ವಿಕಿರಣ
From Wikipedia, the free encyclopedia
ಭೌತವಿಜ್ಞಾನದಲ್ಲಿ ವಿಕಿರಣವು ತರಂಗದ ರೂಪದಲ್ಲಿ ಅಥವಾ ಚಲಿಸುವ ಅಣುವಿನ ಕಣಗಳ ರೂಪದಲ್ಲಿ ಪ್ರಸಾರವಾಗುವ ಶಕ್ತಿ.[೧][೨] ಇಂದಿನ ದಿನಗಳಲ್ಲಿ ಇದರ ಸದುಪಯೋಗ ವೈದ್ಯಕೀಯ ಕ್ಷೇತ್ರದಲ್ಲೂ ಶುರುವಾಗಿದೆ.
ವಿಕಿರಣದ ಪ್ರಕಾರಗಳು
- ವಿದ್ಯುತ್ ಕಾಂತೀಯ ವಿಕಿರಣ: ವಿದ್ಯುತ್ ಕಾಂತೀಯ ಅಲೆ ಅಥವಾ ಕಣಗಳ ರೂಪದಲ್ಲಿರುವ ಶಕ್ತಿ
- ಅಯಾನೀಕರಿಸದ
- ರೇಡಿಯೊ ಅಲೆಗಳು
- ಸೂಕ್ಷ್ಮತರಂಗ ವಿಕಿರಣ, ಸೂಕ್ಷ್ಮತರಂಗ ಒಲೆಗಳನ್ನು ಬಳಸುವವರಿಗೆ ಪರಿಚಿತವಾಗಿರುತ್ತದೆ.
- ಅವೆಗೆಂಪು (IR), ಶಾಖವು ಮೂಲ.
- ದೃಷ್ಟಿಗೋಚರ ಬೆಳಕು
- ಅತಿನೇರಳೆ ವಿಕಿರಣ (UV)
- ಅಯಾನೀಕರಿಸುವ
- ಕ್ಷ-ಕಿರಣ
- ಗಾಮ ವಿಕಿರಣ, ಸಾಮಾನ್ಯವಾಗಿ ವಿಕಿರಣಕಾರಕ ಪರಮಾಣುಗಳಿಂದ ಹೊರಸೂಸಲ್ಪಡುತ್ತದೆ.
- ಅಯಾನೀಕರಿಸದ
- ಕಣ ವಿಕಿರಣ: (ಚಲಿಸುವ ಉಪಪರಮಾಣು ಕಣಗಳ ರೂಪದಲ್ಲಿರುವ ಶಕ್ತಿ.)
- ಅಯಾನೀಕರಿಸುವ
- ಆಲ್ಫ ವಿಕಿರಣ, ಹೀಲಿಯಂನ ಪರಮಾಣು.
- ಬೀಟ ವಿಕಿರಣ, ಶಕ್ತಿಯುತ ಋಣವಿದ್ಯುತ್ಕಣ ಅಥವಾ ಪಾಸಿಟ್ರಾನ್ಗಳು.
- ನ್ಯೂಟ್ರಾನ್ ವಿಕಿರಣ, ನ್ಯೂಟ್ರಾನ್ ಗಳನ್ನು ಹೊಂದಿರುತ್ತದೆ.
- ಅಯಾನೀಕರಿಸುವ
- ಗುರುತ್ವ ವಿಕಿರಣ, ಸಾಮಾನ್ಯ ಸಾಪೇಕ್ಷವಾದದಲ್ಲಿ ಪ್ರತಿಪಾದಿತ ವಿಕಿರಣದ ಒಂದು ರೂಪ.
ರಕ್ತವರ್ಣಕ್ಕೂ ಆಚೆ ಇರುವ ರಶ್ಮಿಗಳನ್ನು ಅತಿರಕ್ತವಿಕಿರಣಗಳು ಎನ್ನುತ್ತಾರೆ.
ವಿಕಿರಣದಿಂದಾಗುವ ಪ್ರಯೋಜನಗಳು
ರೋಗಗಳನ್ನು ಪತ್ತೆಹಚ್ಚಲು ವಿಕಿರಣಪಟು ಪರಮಾಣುಗಳು ಬಲು ಸಹಕಾರಿ. ಅನೇಕ ರೋಗಗಳ ಚಿಕಿತ್ಸೆಗೆ ವಿಕಿರಣವನ್ನೂ ವಿಕಿರಣಪಟು ಪರಮಾಣುಗಳನ್ನೂ ಬಳಸಲಾಗುತ್ತದೆ. ಉದಾಹರಣೆಗೆ ರೇಡಿಯೊಕ್ರೋಮಿಯಮನ್ನು ಹಿಮೊಲಿಟಿಕ್ ಅನಿಮಿಯದಲ್ಲಿ, ರೇಡಿಯೊ ಅಯೊಡೀನನ್ನು ಹೈಪರ್ ಥೈರಾಯಿಡ್ ಗ್ರಂಥಿ, ರೇಡಿಯೊ ಫಾಸ್ಫರಸನ್ನು ಪಾಲಿಸೈಥೀಮಿಯ ಕಾಯಿಲೆಯಲ್ಲಿ ಬಳಸಬಹುದು. ಮೊಬೈಲ್ ದೂರವಾಣಿ ಬಳಕೆಯಿಂದ ತಲೆನೋವು, ಮಿದುಳಿನ ಅರ್ಬುದರೋಗಗಳು ಉಂಟಾಗಬಹುದೆಂಬ ಪ್ರತೀತಿ ಹಬ್ಬಿದೆ. ಆದರೆ ಸದ್ಯದ ವೈಜ್ಞಾನಿಕ ಸಾಹಿತ್ಯದಲ್ಲಿ ಇದಕ್ಕೆ ಯಾವುದೇ ಸ್ಪಷ್ಟ ಸಾಕ್ಷಿ ಇರುವುದಿಲ್ಲ.
ವಿಕಿರಣದ ಅಪಾಯಗಳು
ಅಯಾನೀಕರಿಸುವ ವಿಕಿರಣವನ್ನು ಸೂಸುವ ಯಂತ್ರಗಳನ್ನು ಉಪಯೋಗಿಸುವ ಕೆಲಸಗಾರರು ತಮ್ಮ ದೇಹಗಳಲ್ಲಿ ಸೇರಿರಬಹುದಾದ ವಿಕಿರಣದ ಗುಟ್ಟಿಯನ್ನು (ಡೋಸ್) ಅಳೆಯಲು ಅವರ ಉಡಿಗೆಗೆ ಮಾಪನ ಮೀಟರನ್ನು ಲಗತ್ತಿಸಿರುತ್ತಾರೆ. ಇದನ್ನು ಪ್ರತಿ ತಿಂಗಳೂ ಪ್ರಯೋಗಶಾಲೆಗೆ ಕಳಿಸಿ ದೇಹ ಸೇರಿರುವ ವಿಕಿರಣದ ಪ್ರಮಾಣವನ್ನು ತಿಳಿದು ಯುಕ್ತ ಕ್ರಮ ಕೈಗೊಳ್ಳಬೇಕು.
ಲೇಸರ್ ಸೂಚಿ (ತೀಕ್ಷ್ಣ ಬೆಳಕಿನ ದಂಡ) ನೇರ ದುಷ್ಪರಿಣಾಮಕಾರಿಯಲ್ಲವಾದರೂ ಅಕಸ್ಮಾತ್ತಾಗಿ ಕಣ್ಣಿಗೆ ಬಿದ್ದರೆ ಅಪಘಾತ ಉಂಟಾಗ ಬಹುದು. ಅಲ್ಲದೇ ಒಂದು ವೇಳೆ, ಈ ಬೆಳಕನ್ನು ನೆಟ್ಟ ದೃಷ್ಟಿಯಿಂದ ನೋಡಿದಲ್ಲಿ ಕಣ್ಣಿಗೆ ಅಪಾಯವಾಗಬಹುದು. ಇದರ ಅರಿವಿಲ್ಲದ ಚಿಕ್ಕ ಮಕ್ಕಳ ಕೈಗೆ ಲೇಸರ್ ಸೂಚಿ ಎಟುಕದಂತೆ ಇರಿಸಬೇಕು.
ಉಲ್ಲೇಖಗಳು
ಹೊರಗಿನ ಕೊಂಡಿಗಳು
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
