![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fc/Champagne_in_France_%25281789%2529.svg/langka-640px-Champagne_in_France_%25281789%2529.svg.png&w=640&q=50)
შამპანი
From Wikipedia, the free encyclopedia
შამპანი (ფრანგ. Champagne) — ისტორიული ოლქი ჩრდილო-აღმოსავლეთ საფრანგეთში. შამპანის ტერიტორიაზეა მარნის, ზემო მარნის, ობის, არდენების, დეპარტამენტები. ფართობი 25,7 ათ. კმ². მთავარი ქალაქი — რეიმსი. განვითარებულია ლითონდამუშავება და მანქანათმშენებლობა (ქალაქები: რეიმსი, სენ-დიზიე, მეზიერი და სხვ.), საფეიქრო, ტრიკოტაჟის (რეიმსი, ტრუა, სედანი), კვების (უმთავრესად შამპანური ღვინის წარმოება: რეიმსი, ეპერნე, შალონ-ან-შამპანი, ბარ-სიურ-ობი), ხის დასამუშავებელი, ქაღალდის მრეწველობა. სოფლის მეურნეობაში ჭარბობს მარცვლეული კულტურების (ხორბალი, ქერი, სიმინდი) წარმოება და მევენახეობა (ილ-დე-ფრანსის კუესტის კალთებზე). მისდევენ მეცხოველეობას.
![Thumb image](http://upload.wikimedia.org/wikipedia/commons/thumb/f/fc/Champagne_in_France_%281789%29.svg/640px-Champagne_in_France_%281789%29.svg.png)
წყაროებში პირველად იხსენიება IX–X საუკუნეებში. 1284 წელს სამეფო დომენს შეუერთდა. ასწლიანი ომის (1337–1453) დროს შამპანი საომარი მოქმედების ერთ-ერთი მთავარი ასპარეზი იყო. შამპანის ტერიტორიის ნაწილზე მიმდინარეობდა ჟაკერია.