್ಡದಾದ ಕನ್ನಡಿ ಇದೆ. ಇದು ಅಲ್ಯೂಮಿನಿಯಂ, ಮೆಗ್ನೀಷಿಯಂ ಫ್ಲೋರೈಡ್ ಕವಚದಿಂದ ಕೊಡಿದೆ.^[8][9]

ಇದರ ನಾಲ್ಕು ಮುಖ್ಯ ಸಾಮಾಗ್ರಿಗಳು ನೇರಳಾತೀತ ಕಿರಣಗಳು, ದೃಗ್ಗೋಚರ ರೋಹಿತ ಮತ್ತು ಹತ್ತಿರದ ಅತಿಗೆಂಪು ಕಿರಣಗಳು ಮತ್ತು ವಿದ್ಯುತ್ಕಾಂತೀಯ ಕಿರಣಗಳನ್ನು (electromagnetic spectrum) ಸಹ ವೀಕ್ಷಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಬಲ್ ದೂರದರ್ಶಕ ಭೂಮಿಯ ಹೊರಗಿನ ವಾತಾವರಣವನ್ನು ಅಸ್ಫುಟತೆಯಿಂದ ಪರಿಭ್ರಮಿಸುತ್ತದೆ. ಇದರಿಂದ ಉತ್ತಮ ಗುಣಮಟ್ಟದ ಉತ್ತಮ ದರ್ಜೆಯ ಛಾಯಾಚಿತ್ರಗಳನ್ನು ಸೆರೆಹಿಡಿಯಲು ಸಾಧ್ಯವಾಗುತ್ತದೆ. ಇದು ಗಣನೀಯ ಪ್ರಮಾಣದ ಸ್ಪಷ್ಟವಾದ ವಿಸ್ತೃತವಾದ ಛಾಯಾಚಿತ್ರಗಳನ್ನು ತೆಗೆದಿದೆ.

ಇದು ತೆಗೆದ ಕೆಲವು ಬೆಳಕಿನ ಛಾಯಾಚಿತ್ರಗಳು ಅಂತರಿಕ್ಷವನ್ನು ಕೂಲಂಕುಷವಾಗಿ ಅಥವಾ ಆಳವಾಗಿ ಅಧ್ಯಯನ ನಡೆಸಲು ನೆರವಾಗಿದೆ. ಹಬಲ್ ದೂರದರ್ಶಕದಿಂದ ತೆಗೆದ ಕೆಲವು ಛಾಯಾಚಿತ್ರಗಳು ಭೂಗೋಳ ಹಾಗೂ ಖಗೋಳಶಾಸ್ತ್ರಕ್ಕೆ ಉತ್ತಮ ಕೊಡುಗೆಯನ್ನು ನೀಡಿವೆ. ಉದಾಹರಣೆಗೆ ಹೇಳುವುದಾದರೆ ಇಂದು ನಮಗೆ ಬ್ರಹ್ಮಾಂಡದ ವಿಸ್ತಾರದ ಬಗ್ಗೆ ಒಂದು ಸ್ಪಷ್ಟ ಮಾಹಿತಿ ಲಭಿಸಿರುವುದು.

ಹಬಲ್ ದೂರದರ್ಶಕವನ್ನು ಅಮೇರಿಕಾ ಸಂಯುಕ್ತ ಸಂಸ್ಥಾನದ ಅಂತರಿಕ್ಷ ಸಂಸ್ಥೆ ನಾಸಾಯುರೋಪಿಯನ್ ಅಂತರಿಕ್ಷ ಸಂಸ್ಥೆ (european space agency) ಯ ಸಹಯೋಗದಲ್ಲಿ ತಯಾರಿಸಿತು. ಸ್ಪೇಸ್ ಟೆಲಿಸ್ಕೋಪ್ ಸೈನ್ಸ್ ಇನ್‍ಸ್ಟಿಟ್ಯೂಟ್ ಹಬಲ್ ದೂರದರ್ಶಕದ ಗುರಿಗಳ ಬಗ್ಗೆ ಗಮನ ಇಡುತ್ತದೆ ಮತ್ತು ಪರಿಣಾಮಕಾರಿ ಮಾಹಿತಿಯನ್ನು ಸಂಗ್ರಹಿಸುತ್ತದೆ. ಗೊಡಾರ್ಡ್ ಸ್ಪೇಸ್ ಫ್ಲೈಟ್ ಸೆಂಟರ್ ಬಾಹ್ಯಾಕಾಶ ನೌಕೆಯನ್ನು ನಿಯಂತ್ರಿಸುತ್ತದೆ.^[10]

ಅಂತರಿಕ್ಷ ದೂರದರ್ಶಕಗಳ ಬಳಕೆಯನ್ನು 1923 ರಲ್ಲಿ ಪ್ರಸ್ತಾಪಿಸಲಾಯಿತು. ಹಬಲ್ ದೂರದರ್ಶಕವನ್ನು 1970 ರ ದಶಕದಲ್ಲಿ ನಿರ್ಮಿಸಲಾಯಿತು. ಅದರ ಉಡಾವಣೆಯ ದಿನಾಂಕವನ್ನು 1983 ಗೆ ನಿಗದಿಪಡಿಸಿದ್ದರು. ಆದರೆ ಕೆಲವು ತಾಂತ್ರಿಕ ದೋಷಗಳಿಂದ ಉಡಾವಣೆಯ ದಿನಾಂಕವನ್ನು 1986 ಗೆ ಮುಂದೂಡಲಾಯಿತು. ಆದರೆ ಕೊನೆಯದಾಗಿ 1990 ರ ಏಪ್ರಿಲ್ 24 ರಂದು ಡಿಸ್ಕವರಿ ಶಟಲ್ ಮುಖಾಂತರ ಭೂಮಿಯಿಂದ 560 ಕೀಲೋಮೀಟರ್ ಎತ್ತರದ ಕಕ್ಷೆಯಲ್ಲಿ ಉಡಾಯಿಸಲಾಯಿತು. ಮುಖ್ಯ ಕನ್ನಡಿಯನ್ನು ತಪ್ಪಾಗಿ ಉಜ್ಜಿ ನಯಮಾಡಲಾಗಿತ್ತು. ಅದು ಗೋಳೀಯ ವಿಪಥನ ದೋಷದಿಂದ ಕೂಡಿದ್ದು ಗಮನಕ್ಕೆ ಬಂದಿತು. ಅದರ ನಿರ್ಮಾಣ ಕಾಲದಲ್ಲಿ ದೋಷಪೂರಿತ ಗುಣ ನಿಯಂತ್ರಣದಿಂದ ಆದ ಈ ತಪ್ಪಿನಿಂದ ದೂರದರ್ಶಕವು ಬಹಳ ಅದಕ್ಷವಾಯಿತು. ಈ ದೋಷಗಳನ್ನು 1993 ರಲ್ಲಿ ಸರಿಪಡಿಸಿ ಇದರ ಸಾಮರ್ಥ್ಯ ಹಾಗೂ ಗುಣಮಟ್ಟವನ್ನು ಸುಧಾರಿಸಲಾಯಿತು. ೧೯೯೩ರ ದುರಸ್ತಿಯ ಬಳಿಕ ದೂರದರ್ಶಕವು ತನ್ನ ನಿರೀಕ್ಷಿತ ದಕ್ಷತೆಯನ್ನು ತಲುಪಿ, ಖಗೋಳಶಾಸ್ತ್ರದಲ್ಲಿ ಒಂದು ಪ್ರಮುಖ ಸಂಶೋಧನಾ ಉಪಕರಣವಾಯಿತು.

ಹಬಲ್ ದೂರದರ್ಶಕವು ಅಂತರಿಕ್ಷದಲ್ಲಿ ಗಗನಯಾನಿಗಳಿಂದ ನಿರ್ವಹಣೆ ಮಾಡುವಂತೆ ರಚಿಸಲ್ಪಟ್ಟ ಏಕಮಾತ್ರ ದೂರದರ್ಶಕವಾಗಿದೆ. ಐದು ಸ್ಪೇಸ್ ಶಟಲ್ ಮಿಷನ್‍ಗಳು ದುರಸ್ತಿ ಕಾರ್ಯ ನಡೆಸಿ ಹಬಲ್ ದೂರದರ್ಶಕವನ್ನು ಮೇಲ್ದರ್ಜೆಗೆ ಏರಿಸಿವೆ. ದೂರದರ್ಶಕದಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಲಾಯಿತು ಮತ್ತು ಎಲ್ಲಾ ಐದು ಮುಖ್ಯ ಸಾಧನಗಳನ್ನು ಸಹ ಬದಲಿಸಲಾಯಿತು. ಆದರೆ ಐದನೆ ಯೋಜನೆಯನ್ನು ಸುರಕ್ಷತೆಯ ಕಾರಣದಿಂದ, ಕೊಲಂಬಿಯಾ ಡಿಸಾಸ್ಟರ್ ನಂತರ (2003) ಕೈ ಬಿಡಲಾಯಿತು. ಆದರೆ ನಾಸಾದ ನಿರ್ವಾಹಕರಾದ ಮೈಕೆಲ್ ಡಿ ಗ್ರಿಪಿನ್ ರವರು ಈ ಐದನೆ ಸೇವೆಯ ಯೋಜನೆಗೆ ಅನುಮತಿಯನ್ನು ನೀಡಿದ್ದರು. ಈ ಮಿಷನ್ನನ್ನು 2009 ರಲ್ಲಿ ಪೊರೈಸಲಾಯಿತು. ಈ ದೂರದರ್ಶಕ ಇನ್ನೂ ಕಾರ್ಯನಿರ್ವಹಿಸುತ್ತಿದ್ದು ಏಪ್ರಿಲ್ 24 2020 ರಂದು ಈ ದೂರದರ್ಶಕ 30 ವರ್ಷದ ಆಚರಣೆಯನ್ನು ಆಚರಿಸಿಕೊಂಡಿತ್ತು. ಇದು 2030 ರಿಂದ 2040 ವರೆಗೆ ಕಾರ್ಯಾಚರಣೆಯಲ್ಲಿ ಇರುತ್ತದೆ.

ಹಬಲ್ ದೂರದರ್ಶಕದ ಯಶಸ್ಸಿನ ನಂತರ ಭವಿಷ್ಯದಲ್ಲಿ ಅದಕ್ಕೆ ಸರಿಸಮಾನಾದ ದೂರದರ್ಶಕವೆಂದರೆ ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕ. ಇದನ್ನು 2021 ರಲ್ಲಿ ಉಡಾವಣೆ ಮಾಡಲಾಯಿತು.

ಅಂತರಿಕ್ಷ ಆಧಾರಿತ ದೂರದರ್ಶಕದ ಅನುಕೂಲಗಳು

ದೂರದರ್ಶಕವು ಬಾಹ್ಯಾಕಾಶದಲ್ಲಿರುವ ಕಾರಣ, ಭೂಮಿ ಮೇಲಿನ ದೂರದರ್ಶಕಗಳಿಗೆ ಹೋಲಿಸಿದರೆ, ಗಮನಾರ್ಹವಾದ ವೀಕ್ಷಣಾ ಅನುಕೂಲತೆಗಳನ್ನು ಹೊಂದಿದೆ - ಚಿತ್ರಗಳನ್ನು ಮಬ್ಬುಗೊಳಿಸಲು ಯಾವುದೇ ವಾಯುಮಂಡಲವಿಲ್ಲದಿರುವುದು, ಗಾಳಿಯಿಂದ ಚದುರಿಸಲ್ಪಟ್ಟ ಹಿನ್ನೆಲೆ ಬೆಳಕು ಇಲ್ಲದಿರುವುದು, ಇತ್ಯಾದಿ. ಇವಲ್ಲದೆ, ಓಜೋನ್ ಪದರದ ಕಾರಣ, ಭೂಮಿಯಿಂದ ಮಾಡಿದ ವೀಕ್ಷಣೆಗಳಲ್ಲಿ ಅತಿನೇರಳೆ ಕಿರಣಗಳನ್ನು ವೀಕ್ಷಿಸಲಾಗುವುದಿಲ್ಲ. ಆದರೆ ಹಬಲ್ ದರ್ಶಕವು ಅತಿನೇರಳೆ ಕಿರಣಗಳನ್ನು ಸಹ ಕಾಣಬಲ್ಲದು. ಇದು ಮೊಟ್ಟ ಮೊದಲ ಬಾಹ್ಯಾಕಾಶ ದೂರದರ್ಶಕವಲ್ಲವಾದರೂ, ೧೯೯೦ರಲ್ಲಿ ಇದರ ಉಡಾವಣೆಯ ನಂತರ ಇದು ಖಗೋಳಶಾಸ್ತ್ರದ ಇತಿಹಾಸದಲ್ಲಿ ಒಂದು ಮುಖ್ಯ ಉಪಕರಣವಾಗಿ ಕಾರ್ಯನಿರ್ವಹಿಸಿದೆ.

ಹಬಲ್‌ ದೂರದರ್ಶಕದ ನಿರ್ಮಾಣ ಮತ್ತು ಉಡಾವಣೆಗಳು ಹಲವು ಹಣಕಾಸು ಸಮಸ್ಯೆಗಳಿಗೆ ಮತ್ತು ತಡೆಗಳಿಗೆ ಒಳಪಟ್ಟಿದ್ದವು.

ಪರಿಕಲ್ಪನೆ ವಿನ್ಯಾಸ, ಮತ್ತು ಗುರಿ

ಹಬಲ್‍ನ ಕೊಡುಗೆ: 1920ರ ದಶಕ. ಅಮೆರಿಕದ ಖಗೋಳ ವಿಜ್ಞಾನಿ ಎಡ್ವಿನ್ ಹಬ್ಲ್ (1889-1953) ಖಗೋಳ ವಿಜ್ಞಾನದಲ್ಲೇ ಕ್ರಾಂತಿಕಾರಕ ಎನ್ನಬಹುದಾದ ಹೊಸ ಪರಿಕಲ್ಪನೆಯನ್ನು ಮುಂದಿಟ್ಟ. ಬ್ರಹ್ಮಾಂಡದ ಬಗ್ಗೆ ಅದು ಬರೀ ದೂಳಿನ ಮೋಡ ಎಂಬ ಕಲ್ಪನೆಗಳು ಆಗ ಇದ್ದವು. ಅದು ದೂಳಲ್ಲವೆಂದೂ ತಾರೆಗಳ ಗುಂಪೆಂದೂ ಕ್ಯಾಲಿಫೋರ್ನಿಯದ ವಿಲ್ಸನ್ ವೀಕ್ಷಣಾಲಯದಲ್ಲಿ ಎರಡೂವರೆ ಮೀಟರು ಉದ್ದದ ದೂರದರ್ಶಕದಲ್ಲಿ ಬ್ರಹ್ಮಾಂಡಗಳತ್ತ ಕಣ್ಣಿಟ್ಟು ಹಬ್ಲ್ ಹೇಳಿದಾಗ ಅದು ಖಗೋಳ ವಿಜ್ಞಾನದ ಹೊಸ ಅಧ್ಯಾಯವನ್ನು ತೆರೆಯಿತು. ಆತ ಓದಿದ್ದು ಷಿಕಾಗೋ ಮತ್ತು ಇಂಗ್ಲೆಂಡಿನಲ್ಲಿ ಕಾನೂನು ಶಾಸ್ತ್ರ.^[11] ಬೆಂಬತ್ತಿದ್ದು ವಿಶ್ವ ಸೃಷ್ಟಿಯ ಕಾನೂನುಗಳನ್ನು! ಆತ ಅಷ್ಟಕ್ಕೇ ನಿಲ್ಲಿಸಿದ್ದರೆ ಸಂಶೋಧನೆಯಲ್ಲಿ ಅದೂ ಒಂದು ಅಧ್ಯಾಯವಾಗಷ್ಟೇ ಉಳಿಯುತ್ತಿತ್ತೋ ಏನೋ. ಬ್ರಹ್ಮಾಂಡ ಮಸುಕು ಮಸುಕಾಗಿದ್ದರೆ ಅದು ದೂರ ದೂರ ಸರಿಯುತ್ತಿದೆ ಎಂದು ವ್ಯಾಖ್ಯಾನಿಸಿದ. ಬಲೂನಿನ ಮೇಲೆ ಚುಕ್ಕಿ ಇಟ್ಟು ಬಲೂನನ್ನು ಊದುತ್ತ ಹೋದರೆ, ಅದು ಹಿಗ್ಗುತ್ತ ಹಿಗ್ಗುತ್ತ ಅದರ ಮೇಲಿನ ಚುಕ್ಕೆಗಳು ಒಂದಕ್ಕೊಂದು ದೂರ ಸರಿಯುವಂತೆ ಇಡೀ ವಿಶ್ವವೇ ವ್ಯಾಕೋಚಿಸುತ್ತದೆ ಎಂದು ಹೇಳಿದ.

1923 ರಲ್ಲಿ, ಆಧುನಿಕ ರಾಕೆಟ್ ವಿಜ್ಞಾನದ ಪಿತಾಮಹ ಎನಿಸಿಕೊಂಡಿರುವ ಹರ್ಮನ್ ಓಬರ್ತ್, ಜೊತೆಗೆ ರಾಬರ್ಟ್ ಎಚ್. ಗೊಡಾರ್ಡ್ ಮತ್ತು ಕಾಂಸ್ಟಂಟಿನ್ ಟ್ಸಿಯೋಲ್‍ಕೋವ್‍ಸ್ಕಿ Die Rakete zu den Planetenräumen (ಭೌಮಿಕ ಅಂತರಿಕ್ಷದಲ್ಲಿ ಒಂದು ರಾಕೆಟ್) ವನ್ನು ಪ್ರಕಟಿಸಿದರು. ಇದರಲ್ಲಿ ರಾಕೆಟ್ ಮೂಲಕ ದೂರದರ್ಶಕವನ್ನು ಭೂಮಿಯ ಕಕ್ಷೆಗೆ ಹೇಗೆ ತಳ್ಳಬಹುದು ಎಂಬುದನ್ನು ಉಲ್ಲೇಖಿಸಲಾಗಿದೆ.^[12] ಕ್ಷುದ್ರ ಗ್ರಹಗಳನ್ನೇ ವ್ಯೋಮನಿಲ್ದಾಣವಾಗಿ ಬಳಸಿ, ಅದರ ಮೇಲೆ ದೂರದರ್ಶಕವನ್ನು ಸ್ಥಾಪಿಸಬಹುದೆಂಬ ಸೂಚನೆಯನ್ನೂ ಕೊಟ್ಟಿದ್ದರು. ನಾಸಾ ಸಂಸ್ಥೆಗೆ ಈ ಪರಿಕಲ್ಪನೆಯ ಬಗ್ಗೆ ಸ್ಪಷ್ಟ ತಿಳಿವಿತ್ತು. ಆದರೆ 1970ರವರೆಗೂ ಆ ಕಲ್ಪನೆಯನ್ನು ಸಾಕಾರಗೊಳಿಸಲಾಗಲಿಲ್ಲ.

ಹಬಲ್ ದೂರದರ್ಶಕದ ಇತಿಹಾಸವನ್ನು 1946 ರಷ್ಟು ಹಿಂದೆ ಪತ್ತೆ ಮಾಡಬಹುದು. ಆ ವರ್ಷ ಖಗೋಳಶಾಸ್ತ್ರಜ್ಞ ಲೈಮನ್ ಸ್ಪಿಟ್‍ಜ಼ರ್ "ಭೂಮ್ಯತೀತ ವೀಕ್ಷಣಾಲಯದ ಖಗೋಳ ಅನುಕೂಲಗಳು" ಎಂಬ ಶೀರ್ಷಿಕೆಯ ಪ್ರಬಂಧ ಪ್ರಕಟಿಸಿದರು.^[13] ಅದರಲ್ಲಿ ಅವರು ಭೂಮಿ ಮೇಲಿನ ದೂರದರ್ಶಕಗಳಿಗೆ ಹೋಲಿಸಿದರೆ ಬಾಹ್ಯಾಕಾಶ ಆಧಾರಿತ ವೀಕ್ಷಣಾಲಯಗಳ ಎರಡು ಪ್ರಮುಖ ಅನುಕೂಲಗಳನ್ನು ಚರ್ಚಿಸಿದರು. ಅದರಲ್ಲಿ ಮೊದಲನೆಯದು ಕೋನಿಯ ಪೃಥಕ್ಕರಣ ಸಾಮರ್ಥ್ಯ ((ವಸ್ತುಗಳನ್ನು ಸ್ಪಷ್ಟವಾಗಿ ಗುರುತಿಸಬಹುದಾದ ಅತಿ ಚಿಕ್ಕ ಪ್ರತ್ಯೇಕತೆ) ವಾತಾವರಣದಲ್ಲಿನ ಪ್ರಕ್ಷುಬ್ಧತೆಗೆ ಬದಲಾಗಿ ವಿವರ್ತನೆಯಿಂದ ಮಾತ್ರ ಸೀಮಿತವಾಗಿರುತ್ತದೆ. ಇದು ನಕ್ಷತ್ರಗಳು ಮಿನುಗುವಂತೆ ಮಾಡುತ್ತದೆ. ಇದು 'ವೀಕ್ಷಿತ ಗುಣ' ಎಂದು ಖಗೋಳಶಾಸ್ತ್ರಜ್ಞರಿಗೆ ತಿಳಿದಿದೆ. ಆ ಸಮಯದಲ್ಲಿ ಭೂಮಿ ಮೇಲಿನ ದೂರದರ್ಶಕಗಳು 0.5–1.0 ಆರ್ಕ್ ಸೆಕೆಂಡುಗಳು ರಷ್ಟು ಪೃಥಕ್ಕರಣ ಸಾಮರ್ಥ್ಯಕ್ಕೆ ಸೀಮಿತವಾಗಿದ್ದವು. ಇದಕ್ಕೆ ಹೋಲಿಸಿದರೆ 2.5 ಮೀ ವ್ಯಾಸದ ಕನ್ನಡಿಯನ್ನು ಹೊಂದಿದ್ದ ಆಪ್ಟಿಕಲ್ ಟೆಲಿಸ್ಕೋಪ್‍ಗಳು ಸುಮಾರು 0.05 ಆರ್ಕ್‌ಸೆಕ್ ರಷ್ಟು ಸೈದ್ಧಾಂತಿಕ ವಿವರ್ತನೆ ಸೀಮಿತ ಪೃಥಕ್ಕರಣ ಸಾಮರ್ಥ್ಯ ಹೊಂದಿದ್ದವು. ಬಾಹ್ಯಾಕಾಶ ಆಧಾರಿತ ದೂರದರ್ಶಕವು ಅತಿಗೆಂಪು ಮತ್ತು ನೇರಳಾತೀತ ಬೆಳಕನ್ನು ವೀಕ್ಷಿಸಬಲ್ಲುದು. ಈ ಕಿರಣಗಳು ಭೂಮಿಯ ವಾತಾವರಣದಿಂದ ಬಲವಾಗಿ ಹೀರಲ್ಪಡುತ್ತವೆ.

ಸ್ಪಿಟ್ಜರ್ ತನ್ನ ವೃತ್ತಿಜೀವನದ ಬಹುಭಾಗವನ್ನು ಬಾಹ್ಯಾಕಾಶ ದೂರದರ್ಶಕದ ಅಭಿವೃದ್ಧಿಯ ಕಾರ್ಯಕ್ಕೆ ಸಮರ್ಪಿಸಿದನು. 1962 ರಲ್ಲಿ, ಯು.ಎಸ್. ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್‍ನ ವರದಿಯೊಂದು ಬಾಹ್ಯಾಕಾಶ ಕಾರ್ಯಕ್ರಮದ ಭಾಗವಾಗಿ ಬಾಹ್ಯಾಕಾಶ ದೂರದರ್ಶಕವನ್ನು ಅಭಿವೃದ್ಧಿಪಡಿಸಲು ಶಿಫಾರಸು ಮಾಡಿತು ಮತ್ತು 1965 ರಲ್ಲಿ ಸ್ಪಿಟ್ಜರ್ ಅವರನ್ನು ಸಮಿತಿಯ ಮುಖ್ಯಸ್ಥರನ್ನಾಗಿ ನೇಮಿಸಲಾಯಿತು. ಅವರಿಗೆ ದೊಡ್ಡ ಬಾಹ್ಯಾಕಾಶ ದೂರದರ್ಶಕದ ವೈಜ್ಞಾನಿಕ ಉದ್ದೇಶಗಳನ್ನು ವ್ಯಾಖ್ಯಾನಿಸುವ ಕಾರ್ಯವನ್ನು ಮಾಡುವ ಕೆಲಸವನ್ನು ನೀಡಲಾಯಿತು.^[14]

ರಾಕೆಟ್ ತಂತ್ರಜ್ಞಾನದಲ್ಲಿ ನಡೆದ ಬೆಳವಣಿಗೆಗಳನ್ನು ವಿಜ್ಞಾನಿಗಳು ಬಳಸಿಕೊಂಡ ಮೇಲೆ, ಎರಡನೆಯ ಮಹಾಯುದ್ಧದ ನಂತರ ಬಾಹ್ಯಾಕಾಶ ಆಧಾರಿತ ಖಗೋಳಶಾಸ್ತ್ರವು ಬಹಳ ಸಣ್ಣ ಪ್ರಮಾಣದಲ್ಲಿ ಪ್ರಾರಂಭವಾಯಿತು. ಸೂರ್ಯನ ಮೊದಲ ನೇರಳಾತೀತ ತರಂಗಾಂತರವನ್ನು 1946 ರಲ್ಲಿ ಪಡೆಯಲಾಯಿತು.^[15] ಎರಡು ಪುಟ್ಟ ದೂರದರ್ಶಕಗಳನ್ನು ತೇಲಿಬಿಟ್ಟು ಈ ಪರಿಕಲ್ಪನೆಯ ಸಾಧ್ಯಾಸಾಧ್ಯತೆಯನ್ನು ನಾಸಾ ಸಂಸ್ಥೆ ಪರೀಕ್ಷಿಸಿತ್ತು. ಹಬ್ಲ್ ದೂರದರ್ಶಕ ನಿರ್ಮಾಣಕ್ಕೆ ಇದೇ ಬೀಜವಾಯಿತು. ನ್ಯಾಷನಲ್ ಏರೋನಾಟಿಕ್ಸ್ ಅಂಡ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ 1962 ರಲ್ಲಿ ಯುವಿ, ಎಕ್ಸ್‌ರೆ ಮತ್ತು ಗಾಮಾ-ರೇ ರೋಹಿತಗಳನ್ನು ಪಡೆಯಲು ಪರಿಭ್ರಮಿಸುವ ಸೌರ ವೀಕ್ಷಣಾಲಯವನ್ನು (ಒಎಸ್ಒ) ಉಡಾವಣೆ ಮಾಡಿತು.^[16] ಏರಿಯಲ್ ಬಾಹ್ಯಾಕಾಶ ಕಾರ್ಯಕ್ರಮದ ಭಾಗವಾಗಿ ಯುನೈಟೆಡ್ ಕಿಂಗ್‌ಡಮ್ ಒಂದು ಸೌರ ಪರಿಭ್ರಮಣ ದೂರದರ್ಶಕವನ್ನು) 1962 ರಲ್ಲಿ ಉಡಾವಣೆ ಮಾಡಿತು. 1966 ರಲ್ಲಿ ನಾಸಾ ಮೊದಲ ಪರಿಭ್ರಮಿಸುವ ಖಗೋಳ ವೀಕ್ಷಣಾಲಯಕಾರ್ಯಾಚರಣೆಯನ್ನು ಪ್ರಾರಂಭಿಸಿತು. OAO-1 ನ ಬ್ಯಾಟರಿ ಮೂರು ದಿನಗಳ ನಂತರ ವಿಫಲವಾದ ಕಾರಣ, ಮಿಷನ್ ಅನ್ನು ಕೊನೆಗೊಳಿಸಬೇಕಾಯಿತು. ಅದನ್ನು ಪರಿಭ್ರಮಿಸುವ ಖಗೋಳ ವೀಕ್ಷಣಾಲಯ 2 ಅನುಸರಿಸಿತು. ಇದು 1968 ರಲ್ಲಿ ಪ್ರಾರಂಭವಾದಾಗಿನಿಂದ 1972 ರವರೆಗೆ ನಕ್ಷತ್ರಗಳು ಮತ್ತು ಗೆಲಕ್ಸಿಗಳ ನೇರಳಾತೀತ ಅವಲೋಕನಗಳನ್ನು ನಡೆಸಿತು. ಅದು ಅದರ ಒಂದು ವರ್ಷದ ಮೂಲ ಯೋಜಿತ ಜೀವಿತಾವಧಿಯನ್ನು ಮೀರಿ ಕಾರ್ಯ ನಿರ್ವಹಿಸಿತ್ತು.^[17]

ಓಎಸ್ಒ ಮತ್ತು ಒಎಒ ಕಾರ್ಯಾಚರಣೆಗಳ ಉದ್ದೇಶ ಖಗೋಳವಿಜ್ಞಾನದಲ್ಲಿ ಬಾಹ್ಯಾಕಾಶ ಆಧಾರಿತ ಅವಲೋಕನಗಳ ಪ್ರಮುಖ ಪಾತ್ರವನ್ನು ಪ್ರದರ್ಶಿಸುವುದು ಆಗಿತ್ತು. 1968 ರಲ್ಲಿ ನಾಸಾ ಬಾಹ್ಯಾಕಾಶ ಆಧಾರಿತ ಪ್ರತಿಫಲನ ದೂರದರ್ಶಕವನ್ನು ಅಭಿವೃದ್ಧಿ ಪಡಿಸುವ ಯೋಜನೆಯನ್ನು ರೂಪಿಸಿತ್ತು. ಅದರ ಕನ್ನಡಿಯ ವ್ಯಾಸ  3m ನಷ್ಟು. ಇದನ್ನು ತಾತ್ಕಾಲಿಕವಾಗಿ ದೊಡ್ಡ ಪರಿಭ್ರಮಿಸುವ ದೂರದರ್ಶಕ ಅಥವಾ ದೊಡ್ಡ ಬಾಹ್ಯಾಕಾಶ ದೂರದರ್ಶಕ (ಎಲ್ಎಸ್‍ಟಿ) ಎಂದು ಕರೆಯಲಾಯಿತು. ಇದರ ಉಡಾವಣೆಯನ್ನು 1979 ಕ್ಕೆ ನಿಗದಿಪಡಿಸಲಾಯಿತು. ಅಂತಹ ನಿರ್ಮಾಣ ಕಾರ್ಯಕ್ರಮವು ಸುದೀರ್ಘ ಕಾರ್ಯಜೀವನವನ್ನು ಹೊಂದಿರುತ್ತದೆ ಎಂದು ಖಚಿತಪಡಿಸಿಕೊಳ್ಳಲು ಈ ಯೋಜನೆಗಳು ದೂರದರ್ಶಕಕ್ಕೆ ಸಿಬ್ಬಂದಿಯುಳ್ಳ ನಿರ್ವಹಣಾ ಕಾರ್ಯಾಚರಣೆಗಳ ಅಗತ್ಯವನ್ನು ಒತ್ತಿಹೇಳಿದವು. ಮರುಬಳಕೆ ಮಾಡಬಲ್ಲ ಸ್ಪೇಸ್ ಶಟಲ್‍‍ನ ನಿರ್ಮಾಣದ ಯೋಜನೆಗಳ ಈ ಏಕಕಾಲಿಕ ಅಭಿವೃದ್ಧಿಯು, ಇದನ್ನು ಅನುಮತಿಸುವ ತಂತ್ರಜ್ಞಾನವು ಶೀಘ್ರದಲ್ಲೇ ಲಭ್ಯವಾಗಲಿದೆಯೆಂದು ಎಂದು ಸೂಚಿಸಿತು.

ದಶಕಗಳ ಕಾಲ ಸಿದ್ಧಪಡಿಸುತ್ತ, ಸಂಕಲನ, ವ್ಯವಕಲನ ಮಾಡುತ್ತ ಕೊನೆಗೂ 1979 ರಲ್ಲಿ ಹಬ್ಲ್ ದೂರದರ್ಶಕ ಹೇಗಿರಬೇಕೆಂಬ ಬಗ್ಗೆ ನಾಸಾ ಸಂಸ್ಥೆ ಸ್ಪಷ್ಟ ರೂಪುರೇಖೆ ತಯಾರಿಸಿತ್ತು. 2.4 ಮೀಟರ್ ಉದ್ದದ ಪ್ರಾಥಮಿಕ ಕನ್ನಡಿಗಳನ್ನು ಬಳಸಿ 1986ರಲ್ಲಿ ಅದನ್ನು ಆಗಸಕ್ಕೇರಿಸಬೇಕೆಂಬ ಸಿದ್ಧತೆಯಲ್ಲಿ ತೊಡಗಿದ್ದಾಗಲೇ ಅಹಿತಕರ ಘಟನೆ ಎದುರಾಯಿತು. 1986ರ ಜನವರಿ 28ರಂದು ಛಾಲೆಂಜರ್ ನೌಕೆ ಗಗನದಲ್ಲಿ ಸ್ಫೋಟಿಸಿ ಏಳು ಮಂದಿ ಗಗನಯಾತ್ರಿಗಳನ್ನು ಬೂದಿಮಾಡಿದಾಗ, ಅಮೆರಿಕ ಕೆಲವು ವರ್ಷಗಳು ಅಧೀರವಾಗಿದ್ದೂ ನಿಜ. ಹಬ್ಲ್ ದೂರದರ್ಶಕವನ್ನು ಮೇಲೇರಿಸುವ ಯೋಜನೆಗೆ ಇದು ಅಡ್ಡಿಬಂತು.

ಅನ್ವೇಷಣೆಗಾಗಿ ಧನಸಹಾಯ

OAO ಕಾರ್ಯಕ್ರಮದ ನಿರಂತರ ಯಶಸ್ಸು ಖಗೋಳ ಸಮುದಾಯದಲ್ಲಿ ಎಲ್‌ಎಸ್‌ಟಿ ಒಂದು ಪ್ರಮುಖ ಗುರಿಯಾಗಬೇಕು ಎಂದು ಹೆಚ್ಚೆಚ್ಚು ಒಮ್ಮತವನ್ನು ಪ್ರೋತ್ಸಾಹಿಸಿತು. 1970 ರಲ್ಲಿ, ನಾಸಾ ಎರಡು ಸಮಿತಿಗಳನ್ನು ಸ್ಥಾಪಿಸಿತು, ಒಂದು ಬಾಹ್ಯಾಕಾಶ ದೂರದರ್ಶಕದ ಯೋಜನೆಯ ಎಂಜಿನಿಯರಿಂಗ್ ಭಾಗವನ್ನು ಯೋಜಿಸಲು, ಮತ್ತು ಇನ್ನೊಂದು ಮಿಷನ್‌ನ ವೈಜ್ಞಾನಿಕ ಗುರಿಗಳನ್ನು ನಿರ್ಧರಿಸಲು. ಇವುಗಳನ್ನು ಸ್ಥಾಪಿಸಿದ ನಂತರ, ನಾಸಾದ ಮುಂದಿನ ಅಡಚಣೆಯು ಸಾಮಾಗ್ರಿಗಳಿಗೆ ಧನಸಹಾಯವನ್ನು ಪಡೆಯುವುದು ಆಗಿತ್ತು. ಇದು ಯಾವುದೇ ಭೂ-ಆಧಾರಿತ ದೂರದರ್ಶಕಕ್ಕಿಂತ ಹೆಚ್ಚು ವೆಚ್ಚವುಳ್ಳದ್ದಾಗಿರುತ್ತದೆ. ಯು.ಎಸ್. ಕಾಂಗ್ರೆಸ್ ದೂರದರ್ಶಕದ ಪ್ರಸ್ತಾವಿತ ಬಜೆಟ್‍ನ ಹಲವು ಅಂಶಗಳನ್ನು ಪ್ರಶ್ನಿಸಿತು ಮತ್ತು ಯೋಜನಾ ಹಂತಗಳಿಗಾಗಿ ಬಜೆಟ್‍ನಲ್ಲಿ ಬಲವಂತದ ಕಡಿತವನ್ನು ಮಾಡಿತು. ಆ ಸಮಯದಲ್ಲಿ ಅದು ಪ್ರಬಲವಾದ ವಿವರವಾದ ಅಧ್ಯಯನಗಳನ್ನು ಒಳಗೊಂಡಿತ್ತು. 1974 ರಲ್ಲಿ, ಸಾರ್ವಜನಿಕ ಖರ್ಚು ಕಡಿತವು ದೂರದರ್ಶಕ ಯೋಜನೆಗೆ ಸಂಬಂಧಿಸಿದ ಎಲ್ಲಾ ಧನಸಹಾಯವನ್ನು ಕಾಂಗ್ರೆಸ್ ಕಡಿತಮಾಡಲು ಕಾರಣವಾಯಿತು.^[18]

ಇದಕ್ಕೆ ಪ್ರತಿಕ್ರಿಯೆಯಾಗಿ ಖಗೋಳಶಾಸ್ತ್ರಜ್ಞರಲ್ಲಿ ರಾಷ್ಟ್ರವ್ಯಾಪಿ ಲಾಬಿ ಪ್ರಯತ್ನವನ್ನು ಸಮನ್ವಯಗೊಳಿಸಲಾಯಿತು. ಅನೇಕ ಖಗೋಳಶಾಸ್ತ್ರಜ್ಞರು ಕಾಂಗ್ರೆಸ್ಸಿಗರನ್ನು ಮತ್ತು ಸೆನೆಟರ್‌ಗಳನ್ನು ವೈಯಕ್ತಿಕವಾಗಿ ಭೇಟಿಯಾದರು ಮತ್ತು ದೊಡ್ಡ ಪ್ರಮಾಣದ ಪತ್ರ ಬರೆಯುವ ಅಭಿಯಾನಗಳನ್ನು ಆಯೋಜಿಸಲಾಯಿತು. ನ್ಯಾಷನಲ್ ಅಕಾಡೆಮಿ ಆಫ್ ಸೈನ್ಸಸ್ ಬಾಹ್ಯಾಕಾಶ ದೂರದರ್ಶಕದ ಅಗತ್ಯವನ್ನು ಒತ್ತಿಹೇಳುವ ವರದಿಯನ್ನು ಪ್ರಕಟಿಸಿತು, ಮತ್ತು ಅಂತಿಮವಾಗಿ ಸೆನೆಟ್ ಅದು ಪ್ರಾರಂಭದಲ್ಲಿ ಹೇಳಿದ ಅರ್ಧದಷ್ಟು ಬಜೆಟ್ ಅನ್ನು ಒಪ್ಪಿಕೊಂಡಿತು. ಇದನ್ನು ಕಾಂಗ್ರೆಸ್ ಅನುಮೋದಿಸಿತು.^[19]

ಹಣಕಾಸಿನ ಸಮಸ್ಯೆಗಳು ಯೋಜನೆಯ ಪ್ರಮಾಣವನ್ನು ಕಡಿಮೆ ಮಾಡಲು ಕಾರಣವಾಯಿತು. ಪ್ರಸ್ತಾವಿತ ಕನ್ನಡಿ ವ್ಯಾಸವನ್ನು 3 ಮೀ ನಿಂದ 2.4 ಮೀ ಗೆ ಇಳಿಸಲಾಯಿತು. ಇವೆರಡೂ ವೆಚ್ಚಗಳನ್ನು ಕಡಿತಗೊಳಿಸಿಲು,^[20] ಮತ್ತು ಹೆಚ್ಚು ಸಾಂದ್ರ ಹಾಗೂ ಪರಿಣಾಮಕಾರಿ ಸಂರಚನೆಯನ್ನು ದೂರದರ್ಶಕದ ಯಂತ್ರಾಂಶಕ್ಕಾಗಿ ಅನುಮತಿಸಲು ಆಗಿದ್ದವು.

ಮುಖ್ಯ ಉಪಗ್ರಹದಲ್ಲಿ ಬಳಸಬೇಕಾದ ವ್ಯವಸ್ಥೆಗಳನ್ನು ಪರೀಕ್ಷಿಸಲು ಪ್ರಸ್ತಾವಿತ ಪೂರ್ವಗಾಮಿ 1.5 ಮೀ (4 ಅಡಿ 11 ಇಂಚು) ಬಾಹ್ಯಾಕಾಶ ದೂರದರ್ಶಕವನ್ನು ಕೈಬಿಡಲಾಯಿತು, ಮತ್ತು ಬಜೆಟ್ ಕಾಳಜಿಗಳು ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯೊಂದಿಗೆ (ಇಎಸ್ಎ) ಸಹಯೋಗವನ್ನು ಪ್ರೇರಿಸಿದವು. ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯು ದೂರದರ್ಶಕಕ್ಕೆ ಮೊದಲ ತಲೆಮಾರಿನ ಸಾಧನಗಳಲ್ಲಿ ಒಂದನ್ನು ಒದಗಿಸಲು ಮತ್ತು ಪೂರೈಸಲು ಒಪ್ಪಿಕೊಂಡಿತು. ಅವುಗಳೆಂದರೆ ದೂರದರ್ಶಕಕ್ಕೆ ಶಕ್ತಿಯನ್ನು ನೀಡುವ ಸೌರ ಕೋಶಗಳು ಮತ್ತು ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ದೂರದರ್ಶಕದ ಕೆಲಸ ಮಾಡಲು ಸಿಬ್ಬಂದಿ. ಇದಕ್ಕೆ ಬದಲಾಗಿ ಯುರೋಪಿಯನ್ ಖಗೋಳಶಾಸ್ತ್ರಜ್ಞರಿಗೆ ದೂರದರ್ಶಕದ ವೀಕ್ಷಣೆಯ ಸಮಯದ ಕನಿಷ್ಠ 15% ರಷ್ಟು ಖಾತರಿಯಾಗಿ ನೀಡಬೇಕೆಂದು ಕೇಳಿತು.^[21] ಕಾಂಗ್ರೆಸ್ ಅಂತಿಮವಾಗಿ 1978 ಕ್ಕೆ ಯುಎಸ್ $36 ಮಿಲಿಯನ್ ಹಣವನ್ನು ಅನುಮೋದಿಸಿತು, ಮತ್ತು LSTಯ ವಿನ್ಯಾಸವು ಶ್ರದ್ಧೆಯಿಂದ ಪ್ರಾರಂಭವಾಯಿತು. ಇದು 1983 ರ ಉಡಾವಣಾ ದಿನಾಂಕವನ್ನು ಗುರಿಯಾಗಿರಿಸಿಕೊಂಡಿತು.^[19] 1983 ರಲ್ಲಿ, ದೂರದರ್ಶಕಕ್ಕೆ ಎಡ್ವಿನ್ ಹಬಲ್ ಹೆಸರಿಡಲಾಯಿತು.^[22] ಹಬಲ್ ಅವರು 20 ನೇ ಶತಮಾನದ ಶ್ರೇಷ್ಠ ವೈಜ್ಞಾನಿಕ ಆವಿಷ್ಕಾರಗಳಲ್ಲಿ ಒಂದಾದ ಜಾರ್ಜಸ್ ಲೆಮಾಟ್ರೆ ಅವರ ವಿಶ್ವವು ವಿಸ್ತರಿಸುತ್ತಿದೆ ಎಂಬ ವಾಸ್ತವಾಂಶವನ್ನು ದೃಢಪಡಿಸಿದರು.^[23]

ನಿರ್ಮಾಣ ಮತ್ತು ಎಂಜಿನಿಯರಿಂಗ್

ಬಾಹ್ಯಾಕಾಶ ದೂರದರ್ಶಕ ಯೋಜನೆಗೆ ಒಮ್ಮೆ ಮುಂದಾದ ನಂತರ, ಕಾರ್ಯಕ್ರಮದ ಕೆಲಸವನ್ನು ಅನೇಕ ಸಂಸ್ಥೆಗಳ ನಡುವೆ ವಿಂಗಡಿಸಲಾಯಿತು. ಮಾರ್ಷಲ್ ಬಾಹ್ಯಾಕಾಶ ಹಾರಾಟ ಕೇಂದ್ರಕ್ಕೆ (ಎಂಎಸ್‌ಎಫ್‌ಸಿ) ದೂರದರ್ಶಕದ ವಿನ್ಯಾಸ, ಅಭಿವೃದ್ಧಿ ಮತ್ತು ನಿರ್ಮಾಣದ ಜವಾಬ್ದಾರಿಯನ್ನು ನೀಡಲಾಯಿತು. ಗೊಡ್ಡಾರ್ಡ್ ಬಾಹ್ಯಾಕಾಶ ಹಾರಾಟ ಕೇಂದ್ರಕ್ಕೆ ಮಿಷನ್‍ಗಾಗಿ ವೈಜ್ಞಾನಿಕ ಉಪಕರಣಗಳು ಮತ್ತು ನೆಲದ ನಿಯಂತ್ರಣ ಕೇಂದ್ರದ ಒಟ್ಟಾರೆ ನಿಯಂತ್ರಣವನ್ನು ನೀಡಲಾಯಿತು.^[24] ಬಾಹ್ಯಾಕಾಶ ದೂರದರ್ಶಕಕ್ಕಾಗಿ ಆಪ್ಟಿಕಲ್ ಟೆಲಿಸ್ಕೋಪ್ ಅಸೆಂಬ್ಲಿ (ಒಟಿಎ) ಮತ್ತು ಉತ್ತಮ ಮಾರ್ಗದರ್ಶನ ಸಂವೇದಕಗಳನ್ನು ವಿನ್ಯಾಸಗೊಳಿಸಲು ಮತ್ತು ನಿರ್ಮಿಸಲು ಎಂಎಸ್‌ಎಫ್‌ಸಿ ಆಪ್ಟಿಕ್ಸ್ ಕಂಪನಿ ಪರ್ಕಿನ್-ಎಲ್ಮರ್ ಅವರನ್ನು ನಿಯೋಜಿಸಿತು. ದೂರದರ್ಶಕವನ್ನು ಇರಿಸಲಾಗುವ ಬಾಹ್ಯಾಕಾಶ ನೌಕೆಯನ್ನು ನಿರ್ಮಿಸಲು ಮತ್ತು ಸಂಯೋಜಿಸಲು ಲಾಕ್‍ಹೀಡ್ ಅನ್ನು ನಿಯೋಜಿಸಲಾಯಿತು.^[25]

ಆಪ್ಟಿಕಲ್ ನಳಿಕೆಯ ಜೋಡಣೆ

ದೃಗ್ವೈಜ್ಞಾನಿಕವಾಗಿ, ಎಚ್ಎಸ್‍ಟಿಯು ರಿಚೆ-ಕ್ರೊಟೀನ್ ವಿನ್ಯಾಸದ ಕ್ಯಾಸ್ಸೆಗ್ರೇನ್ ಪ್ರತಿಫಲಕವಾಗಿದೆ. ಇದೇ ರೀತಿ ಹೆಚ್ಚಿನ ವೃತ್ತಿಪರ ದೂರದರ್ಶಕಗಳು ಇರುತ್ತವೆ. ಈ ವಿನ್ಯಾಸವು ಎರಡು ಅತಿಪರವಲಯಕ ಕನ್ನಡಿಗಳನ್ನು ಹೊಂದಿದೆ. ಇದು ಉತ್ತಮ ಚಿತ್ರಣ ಕಾರ್ಯಕ್ಷಮತೆಗೆ ಹೆಸರುವಾಸಿಯಾಗಿದೆ, ಮತ್ತು ವಿಶಾಲವಾದ ನೋಟವನ್ನು ಹೊಂದಿದೆ. ಒಂದು ಬೇಸರದ ಸಂಗತಿಯೆಂದರೆ ಕನ್ನಡಿಗಳು ತಯಾರಿಸಲು ಮತ್ತು ಪರೀಕ್ಷಿಸಲು ಕಷ್ಟವಾದ ಆಕಾರಗಳನ್ನು ಹೊಂದಿವೆ. ದೂರದರ್ಶಕದ ಕನ್ನಡಿ ಮತ್ತು ಆಪ್ಟಿಕಲ್ ವ್ಯವಸ್ಥೆಗಳು ಅಂತಿಮ ಕಾರ್ಯಕ್ಷಮತೆಯನ್ನು ನಿರ್ಧರಿಸುತ್ತವೆ, ಮತ್ತು ಅವುಗಳನ್ನು ನಿರ್ದಿಷ್ಟವಾಗಿ ವಿನ್ಯಾಸಗೊಳಿಸಲಾಗಿದೆ. ಆಪ್ಟಿಕಲ್ ಟೆಲಿಸ್ಕೋಪ್‌ಗಳನ್ನು ಸಾಮಾನ್ಯವಾಗಿ ಗೋಚರ ಬೆಳಕಿನ ತರಂಗಾಂತರದ ಹತ್ತನೇ ಒಂದು ಭಾಗದಷ್ಟು ನಿಖರತೆಗೆ ನಯಗೊಳಿಸಲಾಗಿರುತ್ತದೆ. ಆದರೆ ಬಾಹ್ಯಾಕಾಶ ದೂರದರ್ಶಕವನ್ನು ನೇರಳಾತೀತ (ಕಡಿಮೆ ತರಂಗಾಂತರಗಳು) ಮೂಲಕ ಗೋಚರಿಸುವ ಅವಲೋಕನಗಳಿಗಾಗಿ ಬಳಸಬೇಕಾಗಿತ್ತು ಮತ್ತು ಸ್ಥಳಾವಕಾಶದ ಸಂಪೂರ್ಣ ಲಾಭ ಪಡೆಯಲು ವಿವರ್ತನೆಯು ಸೀಮಿತವಾಗಿದೆ ಎಂದು ನಿರ್ದಿಷ್ಟಪಡಿಸಲಾಯಿತು. ಆದ್ದರಿಂದ, ಅದರ ಕನ್ನಡಿಯನ್ನು 10 ನ್ಯಾನೊಮೀಟರ್‌ಗಳ ನಿಖರತೆಯಲ್ಲಿ ನಯಗೊಳಿಸಲಾಗಿದೆ ಅಥವಾ ಕೆಂಪು ಬೆಳಕಿನ ತರಂಗಾಂತರದ 1/65 ಕ್ಕೆ  ಮಾಡಬೇಕಾಗುತ್ತದೆ.^[26] ದೀರ್ಘ ತರಂಗಾಂತರದ ತುದಿಯಲ್ಲಿ, ಒಟಿಎ ಅನ್ನು ಗರಿಷ್ಠ ಐಆರ್ ಕಾರ್ಯಕ್ಷಮತೆಯನ್ನು ಮನಸ್ಸಿನಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿಲ್ಲ. ಉದಾಹರಣೆಗೆ, ಕನ್ನಡಿಗಳನ್ನು ಶಾಖೋತ್ಪಾದಕಗಳ ಮೂಲಕ ಸ್ಥಿರ (ಮತ್ತು ಬೆಚ್ಚಗಿನ, ಸುಮಾರು 15 ° ಸಿ) ತಾಪಮಾನದಲ್ಲಿ ಇಡಲಾಗುತ್ತದೆ. ಇದು ಅತಿಗೆಂಪು ದೂರದರ್ಶಕದಂತೆ ಹಬಲ್‍ನ ಕಾರ್ಯಕ್ಷಮತೆಯನ್ನು ಮಿತಿಗೊಳಿಸುತ್ತದೆ.

ಉಡಾವಣೆ

ಎಲ್ಲ ವಿಘ್ನಗಳನ್ನೂ ದಾಟಿ ಏಪ್ರಿಲ್ 24, 1990ರಂದು ಕೆನಡಿ ಬಾಹ್ಯಾಕಾಶ ಕೇಂದ್ರದಿಂದ ಈ `ದಿವ್ಯನೇತ್ರ' ಡಿಸ್ಕವರಿ ನೌಕೆಯಲ್ಲಿ ಕೂತು ಕಕ್ಷೆಗೆ ತಲಪಿದ ಮರುಘಳಿಗೆಯೇ ಬಾಗಿಲು ತೆಗೆದು ದೂರದರ್ಶಕದ ಕಣ್ಣು ವಿಶ್ವ ವಿದ್ಯಮಾನಗಳತ್ತ ನೆಟ್ಟಿತು. ಅನಂತರ ಅದು ಕಂಡದ್ದೆಲ್ಲ ಇತಿಹಾಸ ಸೃಷ್ಟಿಸುತ್ತಲೇ ಬಂತು. ಅದರ ಒಂದೊಂದು ನೋಟಗಳೂ ಖಗೋಳ ಚರಿತ್ರೆಗೆ ಹೊಸ ಅಧ್ಯಾಯಗಳನ್ನು ಸೇರಿಸುತ್ತ ಹೋದವು.

ಹಬಲ್ ದೂರದರ್ಶಕದ ಭೌತಿಕ ವಿವರಗಳು

ಶಾಲಾ ಮಕ್ಕಳನ್ನು ಕರೆದೊಯ್ಯುವ ಮಿನಿ ಬಸ್ ಗಾತ್ರದ ದೂರದರ್ಶಕ ಇದು; ಟ್ರಾಕ್ಟರಿನ ಟ್ರೇಲರ್‌ನಲ್ಲಿ ತುಂಬಬಹುದಾದಷ್ಟು ಇದರ ತೂಕ 11,100 ಕಿ.ಗ್ರಾಂ. ನೆಟ್ಟಗೆ ನಿಲ್ಲಿಸಿದರೆ 43.5 ಅಡಿಗೆ ಬರಬಹುದು. ಅದರ ಎರಡೂ ಬದಿಯ ಸೌರ ಫಲಕಗಳನ್ನು ಲೆಕ್ಕ ಹಾಕಿದರೆ ಅದರ ಒಟ್ಟು ಅಗಲ 4.2 ಮೀಟರ್. ನೆಲದ ಮೇಲೆ ಸ್ಥಾಪಿಸಿದ ದೂರದರ್ಶಕಕ್ಕೂ ಇದಕ್ಕೂ ರಚನೆಯ ದೃಷ್ಟಿಯಿಂದ ಅಂಥ ವ್ಯತ್ಯಾಸವೇನಿಲ್ಲ. ಇದೂ ಕೂಡ ಬೆಳಕನ್ನು ಪ್ರತಿಫಲಿಸಲು, ಬಿಂಬಗಳನ್ನು ಪಡೆಯಲು ದರ್ಪಣಗಳನ್ನು ಬಳಸುತ್ತದೆ. ಇದರ ಐದು ಉಪಕರಣಗಳ ಪೈಕಿ ಎರಡು ಉತ್ಕೃಷ್ಟ ದರ್ಜೆಯ ಕ್ಯಾಮೆರಗಳಿವೆ. ಮಸುಕಾಗಿ ಕಾಣುವ ಆಕಾಶಕಾಯಗಳ ವಿವರಗಳನ್ನು ಗ್ರಹಿಸಲು ಒಂದು ಕ್ಯಾಮೆರ, ದೊಡ್ಡ ಕಾಯಗಳನ್ನು ಅಧ್ಯಯನ ಮಾಡಲೆಂದು ಇನ್ನೊಂದು, ಎರಡು ರೋಹಿತ ಮಾಪಕಗಳಿವೆ. ಇವು ಆಕಾಶಕಾಯಗಳ ರಾಸಾಯನಿಕ ಸಂಯೋಜನೆಗಳನ್ನು ವಿಶ್ಲೇಷಿಸುತ್ತವೆ. ಇನ್ನೊಂದು ಸಾಧನ ಅತಿ ವೇಗದ ಫೋಟೋಮೀಟರ್. ಆಕಾಶಕಾಯಗಳ ಉಜ್ವಲತೆಯನ್ನು ಇದು ಅಳೆಯುತ್ತದೆ. ಪ್ರತಿ 97 ನಿಮಿಷಗಳಿಗೊಮ್ಮೆ ಭೂಪ್ರದಕ್ಷಿಣೆಯನ್ನು ಮುಗಿಸುವ ಇದು ನಿಯಂತ್ರಣ ಕಚೇರಿಯ ಜೊತೆ ನೇರ ಸಂಪರ್ಕಕ್ಕೆ ಬರುವುದು ಕೇವಲ 20 ನಿಮಿಷಗಳ ಕಾಲ ಅಷ್ಟೇ.

ದೂರದರ್ಶಕದಿಂದ ಮಾಹಿತಿ ಪ್ರಸಾರ

ನಿರಂತರ ಮಾಹಿತಿಗಳನ್ನು ನಿಯಂತ್ರಣ ಕಚೇರಿಗೆ ಪಡೆದುಕೊಳ್ಳಬೇಕೆಂದರೆ ದೂರದರ್ಶಕದೊಡನೆ ನಿರಂತರ ಸಂಪರ್ಕವೂ ಬೇಕು. ಅದಕ್ಕಾಗಿ ಏನು ಮಾಡಿದ್ದಾರೆಂದರೆ ಭೂಸ್ಥಿರಕಕ್ಷೆಯಲ್ಲಿ 35,400 ಕಿ.ಮೀ. ಎತ್ತರದಲ್ಲಿ ಎರಡು ಉಪಗ್ರಹಗಳನ್ನು ಇರಿಸಿ, ಹಬ್ಲ್ ಮಾಹಿತಿಗಳನ್ನು ಅಲ್ಲಿಗೆ ರವಾನಿಸುವಂತೆ ವ್ಯವಸ್ಥೆ ಮಾಡಿದ್ದಾರೆ. ಆ ಉಪಗ್ರಹಗಳು ನ್ಯೂ ಮೆಕ್ಸಿಕೋದ ವೈಟ್ ಸ್ಯಾಂಡ್‌ನ ಮೂಲಕ ಮಾಹಿತಿ ಗ್ರಹಣ ಕೇಂದ್ರಕ್ಕೆ ರವಾನಿಸುತ್ತದೆ.^[27] ಅಲ್ಲಿಂದ ಸಂಪರ್ಕ ಉಪಗ್ರಹಗಳ ನೆರವಿನಿಂದ ವಾಷಿಂಗ್‌ಟನ್‌ನ ಗೊಡಾರ್ಡ್ ಕೇಂದ್ರಕ್ಕೆ ಮರುಪ್ರಸಾರ ಮಾಡಲಾಗುತ್ತದೆ. ಅಲ್ಲಿ ಪರಿಷ್ಕರಿಸಿದ ಮಾಹಿತಿಗಳು ಇಲ್ಲಿಂದ ಬಾಲ್ಟಿಮೋರ್‌ನಲ್ಲಿರುವ ವಿಜ್ಞಾನ ಸಂಸ್ಥೆಗೆ ಬರುತ್ತವೆ.

ಹಬಲ್ ಕಳಿಸಿದ ಛಾಯಾಚಿತ್ರಗಳು

ಹಬಲ್‍ನ ಎಲ್ಲ ಸಾಧನಗಳೂ ಕಾರ್ಯಶೀಲವಾಗಿದ್ದಾಗ ಕಳಿಸುವ ಬಿಂಬಗಳು ಅವೆಷ್ಟು ನಿಚ್ಚಳವಾಗಿರುತ್ತವೆಂದರೆ, ದೆಹಲಿಯ ಪಾರ್ಲಿಮೆಂಟರಿ ಭವನದ ಮೇಲೆ ಕತ್ತಲಲ್ಲಿ ಎರಡು ಮಿಂಚುಹುಳುಗಳು ಬಂದು ಕೂತು ಅವುಗಳ ಮಧ್ಯೆ ಹತ್ತಡಿ ಜಾಗ ಬಿಟ್ಟಿದ್ದರೆ ಅದನ್ನೂ ಕೂಡ ಹಬ್ಲ್ ವರದಿ ಮಾಡಬಲ್ಲದು. ಹಬಲ್‍ನ ಪ್ರಾರಂಭೋತ್ಸವವನ್ನು ಸಾಮನ್ಯವಾಗಿ `ಮೊದಲ ಬೆಳಕು' ಎಂದು ಹೇಳುವುದು ರೂಢಿ. ಸಹಸ್ರಾರು ಮಾಧ್ಯಮ ಪ್ರತಿನಿಧಿಗಳು ಟಿ.ವಿ. ಪರದೆಯನ್ನು ನೋಡಿ ಪುಳಕಿತಗೊಂಡಿದ್ದರು. ಮೊದಲ ದಿವ್ಯದರ್ಶನವಾದದ್ದು ಹಬ್ಲ್ ಬಿಂಬಿಸಿದ N.G.C-3532- ತಾರಾಗುಚ್ಛ ಪರದೆಯ ಮೇಲೆ ಮೂಡಿದಾಗ.^[28] (ಅನಿಲ ಮೋಡ, ಬ್ರಹ್ಮಾಂಡ, ತಾರಾಗುಚ್ಛ ಮುಂತಾದವನ್ನು ಪಟ್ಟಿ ಮಾಡುವಾಗ ಅವುಗಳಿಗೆ ನಿರ್ದಿಷ್ಟ ಸಂಖ್ಯೆಗಳನ್ನು ನೀಡುವ ಪರಿಪಾಠವಿದೆ. 1880ರ ದಶಕದಲ್ಲಿ ಜಾನ್ ಡ್ರೇಯರ್ ಎಂಬ ಖಗೋಳ ವಿಜ್ಞಾನಿ ಈ ಪದ್ಧತಿಯನ್ನು ಇನ್ನಷ್ಟು ಸುಧಾರಿಸಿ ಎನ್.ಜಿ.ಸಿ. ಎಂದರೆ ನ್ಯೂ ಜನರಲ್ ಕ್ಯಾಟಲಾಗ್ ಎಂದು ಪಟ್ಟಿ ಮಾಡಿದ. 3532 ಎಂಬುದು ಹೀಗೆ ಪಟ್ಟಿಮಾಡಿದ ಒಂದು ತಾರಾಗುಚ್ಛ.) ದಕ್ಷಿಣಾಕಾಶದಲ್ಲಿರುವ ದಕ್ಷಿಣ ಶಿಲುಬೆಯ (CRUX) ಬಳಿ ಇದರ ನೆಲೆ. ಹಬ್ಲ್ ಇದರ ಬಿಂಬವನ್ನು ರವಾನಿಸಿ ಎಲ್ಲರಿಗೂ ಉದ್ವೇಗಮೂಡಿಸಿತ್ತು. ಆದರೆ ಸದ್ದಿಲ್ಲದೆ ಪರದೆಯ ಹಿಂದೆ ಸರಿದ ಖಗೋಳ ವಿಜ್ಞಾನಿಗಳು ತುರ್ತುಸಭೆ ಸೇರಿದ್ದರು.

1990ರಲ್ಲಿ ಅದು ಕಕ್ಷೆ ಸೇರಿದಾಗಿನಿಂದ ಈವರೆಗೆ 3,30,000 ಪ್ರತ್ಯೇಕ ಅವಲೋಕನಗಳನ್ನು ಧರೆಗೆ ಕಳುಹಿಸಿಕೊಟ್ಟಿದೆ. ಬ್ರಹ್ಮಾಂಡಗಳನ್ನು ಕುರಿತಂತೆ 25,000 ಗುರಿಗಳತ್ತ ತನ್ನ ದಿವ್ಯ ದೃಷ್ಟಿಯನ್ನು ಹರಿಸಿ, ನಿರಂತರವಾಗಿ ವರದಿ ಮಾಡುತ್ತಲೇ ಬಂದಿದೆ. ಈವರೆಗೆ 7.3 ಟಿಟ್ರಾ ಬೈಟ್‌ಗಳಷ್ಟು ಮಾಹಿತಿಗಳನ್ನು ಅದು ಸಂಗ್ರಹಿಸಿಕೊಟ್ಟಿದೆ. ಈ ಮಾಹಿತಿಯನ್ನು 10 ವರ್ಷಗಳ ಕಾಲ ನಿರಂತರವಾಗಿ ಪ್ರತಿದಿನ ಪಿ.ಸಿ.ಗಳಲ್ಲಿ ತುಂಬಬಹುದು. ಹಬಲ್ ದೂರದರ್ಶಕ ಕಳಿಸಿರುವ ಮಾಹಿತಿ ಆಧರಿಸಿ 2,663 ಸಂಶೋಧನಾ ಲೇಖನಗಳನ್ನು ವಿಜ್ಞಾನಿಗಳು ಬರೆದಿದ್ದಾರೆ. ಪ್ರತಿ 97 ನಿಮಿಷಕ್ಕೊಮ್ಮೆ ಭೂಮಿಯನ್ನು ಒಂದು ಬಾರಿ ಸುತ್ತುತ್ತಿರುವ ಈ ದೂರದರ್ಶಕ ಈಗಾಗಲೇ 1.489 ಶತಕೋಟಿ ಮೈಲಿ ಪ್ರಯಾಣ ಮಾಡಿದೆ. ಇಷ್ಟು ದೂರವನ್ನು ಭೂಮಿಯಿಂದ ಕ್ರಮಿಸಿದ್ದರೆ ಯುರೇನಸ್ ಗ್ರಹವನ್ನೇ ತಲಪಬಹುದಾಗಿತ್ತು.

ಒಂದೂವರೆ ಶತಕೋಟಿ ಡಾಲರ್ ವೆಚ್ಚದಲ್ಲಿ ಗಗನಕ್ಕೇರಿ ಅಷ್ಟೇ ಕೋಟಿ ಮೈಲಿ ದೂರ ಕ್ರಮಿಸಿದೆ. ಈ ತನಕ ಹಬಲ್ ಕಂಡಿರುವ ದೃಶ್ಯಾವಳಿಗಳನ್ನು ಪಟ್ಟಿಮಾಡುತ್ತ ಹೋದರೆ ಹಲವು ನೂರು ಮಂದಿಗೆ ಡಾಕ್ಟರೇಟ್ ದೊರೆಯುತ್ತದೋ ಏನೋ. ಅದರ ಸಾಧನೆಗೆ ಆಕಾಶವೇ ಮಿತಿ. ಅದು ತಾರೆಗಳ ಪ್ರಸೂತಿ ಗೃಹಗಳನ್ನು ನೋಡಿದೆ; ಸುರುಳಿ ಬ್ರಹ್ಮಾಂಡಗಳತ್ತ ದೃಷ್ಟಿ ಚೆಲ್ಲಿದೆ. ಧೂಮಕೇತುಗಳ ಹೊರ ಒಳಗುಗಳನ್ನು ಬಿಂಬಿಸಿದೆ. ನಕ್ಷತ್ರಗಳು ರೂಪುಗೊಳ್ಳುವುದೇ ಸುರುಳಿ ಬ್ರಹ್ಮಾಂಡಗಳ ಬಾಹುಗಳಲ್ಲಿ. ಎಂದೇ ಇಂಥ ಬಾಹುಗಳು ನೀಲಿಯಾಗಿ ಕಾಣುತ್ತವೆ. ಅವು ಪ್ರಜ್ವಲಿಸುವುದೂ ನಿಜ. ಮುಂದೆ ಇವೇ ಬೃಹನ್ನಕ್ಷತ್ರಗಳಾಗಿ ವಿಕಾಸ ತೋರುತ್ತ, ಅಂತಿಮ ಸ್ಥಿತಿ ತಲಪುವ ಮುನ್ನ ಸೂಪರ್‌ನೋವಾಗಳಾಗಿ ಸ್ಫೋಟಿಸುವುದರಿಂದ ಅವು ಇಡೀ ಬ್ರಹ್ಮಾಂಡವನ್ನೇ ಬೆಳಗುವ ಕ್ರಿಯೆಗೆ ತೊಡಗುವುದಿಲ್ಲ. ಹಬಲ್ ದೂರದರ್ಶಕ ಭೂಮಿಯಿಂದ 27 ಲಕ್ಷ ಜ್ಯೋತಿರ್ವರ್ಷ ದೂರದಲ್ಲಿರುವ M-33 ಎಂಬ ಸುರುಳಿ ಬ್ರಹ್ಮಾಂಡದ ಒಂದು ಭಾಗದಲ್ಲಿ ಹೊಸತಾಗಿ ಹುಟ್ಟಿದ 200 ನಕ್ಷತ್ರಗಳನ್ನು ಗುರುತಿಸಿದೆ. ಅದನ್ನು ತಾರೆಯ ತೊಟ್ಟಿಲು ಎನ್ನುತ್ತಾರೆ. ಈ ತಾರೆಗಳು ಹೊಮ್ಮಿಸುವ ಅತಿನೇರಿಳೆ ಕಿರಣಗಳು ಸುತ್ತಲಿನ ಅನಿಲವನ್ನು ಪ್ರಜ್ವಲಿಸುವುದನ್ನು ಹಬಲ್ ಕಣ್ಣಲ್ಲಿ ಕಣ್ಣಿಟ್ಟು ನೋಡಿದೆ. ನಕ್ಷತ್ರಗಳ ವಿಕಾಸ ಅಧ್ಯಯನ ಮಾಡಲು ಹಬಲ್‍ನ ಈ ವಿವರಗಳು ಅತ್ಯಮೂಲ್ಯವೆಂದು ಪರಿಗಣಿತವಾಗಿದೆ.

ಯುರೇನಸ್ ಉಪಗ್ರಹಗಳ ಪತ್ತೆ

ಹಬ್ಲ್ ಯುರೇನಸ್‌ನ ಎರಡು ಉಪಗ್ರಹಗಳನ್ನು ಪತ್ತೆಮಾಡಿದೆ. ಇವುಗಳ ವ್ಯಾಸ 12 ರಿಂದ 16 ಕಿಲೋಮೀಟರ್. 1986ರಲ್ಲಿ ವಾಯೇಜರ್ ನೌಕೆ ಗುರು, ಶನಿ ಗ್ರಹಗಳನ್ನು ಹಾಯುವ ಮಾರ್ಗದಲ್ಲಿ ಶನಿಯ ಉಂಗುರಗಳನ್ನು, ಗುರುವಿನ ಹತ್ತು ಮಂದಿ ಉಪಗ್ರಹಗಳನ್ನು ಪತ್ತೆ ಹಚ್ಚಿತ್ತು. ಆದರೆ ಯುರೇನಸ್‌ನ ಈ ಉಪಗ್ರಹಗಳು ಹೇಗೋ ವಾಯೇಜರ್ ಕಣ್ಣಿನಿಂದ ಪಾರಾಗಿದ್ದವು. ಹಬಲ್ ಇತ್ತೀಚೆಗಷ್ಟೇ ಆ ಎರಡು ಉಪಗ್ರಹಗಳ ಚಿತ್ರಗಳನ್ನು ಸ್ಪಷ್ಟವಾಗಿ ಬಿಂಬಿಸಿ ಕಳಿಸಿದೆ; ಈಗ ಯುರೇನಸ್‌ನ ಉಪಗ್ರಹಗಳ ಸಂಖ್ಯೆ 21.

ಷೂಮಾಕರ್ ಲೆವಿ ಧೂಮಕೇತುವಿನ ಡಿಕ್ಕಿ

ಅನಿಲ ದೈತ್ಯ ಎಂಬ ಹೆಗ್ಗಳಿಕೆಗೆ ಪಾತ್ರವಾದ ಗುರು ಗ್ರಹದ ಹತ್ತಿರ ಸುಳಿಯುವ ಯಾವ ಕಾಯಗಳಿಗೂ `ಆಘಾತ' ತಪ್ಪಿದ್ದಲ್ಲ. ಅದರ ಗುರುತ್ವಕ್ಕೆ ಸಿಕ್ಕ ಎಲ್ಲ ಕಾಯಗಳನ್ನು ಭರಸೆಳೆದು ಅವುಗಳ ಅಸ್ತಿತ್ವವನ್ನೇ ಇಲ್ಲವಾಗಿಸುವ ಗುರು ಬಲಾಢ್ಯ ಗ್ರಹ. 1993 ರಲ್ಲಿ ಗುರು ಗ್ರಹದ ಬಳಿ ಕಾಣಿಸಿಕೊಳ್ಳುವ ಹೊತ್ತಿಗೆ ಷೂಮಾಕರ್ ಲೆವಿ ಎಂಬುವ ಧೂಮಕೇತು 21 ತುಣಕುಗಳಾಗಿ ಸಿಡಿದಿತ್ತು.^[29][30] ಈ ಎಲ್ಲ ತುಣುಕುಗಳು ಒಟ್ಟು 11,000,00 ಕಿ.ಮೀ. ಉದ್ದಕ್ಕೂ ಹಬ್ಬಿದವು. ಅದೇ ವರ್ಷ ಒಂದರ ಹಿಂದೆ ಒಂದರಂತೆ ಗುರುವಿಗೆ ಡಿಕ್ಕಿ ಹೊಡೆದಾಗ ಭೂಮಿಯಲ್ಲಿ ನೆಟ್ಟಿದ್ದ ಯಾವ ದೂರದರ್ಶಕಗಳೂ ಆ ಭೀಬತ್ಸ ದೃಶ್ಯವನ್ನು ಸೆರೆಹಿಡಿಯಲಿಲ್ಲ. ಏಕೆಂದರೆ ಈ ಪ್ರಳಯ ಸ್ವರೂಪಿ ಘಟನೆಯಾಗಿದ್ದು ಗುರುಗ್ರಹದ ಆಚೆಯ ಮಗ್ಗುಲಲ್ಲಿ. ಆದರೆ ಹಬಲ್ ಮಾತ್ರ ತನ್ನ ಬಿಟ್ಟ ಕಣ್ಣನ್ನು ಬಿಟ್ಟು ಈ ಒಂದೊಂದೂ ತುಂಡುಗಳ ಆತ್ಮಹತ್ಯಾ ಪ್ರಸಂಗಗಳ ಎಲ್ಲ ಹಂತಗಳನ್ನೂ ಚಾಚೂ ತಪ್ಪದೆ ವರದಿ ಮಾಡಿತ್ತು. ಈ ಡಿಕ್ಕಿಯಿಂದಾಗಿ ಗುರುಗ್ರಹದ ವಾತಾವರಣದಲ್ಲಿ 1000 ಡಿಗ್ರಿ ಸೆಂ. ಉಷ್ಣತೆ ಹೆಚ್ಚಿ, ಬೆಂಕಿ ಭುಗಿಲೆದ್ದು ನೂರಾರು ಕಿ.ಮೀ. ವ್ಯಾಪಿಸಿತ್ತು. ಅದರ ವಾತಾವರಣದಲ್ಲಿ ಕುದುರೆಯ ಲಾಳಾಕಾರದ ಆಕೃತಿಗಳು ಗಾಯದಂತೆ ಮೂಡಿದ್ದವು. ಹಬಲ್ ಅದನ್ನೂ ವರದಿ ಮಾಡಿದೆ.

ಕಪ್ಪುಕುಳಿಗಳ ಪತ್ತೆ

ಹಬಲ್ ದೂರದರ್ಶಕ ಇನ್ನೊಂದು ಭಯಾನಕ ಜಾಗವನ್ನು ಬೊಟ್ಟು ಮಾಡಿ ತೋರಿಸಿದೆ. ಅದು ದೃಷ್ಟಿ ನೆಟ್ಟ ಎಷ್ಟೋ ಬ್ರಹ್ಮಾಂಡಗಳಲ್ಲಿ ಕಪ್ಪುಕುಳಿಗಳ ಅಸ್ತಿತ್ವವನ್ನು ರುಜುವಾತು ಪಡಿಸಿದೆ. ನಕ್ಷತ್ರ ತನ್ನ ವಿಕಾಸದ ಹಂತದಲ್ಲಿ ಸೂಪರ್‌ನೋವಾ ಸ್ಫೋಟವಾಗಿ ಅದರ ಗರ್ಭ ನ್ಯೂಟ್ರಾನ್ ನಕ್ಷತ್ರವಾಗುತ್ತದೆ. ಆದರೆ ಸದಾ ಹೀಗಾಗಬೇಕೆಂದಿಲ್ಲ. ಅದರ ಗರ್ಭ ಸೌರರಾಶಿಯ ಮೂರು ಪಟ್ಟು ಹೆಚ್ಚು ದ್ರವ್ಯರಾಶಿ ಹೊಂದಿದ್ದರೆ ಆ ಸ್ಥಿತಿಯಲ್ಲಿ ನ್ಯೂಟ್ರಾನುಗಳು ಕೂಡಾ ದಟ್ಟಣೆಗೊಳ್ಳುವುದು ಸಾಧ್ಯವಿಲ್ಲ. ಆ ಮೀರಿದ ಗುರುತ್ವದಲ್ಲಿ ಕಪ್ಪುಕುಳಿ ಹುಟ್ಟುತ್ತದೆ. ಬೆಳಕಿಗೂ ಅಲ್ಲಿ ವಿಮೋಚನೆ ಇಲ್ಲ. ಬ್ರಹ್ಮಾಂಡದ ಕೇಂದ್ರಭಾಗದಲ್ಲಿ ಕೆಲವೆಡೆ ಅನಿಲ ಮೇಘಗಳ ಕುಸಿತದಿಂದಲೂ ಕಪ್ಪುಕುಳಿ ಹುಟ್ಟಬಹುದು. ಕೋಟಿ ಸೂರ್ಯರೂ ಅದರ ರಾಶಿಗೆ ಸಮವಾಗಲಾರವು. ಕಪ್ಪು ಆಗಸದಲ್ಲಿ ಈ ಕಪ್ಪುಕುಳಿಗಳನ್ನು ಗುರುತಿಸುವುದು ಸುಲಭ ಸಾಧ್ಯವಲ್ಲ. ಹಾಗಿದ್ದಲ್ಲಿ ಹಬಲ್ ಬ್ರಹ್ಮಾಂಡಗಳಲ್ಲಿ 15 ರಿಂದ 20 ಕಪ್ಪುಕುಳಿಗಳನ್ನು ಗುರುತಿಸಿದ್ದಾದರೂ ಹೇಗೆ? ಅವುಗಳನ್ನು ನೇರವಾಗಿ ವೀಕ್ಷಿಸಲು ಸಾಧ್ಯವಿಲ್ಲ. ಅವುಗಳ ಸನಿಹದಲ್ಲಿ ನಕ್ಷತ್ರಗಳಿದ್ದರೆ ಪತ್ತೆ ಹಚ್ಚುವುದು ಸುಲಭ. ಅದೂ ಕೂಡ ಪರೋಕ್ಷವಾಗಿ. ಕಪ್ಪುಕುಳಿಗಳು ಅತಿ ವೇಗವಾಗಿ ಸನಿಹದ ಅನಿಲವನ್ನು ಸೆಳೆಯುವುದರಿಂದ ನೀರಿನಲ್ಲಿ ಸುಳಿಗಳೇಳುವಂತೆ ಅಲ್ಲಿ ಧಗಧಗಿಸುವ ಅನಿಲದ ಸುಳಿಗಳೇಳುತ್ತವೆ. ಆ ಸ್ಥಿತಿಯಲ್ಲಿ 100 ದಶಲಕ್ಷ ಸೆಂ.ಗಳಷ್ಟು ಉಷ್ಣತೆ ಏರಬಹುದು. ಎಕ್ಸ್-ಕಿರಣಗಳು ವಿಸರ್ಜನೆಯಾಗಬಹುದು. ಹಬಲ್ ದೂರದರ್ಶಕ ಎಕ್ಸ್-ಕಿರಣಗಳನ್ನು ಗುರುತಿಸುವ ಸಾಧನಗಳಿಂದ ಸಜ್ಜಿತವಾಗಿಲ್ಲ. ಆದರೆ ಕಪ್ಪುಕುಳಿಯ ಆಜೂಬಾಜೂ ಆಗುವ ಬದಲಾವಣೆಗಳನ್ನು ಸೆರೆಹಿಡಿಯಬಲ್ಲದು.

ಇತರ ಮಾಹಿತಿ

ಹಬಲ್‍ನ ಇತಿಮಿತಿ: ಹಬಲ್ ದೂರದರ್ಶಕ ಅತ್ಯುತ್ಕೃಷ್ಟ ಮಾದರಿ ಎಂಬುದನ್ನು ಕುರಿತು ಎರಡು ಅಭಿಪ್ರಾಯಗಳಿಲ್ಲ. ಅದು ಖಗೋಳ ವಿಜ್ಞಾನದ ಇತಿಹಾಸವನ್ನೇ ತಿರುಗು ಮರುಗು ಮಾಡಿದೆ. ಹಾಗೆಂದ ಮಾತ್ರಕ್ಕೆ ಭೂಮೇಲ್ಮೈಯಲ್ಲಿ ಸ್ಥಾಪಿಸಿರುವ ದೂರದರ್ಶಕಗಳು ಅಪ್ರಯೋಜಕವೆಂದೇನೂ ಅಲ್ಲ. ಈಗಲೂ ಅಂಥ ದೂರದರ್ಶಕಗಳು ಸಮರ್ಪಕವಾಗಿಯೇ ಕೆಲಸಮಾಡುತ್ತಿವೆ. ಅವುಗಳ ಅವಶ್ಯಕತೆಯೂ ಇದೆ. ಎಂದೇ ನಿರ್ಮಾಣವೂ ನಡೆದಿದೆ. ಹಬಲ್ ದೂರದರ್ಶಕ ರೇಡಿಯೋ ತರಂಗಗಳನ್ನಾಗಲೀ, ಸೂಕ್ಷ್ಮ ತರಂಗಗಳನ್ನಾಗಲೀ, ಎಕ್ಸ್-ಕಿರಣಗಳಂಥ ಅಧಿಕ ತರಂಗಗಳನ್ನಾಗಲೀ, ಗಾಮಾಕಿರಣಗಳನ್ನಾಗಲೀ ಗುರುತಿಸಲಾರದು.

ಬಾಹ್ಯಾಕಾಶ ದೂರದರ್ಶಕದ ಉಪಯೋಗಗಳು: ನಿತ್ಯ ಅನುಭವಕ್ಕೆ ಬರುವ ಬೆಳಕನ್ನು ವಿಜ್ಞಾನಿಗಳು ವಿದ್ಯುತ್ಕಾಂತೀಯ ರೋಹಿತದ ಒಂದು ಭಾಗ ಎನ್ನತ್ತಾರೆ. ಇದರ ಅರ್ಥ ಆಕಾಶಕಾಯಗಳು ಗೋಚರ ಬೆಳಕನ್ನಷ್ಟೇ ಅಲ್ಲದೆ ವಿದ್ಯುತ್ಕಾಂತೀಯ ರೋಹಿತದ ಇತರ ವ್ಯಾಪ್ತಿಯ ಕಿರಣಗಳನ್ನೂ ಹೊರಸೂಸುತ್ತವೆ. ಪ್ರತಿಫಲನ ದೂರದರ್ಶಕಗಳಾಗಲೀ, ವಕ್ರೀಭವನ ದೂರದರ್ಶಕಗಳಾಗಲೀ, ಗೋಚರ ಬೆಳಕಿನಲ್ಲಿ ಕಾಯಗಳ ಬಿಂಬವನ್ನು ನೀಡುತ್ತವೆ. ಆದರೆ ಅದರ ವ್ಯಾಪ್ತಿಗೆ ಹೊರತಾದ ಇತರ ವಿಕಿರಣಗಳೂ ನೀಡುವ ಬಿಂಬಗಳನ್ನು ಅವುಗಳಿಂದ ಪಡೆಯಲಾಗದು. ಭೂವಾತಾವರಣದಲ್ಲಿ ತೂರಿಬರುವ ಗೋಚರ ಬೆಳಕು ಮತ್ತು ರೇಡಿಯೋ ತರಂಗಗಳನ್ನು ಭೂಮಿಯ ಮೇಲೆ ಸ್ಥಾಪಿಸಿರುವ ದೂರದರ್ಶಕಗಳು ಗ್ರಹಿಸಬಹುದು. ಎಕ್ಸ್-ಕಿರಣಗಳು ಭೂವಾತಾವರಣದಲ್ಲಿ ತೂರಿಬರದ ಕಾರಣ ಅವನ್ನು ಗ್ರಹಿಸಲು ಭೂವಾತಾವರಣವನ್ನು ದಾಟಿ ಅಲ್ಲಿ ಸ್ಥಾಪಿಸಿದ ದೂರದರ್ಶಕವನ್ನು ಬಳಸಬೇಕಾಗುತ್ತದೆ.

ಹಬಲ್ ದೂರದರ್ಶಕದ ಆಯುಷ್ಯವನ್ನು ಕಡಿತಗೊಳಿಸಿದರೆ ಖಗೋಳ ವಿಜ್ಞಾನಿಗಳಿಗೆ ಅಷ್ಟೇ ಸಾಮರ್ಥ್ಯದ ಬೇರಾವ ದೂರದರ್ಶಕವನ್ನು ಕೊಡಬೇಕು ಎನ್ನುವುದನ್ನು ಕುರಿತು `ನಾಸಾ' ಸಂಸ್ಥೆ ಯೋಚಿಸಿತು. ಅದು ಸಾಧ್ಯವಾಗಿದ್ದು 2021ರಲ್ಲಿ, ಜೇಮ್ಸ್ ವೆಬ್ ದೂರದರ್ಶಕವನ್ನು ಕಕ್ಷೆಗೆ ಸೇರಿಸಿದಾಗ, (ಜೇಮ್ಸ್ ವೆಬ್, ಅಪೊಲೋ ಚಂದ್ರಯಾತ್ರೆಯ ರೂವಾರಿಯಲ್ಲಿ ಪ್ರಮುಖ ಪಾತ್ರ ವಹಿಸಿದ ಖಗೋಳ ವಿಜ್ಞಾನಿ.) ಹಬಲ್ ಕಂಡ ವಿಶ್ವರೂಪದ ಇನ್ನಷ್ಟು ಆಳಕ್ಕೆ ಇಳಿಯುತ್ತದೆಂದು ನಾಸಾ ಘೋಷಿಸಿತು. ಅಂದರೆ ವಿಶ್ವದ ಉಗಮದ ನೂರು ಪುಟಗಳ ಚರಿತ್ರೆಯಲ್ಲಿ ಹಬಲ್ ಹಿಂದಕ್ಕೆ 90 ಪುಟಗಳಷ್ಟನ್ನು ಬೆದಕಿ ತೆಗೆದಿದೆ. ವೆಬ್ ದೂರದರ್ಶಕ ವಿಶ್ವದ ಅದಿಮ ಸ್ಥಿತಿಯ ಮೊದಲ ಹತ್ತು ಪುಟಗಳತ್ತ ಸರಿಯುತ್ತದೆಂದು ಈಗಾಗಲೇ ಆಶಾಭಾವನೆ ತಳೆಯಲಾಗಿದೆ. ವ್ಯತ್ಯಾಸವಷ್ಟೇ ಹಬಲ್ ವಿಶ್ವವನ್ನು ಕಂಡದ್ದು ಗೋಚರ ಬೆಳಕಿನಲ್ಲಿ. ವೆಬ್ ದೂರದರ್ಶಕ ಕಾಣುವುದು ವಿದ್ಯುತ್ ಕಾಂತೀಯ ರೋಹಿತದ ಅವಕೆಂಪು ವ್ಯಾಪ್ತಿಯಲ್ಲಿ(ಒಂದು ಮಿಲಿ ಮೀಟರ್‌ನಿಂದ ಹಿಡಿದು 700 ನ್ಯಾನೋಮೀಟರ್ ವ್ಯಾಪ್ತಿಯಲ್ಲಿ). ವಿಶ್ವದಲ್ಲಿ ಕಾಲದ ಪರಿಕಲ್ಪನೆಯನ್ನು ಮೊತ್ತಮೊದಲು ಮೂಡಿಸಿದ ಮಹಾಬಾಜಣೆಯೆಂಬ ಆಸ್ಫೋಟದ ನಂತರ ಆದ ಘಟನೆಗಳನ್ನು ವೆಬ್ ದೂರದರ್ಶಕ ಖುದ್ದಾಗಿ ನೋಡಲಿದೆ). ಇದರ ಉಸ್ತುವಾರಿ ಕೂಡ ಗೋಡಾರ್ಡ್ ಸ್ಪೇಸ್ ಫ್ಲೈಟ್ ಸೆಂಟರ್ ವಹಿಸಿಕೊಂಡಿತು. ಆದರೆ ಹಬಲ್, ಗೋಚರ ಬೆಳಕಿನಲ್ಲಿ ಬಿಂಬಿಸುವ ಚಿತ್ರಗಳಿಗೆ ವೆಬ್ ದೂರದರ್ಶಕ ಕಳಿಸಲಿರುವ ಚಿತ್ರಗಳು ಎಂದೂ ಸರಿಗಟ್ಟಲಾರವು ಎಂದು ಖಗೋಳ ವಿಜ್ಞಾನಿಗಳು ಈಗಾಗಲೇ ಮುನ್ನುಡಿದಿದ್ದಾರೆ. `ವೆಬ್ ದೂರದರ್ಶಕ ಹಬಲ್‍ನ್ನು ಸ್ಥಳಾಂತರಿಸುತ್ತದೆಂದು ಭಾವಿಸಬೇಡಿ' ಎಂದು ನಾಸಾ ಸಂಸ್ಥೆ ಹೇಳಿದೆ.

ಸರ್ವಿಸಿಂಗ್ ಮಿಷನ್‍ಗಳು

ಈ ದೂರದರ್ಶಕದ ಆಯುಷ್ಯ ವೃದ್ಧಿಸಲು, ಅಶಕ್ತ ಸಾಧನಗಳನ್ನು ರಿಪೇರಿ ಮಾಡಲೆಂದೇ ಸೇವಾ ನೌಕೆಯಲ್ಲಿ ಅಲ್ಲಿಗೆ ಹೋಗಿ ಖಗೋಳ ವಿಜ್ಞಾನಿಗಳು 93 ಗಂಟೆ ಅದಕ್ಕಾಗಿ ವಿನಿಯೋಗಿಸಿದ್ದಾರೆ.

ಮಿಷನ್ ೧

ಹಬಲ್‍ಗೆ ಬಳಸಿದ್ದ ಪ್ರಧಾನ ಕನ್ನಡಿಯ ಆಕಾರದಲ್ಲಿ ವ್ಯತ್ಯಯವಾಗಿತ್ತು. ಕನ್ನಡಿಯನ್ನು ಉಜ್ಜುವಾಗ ಅದು ರೂಪಗೆಟ್ಟಿತ್ತು. ಹೇಗೋ ಇದು ಮಾಧ್ಯಮಗಳ ಕಿವಿಗೂ ಬಿದ್ದು `ಒಂದೂವರೆ ಬಿಲಿಯನ್ ಬ್ಲಂಡರ್' ಎಂದು ಬಣ್ಣಿಸಿದ್ದವು. ಕನ್ನಡಿಯಲ್ಲಿ ಏನು ಲೋಪವಾಗುತ್ತೆಂದರೆ ಅದರ ಕೇಂದ್ರ ಭಾಗದಿಂದ ಪ್ರತಿಫಲನವಾಗುತ್ತಿದ್ದ ಬೆಳಕಿನ ಕಿರಣಗಳು ಬೇರೆ ಕೋನದಲ್ಲಿ ನಾಭಿಗೊಳ್ಳುತ್ತಿದ್ದವು. ಹೀಗಾಗಿ ಅದರಿಂದ ಪಡೆಯುತ್ತಿದ್ದ ಬಿಂಬ ಸ್ಪಷ್ಟವಾಗಿರುತ್ತಿರಲಿಲ್ಲ. ಹಬಲ್‍ಗೆ ಮೆಳ್ಳೆಗಣ್ಣಾಗಿತ್ತು. ಇದನ್ನು ಸರಿಪಡಿಸಲು ಎಂಥೆಂಥವೋ ಸಲಹೆಗಳು ಬಂದವು. ಹಬಲ್ ದೂರದರ್ಶಕವನ್ನು ಕೆಳಗಿಳಿಸಿ ದುರಸ್ಥಿ ಮಾಡಿ ಮತ್ತೆ ಮೇಲೇರಿಸಬೇಕೆಂದು ಒಂದು ತಂಡ ವಾದಿಸಿತು. ದುರಸ್ಥಿಗಾಗಿ ಒಂದು ನೌಕೆಯನ್ನೇ ಕಳಿಸಬಾರದೇಕೆ? ಎಂಬಂಥ ಸಲಹೆಗಳೂ ಬಂದವು. ಆದರೆ ಅದು ಒಂದೆರಡು ತಾಸಿನ ಕೆಲಸವೂ ಅಲ್ಲ, ತಂತ್ರಜ್ಞಾನದ ಜೊತೆಗೆ ಹಲವು ಕೋಟಿ ಡಾಲರ್‌ಗಳ ವ್ಯಯವೂ ಆಗುತ್ತಿತ್ತು. ಶೂನ್ಯ ಗುರುತ್ವದಲ್ಲಿ ತೇಲಾಡುತ್ತ ಅತಿ ಹೆಚ್ಚಿನ ಸಮಯ ವಿನಿಯೋಗ  ಮಾಡುವ ಅನಿವಾರ್ಯತೆಯೇ ಮುಂದಿದ್ದ ಪರಿಹಾರ. ಬಾಹ್ಯಾಕಾಶದಲ್ಲಿ ತೂಕರಹಿತ ಸ್ಥಿತಿಯಲ್ಲಿ ಇಂಥ ನಾಜೂಕು ಕೆಲಸವನ್ನು ಮಾಡಬೇಕಾಗುತ್ತದೆ. ಒಂದು ವರ್ಷಕಾಲ ದೊಡ್ಡ ಈಜುಕೊಳದಲ್ಲಿ ಆಕಾಶದ ಸ್ಥಿತಿಯನ್ನೇ ಬಿಂಬಿಸುವಂತೆ ಶೂನ್ಯ ಗುರುತ್ವವನ್ನು ಸೃಷ್ಟಿಸಿ, ಏನೆಲ್ಲ ತಾಲೀಮು ನಡೆಸಿ ವೃತ್ತಿಪರ ಈಜುಗಾರರನ್ನು ಪಹರೆ ನಿಲ್ಲಿಸಿ ತರಪೇತು ಕೊಡಿಸಬೇಕಾಗಿತ್ತು. ಅಂತೂ 1993ರ ಡಿಸೆಂಬರ್ 2ರಂದು 11 ದಿನದ ರಿಪೇರಿಗೆಂದು ಏಳು ಖೇಚರರು ಎಂಡೆವರ್ ವ್ಯೋಮನೌಕೆಯಲ್ಲಿ ಹಬಲ್‍ಗೆ ರಿಪೇರಿಗೆ ತೆರಳಿದರು. ಹಬಲ್‍ನ ಕಣ್ಣು ಮೊದಲ ಸ್ಥಿತಿಗೆ ಬಂತು. ಈಗ ಅದರ ದೃಷ್ಟಿ ಇನ್ನೂ ಚುರುಕಾಗಿತ್ತು. 21ನೇ ಶತಮಾನದ ವಿಜ್ಞಾನವನ್ನು ಅಧ್ಯಯನ ಮಾಡಲು ಹಬಲ್ ನಿರಂತರ ಅವಕಾಶ ಕಲ್ಪಿಸಿದೆ ಎಂಬ ಪ್ರಶಂಸೆಗೂ ಪಾತ್ರವಾಯಿತು. ಅದು ತೆಗೆದ ಬ್ರಹ್ಮಾಂಡದ, ಅನಿಲ ಮೋಡಗಳ ಚಿತ್ರಗಳನ್ನು ಅನೇಕ ಗೋಷ್ಠಿಯಲ್ಲಿ ಉಡುಗೊರೆಯಾಗಿಯೂ ಹಂಚಲಾಯಿತು.

ಹಬಲ್‍ನ ಸಮಸ್ಯೆಗಳು

• 1990ರಿಂದ ಈವರೆಗೆ ಹಬಲ್ ದೂರದರ್ಶಕ ಮೂರು ಬಾರಿ ದುರಸ್ತಿಗೊಳಗಾಗಿದೆ. 1993ರಲ್ಲಿ ಅದರ ಮುಖ್ಯ ಕನ್ನಡಿ ದುರಸ್ತಿಯಾಯಿತು. ಅನಂತರ ಅದರ ಸಾಮರ್ಥ್ಯ ಹೆಚ್ಚಿ, ವಿಶ್ವದ ಅಪರೂಪದ ಚಿತ್ರಗಳನ್ನು ಸೆರೆಹಿಡಿದು ಖಗೋಳ ವಿಜ್ಞಾನಿಗಳಿಗೆ ಹೊಸಬಾಗಿಲು ತೆರೆಯಿತು.
• 1997ರಲ್ಲಿ ಈ ದೂರದರ್ಶಕದ ಹೊರಕವಚಕ್ಕೆ ಧಕ್ಕೆಯಾಗಿ ಅದನ್ನು ಸರಿಪಡಿಸಬೇಕಾಯಿತು. ಅದರಲ್ಲಿನ ಎಲೆಕ್ಟ್ರಾನಿಕ್ ಸಾಧನಗಳಿಗೆ ಬಿಸಿ ತಾಕುವುದನ್ನು ತಪ್ಪಿಸಲು ದುರಸ್ತಿ ಮಾಡಬೇಕಾಯಿತು.
• ಹಬಲ್‍ಗೆ ಶಕ್ತಿ ಒದಗಿಸುವ ಬ್ಯಾಟರಿಗಳಲ್ಲಿ ನಿಕಲ್-ಹೈಡ್ರೋಜನ್ ಬಳಸಿದ್ದಾರೆ. ದೂರದರ್ಶಕದ ಸೌರಫಲಕಗಳು ಶಕ್ತಿ ಸಂಗ್ರಹಿಸಿ ದಿನಕ್ಕೆ 15 ಬಾರಿ ಬ್ಯಾಟರಿಗಳಿಗೆ ಪೂರೈಸುತ್ತದೆ. ಒಂದು ವೇಳೆ ಬ್ಯಾಟರಿಗಳು ನಿಷ್ಕ್ರಿಯವಾದರೆ ಹಬಲ್ ತನ್ನ ನಿರ್ದಿಷ್ಟ ಗುರಿಯೆಡೆಗೆ ಮುಖ ಮಾಡುವುದು ಸಾಧ್ಯವಿಲ್ಲ. ಅವು ನಮ್ಮ ಮನೆಯಲ್ಲಿ ಬಳಸುವ ಬ್ಯಾಟರಿಗಳಂತಲ್ಲ. ಬಹುಬೇಗ ಅವುಗಳ ಶಕ್ತಿ ವ್ಯಯವಾಗುತ್ತದೆ.
• ಹಬಲ್ ಗುರಿಯತ್ತ ನಿರ್ದೇಶನವಾಗಲು ಗೈರೋಸ್ಕೋಪ್‌ಗಳ ನೆರವು ಬೇಕು. ಇದು ಗಾಲಿಕುರ್ಚಿಯ ತರಹ. ಬೇಕೆಂದೆಡೆಗೆ ಅದು ಮುಖ ತಿರುಗಿಸುವಂತೆ ಚೌಕಟ್ಟು ಮತ್ತು ಗಾಲಿಯನ್ನು ಇದರಲ್ಲಿ ಅಳವಡಿಸಿರುತ್ತದೆ. ಹಬಲ್ ದೂರದರ್ಶಕಕ್ಕೆ ಇಂಥ ಆರು ಗೈರೋಸ್ಕೋಪ್‌ಗಳಿವೆ. ಇವುಗಳಲ್ಲಿ ಎರಡು ಈಗಾಗಲೇ ಜಖಂ ಆಗಿ ನಿಷ್ಕ್ರಿಯವಾಗಿವೆ. ಇವುಗಳ ದುರಸ್ತಿಯಾಗಬೇಕು. ಇನ್ನು ಮೂರು ಕೆಲಸ ಮಾಡುತ್ತಿವೆ. ಅದರಲ್ಲಿ ಒಂದನ್ನು ಆಪತ್ಕಾಲಕ್ಕೆಂದೇ ಇಡಲಾಗಿದೆ. ಕ್ರಿ.ಶ. 2006ರ ಹೊತ್ತಿಗೆ ಎರಡು ಗೈರೋಸ್ಕೋಪ್‌ಗಳು ಮಾತ್ರ ಸುಸ್ಥಿತಿಯಲ್ಲಿರುತ್ತವೆ. ಇವುಗಳ ದುರಸ್ತಿಯನ್ನು ಮಾಡದೆ `ಇದ್ದಷ್ಟೇ ದಿನ ಲಾಭ' ಎಂದುಕೊಳ್ಳುವುದಾದರೆ ಬಹುಶಃ 2010ನ್ನು ಕೂಡ ಈ ದೂರದರ್ಶಕ ದಾಟಲಾರದು ಎಂದು ಅಂದಾಜಿಸಲಾಗಿತ್ತು.

ಹಬಲ್‌ ಬಗೆಗೆ ಒಂದಿಷ್ಟು ಮಾಹಿತಿ

• ಪ್ರತಿ ಸಕೆಂಡ್‌ಗೆ 8 ಕಿ.ಮೀ. ವೇಗ, ಪ್ರತಿ 97 ನಿಮಿಷಗಳಿಗೊಮ್ಮೆ ಭೂಮಿಯ ಪರಿಭ್ರಮಣೆ
• ಹನ್ನೆರಡು ಟನ್‌ ತೂಕ, ಹನ್ನೆರಡು ಸಾವಿರ ಕೋಟಿ ರೂಪಾಯಿ ಮೌಲ್ಯದ ಬಾಹ್ಯಾಕಾಶ ದೂರದರ್ಶಕ
• ಖಗೋಳ ವಿಜ್ಞಾನಿ ಎಡ್ವಿನ್‌ ಹಬಲ್‌ (1889–1953) ಅವರ ಗೌರವಾರ್ಥ ಸಾಧನಕ್ಕೆ ಹೆಸರು
• 1990ರ ಏಪ್ರಿಲ್‌ 24 ರಂದು ಸ್ಪೇಸ್‌ ಶಟಲ್‌ ‘ಡಿಸ್ಕವರಿ’ ಮೂಲಕ ನೆಲದಿಂದ 560 ಕಿ.ಮೀ. ಎತ್ತರದಲ್ಲಿ ಭೂ ಸುತ್ತಲಿನ ಕಕ್ಷೆಗೆ^[31]

ನೋಡಿ

• ಶೆಂಝೌ–11 (ಚೀನಾದ ಬಾಹ್ಯಾಕಾಶ ನೌಕೆ)
• ಜೇಮ್ಸ್ ವೆಬ್ ಬಾಹ್ಯಾಕಾಶ ದೂರದರ್ಶಕವು ಎಲ್ಲಕ್ಕಿಂತ ದೊಡ್ಡದು
• ದೂರದರ್ಶಕ
• ಬ್ರಹ್ಮಾಂಡ

ಉಲ್ಲೇಖಗಳು

1. "Hubble Marks 30 Years in Space with Tapestry of Blazing Starbirth". HubbleSite.org. Space Telescope Science Institute. April 24, 2020. Archived from the original on May 10, 2020. Retrieved April 24, 2020.
2. "Hubble Essentials: Quick Facts". HubbleSite.org. Space Telescope Science Institute. Archived from the original on July 6, 2016.
3. Ryba, Jeanne. "STS-31". NASA. Archived from the original on May 7, 2017. Retrieved May 7, 2017. This article incorporates text from this source, which is in the public domain.
4. Harwood, William (May 30, 2013). "Four years after final service call, Hubble Space Telescope going strong". CBS News. Archived from the original on October 30, 2019. Retrieved June 3, 2013.
5. "Hubble Space Telescope – Orbit". Heavens Above. August 15, 2018. Archived from the original on August 17, 2018. Retrieved August 16, 2018.
6. Nelson, Buddy (2009). "Hubble Space Telescope: Servicing Mission 4 Media Reference Guide" (PDF). NASA/Lockheed Martin. pp. 1–5. Archived (PDF) from the original on August 27, 2011. Retrieved May 31, 2018.
7. NASA. "FAQ for Scientists Webb Telescope". Archived from the original on February 10, 2022. Retrieved February 15, 2022.
8. Robberto, M.; Sivaramakrishnan, A.; Bacinski, J. J.; Calzetti, Daniele; Krist, J. E.; MacKenty, J. W.; Piquero, J.; Stiavelli, M. (2000). Breckinridge, James B.; Jakobsen, Peter (eds.). "The Performance of HST as an Infrared Telescope". Proc. SPIE. UV, Optical, and IR Space Telescopes and Instruments. 4013: 386–393. Bibcode:2000SPIE.4013..386R. CiteSeerX 10.1.1.358.1298. doi:10.1117/12.394037. S2CID 14992130. This article incorporates text from this source, which is in the public domain.
9. Ghitelman, David (1987). The Space Telescope. New York: Michael Friedman. p. 32. ISBN 978-0-8317-7971-9.
10. "Hubble Essentials". HubbleSite.org. Space Telescope Science Institute. Archived from the original on March 3, 2016. Retrieved March 3, 2016. This article incorporates text from this source, which is in the public domain.
11. Michael D. Lemonick (March 29, 1999). "Astronomer Edwin Hubble". The Times. UK. Archived from the original on March 19, 2007. Retrieved May 29, 2011.
12. Oberth, Hermann (1923). Die Rakete zu den Planetenräumen (in ಜರ್ಮನ್). R. Oldenbourg-Verlay. p. 85.
13. Spitzer, Lyman Jr., "Report to Project Rand: Astronomical Advantages of an Extra-Terrestrial Observatory", reprinted in NASA SP-2001-4407: Exploring the Unknown Archived January 20, 2017, ವೇಬ್ಯಾಕ್ ಮೆಷಿನ್ ನಲ್ಲಿ., Chapter 3, Document III-1, p. 546.
14. "About Lyman Spitzer, Jr". Caltech. Archived from the original on March 27, 2008. Retrieved April 26, 2008.
15. Baum, W. A.; Johnson, F. S.; Oberly, J. J.; Rockwood, C. C.; et al. (November 1946). "Solar Ultraviolet Spectrum to 88 Kilometers". Physical Review. 70 (9–10): 781–782. Bibcode:1946PhRv...70..781B. doi:10.1103/PhysRev.70.781.
16. "The First Orbiting Solar Observatory". heasarc.gsfc.nasa.gov. NASA Goddard Space Flight Center. June 26, 2003. Archived from the original on May 3, 2019. Retrieved September 25, 2011. This article incorporates text from this source, which is in the public domain.
17. "OAO". NASA. Archived from the original on September 16, 2008. Retrieved April 26, 2008. This article incorporates text from this source, which is in the public domain.
18. Spitzer 1979, pp. 33–34.
19. Spitzer 1979, p. 34.
20. Andersen, Geoff (2007). The telescope: its history, technology, and future. Princeton University Press. p. 116. ISBN 978-0-691-12979-2.
21. "Memorandum of Understanding Between The European Space Agency and The United States National Aeronautics and Space Administration", reprinted in NASA SP-2001-4407: Exploring the Unknown Archived January 20, 2017, ವೇಬ್ಯಾಕ್ ಮೆಷಿನ್ ನಲ್ಲಿ. Chapter 3, Document III-29, p. 671.
22. Okolski, Gabriel. "A Chronology of the Hubble Space Telescope". NASA. Archived from the original on June 27, 2008. Retrieved April 26, 2008. This article incorporates text from this source, which is in the public domain.
23. "The Path to Hubble Space Telescope". NASA. Archived from the original on May 24, 2008. Retrieved April 26, 2008. This article incorporates text from this source, which is in the public domain.
24. Dunar & Waring 1999, pp. 487–488.
25. Dunar & Waring 1999, p. 489.
26. Waldrop, M. M. (August 17, 1990). "Hubble: The Case of the Single-Point Failure". Science Magazine. 249 (4970): 735–736. Bibcode:1990Sci...249..735W. doi:10.1126/science.249.4970.735. PMID 17756776.
27. "Team Hubble". HubbleSite.org. Space Telescope Science Institute. Archived from the original on October 28, 2012. Retrieved November 5, 2012.
28. First Image Taken by Hubble's Wide Field Planetary Camera, Hubblesite.org
29. Howell, E. (February 19, 2013). "Shoemaker–Levy 9: Comet's Impact Left Its Mark on Jupiter". Space.com.
30. "Panoramic Picture of Comet P/Shoemaker-Levy 9". HubbleSite.org (in ಇಂಗ್ಲಿಷ್). Retrieved 2021-12-03.
31. 400 ದಶಲಕ್ಷ ಜ್ಯೋತಿರ್ವರ್ಷ ದೂರದ ಗ್ಯಾಲಕ್ಸಿ ಚಿತ್ರ ಸೆರೆ ಹಿಡಿದ ‘ಹಬಲ್‌’;ಏಜೆನ್ಸಿಸ್‌;4 Mar, 2017

ಗ್ರಂಥಸೂಚಿ

• Spitzer, Lyman S. (March 1979). "History of the Space Telescope". Quarterly Journal of the Royal Astronomical Society. 20: 29–36. Bibcode:1979QJRAS..20...29S.
• Dunar, Andrew J.; Waring, Stephen P. (1999). "The Hubble Space Telescope" (PDF). Power to Explore: History of Marshall Space Flight Center 1960–1990. NASA. ISBN 978-0-16-058992-8. Archived from the original (PDF) on June 12, 2003.

ವಿಕಿಸೋರ್ಸ್ ನಲ್ಲಿ ಲಭ್ಯವಿರುವ ಲೇಖನದ ವಿಷಯವನ್ನು ಇಲ್ಲಿ ಅಳವಡಿಸಲಾಗಿದೆ:

ಮೈಸೂರು ವಿಶ್ವವಿದ್ಯಾನಿಲಯ ವಿಶ್ವಕೋಶ/ಹಬ್ಲ್‌ ದೂರದರ್ಶಕ