ყველი

ყველი — საკვები პროდუქტი, რომელიც აჭრილი რძისგან მზადდება. გამოყენებული რძე შეიძლება იყოს ძროხის, ცხვრის, თხის, კამეჩის, ან რომელიმე სხვა ძუძუმწოვრის. ყველი არის თეთრი ან ღია–მოყვითალო ფერის. შეიძლება ჰქონდეს ნასვრეტები.

ყველის რამდენიმე სახეობა

იმერული ყველი

არსებობს ყველის ასეულობით სახეობა, რომლებიც სხვადასხვა ტექნოლოგიით მზადდება. საქართველოში ოფიციალურად ყველის 14 სახეობაა დარეგისტრირებული: დამბალხაჭო, ჩოგი, ტენილი ყველი, კალტი, კობი, აჭარული ჩეჩილი, მესხური ჩეჩილი, სულგუნი, მეგრული სულგუნი, სვანური სულგუნი, გუდის ყველი, თუშური გუდა, იმერული და ქართული.^[1]

გაერთიანებული სამეფოს საცალო ვაჭრობის კვლევის ცენტრის მიერ ჩატარებული გამოკვლევის თანახმად, ყველის 4% ქურდბაცაცობის გამო იკარგება, რის გამოც იგი მსოფლიოში ყველაზე მოპარვადი საკვები პროდუქტია.^[2]

დამატებითი ინფორმაცია

• რატომ უნდა მივირთვათ ყველი? mkurnali.ge
• ქართული ყველი forum.vinoge.com–ზე
• თუშური გუდის ყველი
• ქართული ყველისა და ღვინის შეხამების შესავალი

სქოლიო

1. ქართული ყველის სახეობები, Sputnik-Georgia.com
2. Cheese Is Most Stolen Food Item, Says ReportCheese Most Stolen Food In The World