![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2a/Robert_Bloch_with_His_Hall_of_Fame_Award%252C_5_December_1976_%2528cropped%2529.jpg/640px-Robert_Bloch_with_His_Hall_of_Fame_Award%252C_5_December_1976_%2528cropped%2529.jpg&w=640&q=50)
რობერტ ბლოხი
From Wikipedia, the free encyclopedia
რობერტ ალბერტ ბლოხი (დ. 5 აპრილი, 1917 — გ. 23 სექტემბერი, 1994) — ამერიკელი მწერალი, წერდა დეტექტიურ, ფსიქოლოგიური ჰორორისა და ფენტეზის ჟანრში, მისი ნაშრომები იდგმებოდა რადიოში, კინოსა და ტელევიზიაში. ბლოხის სამწერლო კარიერა 60 წელს გაგრძელდა, მათ შორის 30 წელზე მეტი ხნის მანძილზე იგი ტელევიზიასა და კინოში მოღვაწეობდა.
რობერტ ბლოხი | |
---|---|
![]() | |
დაბადების თარიღი | 5 აპრილი, 1917(1917-04-05)[1] [2] [3] [4] [5] [6] [7] [8] |
დაბადების ადგილი | ჩიკაგო |
გარდაცვალების თარიღი | 23 სექტემბერი, 1994(1994-09-23)[1] [2] [3] [4] [5] [6] [7] [8] (77 წლის) |
გარდაცვალების ადგილი | ლოს-ანჯელესი, აშშ |
დასაფლავებულია | ვესტვუდის სასაფლაო |
საქმიანობა | მწერალი, სცენარისტი, რომანისტი, სამეცნიერო ფანტასტიკოსი მწერალი, television writer[9] და კინოსცენარისტი[9] |
ენა | ინგლისური ენა |
მოქალაქეობა |
![]() |
ჟანრი | noir novel |
Magnum opus | ფსიქოპათი |
ჯილდოები | ჰიუგოს პრემია საუკეთესო მოთხრობისთვის, World Fantasy Award for Life Achievement, World Horror Convention Grand Master Award და ინკპოტის ჯილდო[10] |
მეუღლე | Elly Bloch |
ბლოხის ყველაზე გახმაურებული ნაშრომია საშინელებათა ჟანრის რომანი „ფსიქო“ (1959), რომლის მიხედვითაც ალფრედ ჰიჩკოკმა ამავე სახელწოდების ცნობილი ფილმი გადაიღო. ბლოხის შემოქმედება 30-ზე მეტ რომანს და ასობით მოთხრობას მოიცავს. იგი ჰოვარდ ლავკრაფტის პროტეჟე იყო, რომელმაც პირველმა სერიოზულად წაახალისა მისი შემოქმედებითი ნიჭი. ბლოხმა პროფესიონალური სამწერლო კარიერა სწავლის დასრულებისთანავე, 17 წლის ასაკში დაიწყო. მიუხედავად იმისა, რომ ბლოხის თავდაპირველი ნაშრომები ლავკრაფტის და მისი „კოსმიური ჰორორის“ მიბაძვას წარმოადგენდა, მოგვიანებით იგი ფსიქოლოგიური სიღრმის მქონე დეტექტიური და საშინელებათა ჟანრის ტექსტების შექმნაში დაოსტატდა.
ბლოხი არაერთი პრესტიჟული ლიტერატურული ჯილდოს ლაურეატია, მათ შორისაა ჰიუგოს, ბრემ სტოკერის და ფენტეზის მსოფლიო პრემიები.