პიერ რიშარი

პიერ რიშარი (ფრანგ. Pierre Richard; დ. 16 აგვისტო, 1934) — ფრანგი კინომსახიობი. აღიარებულია როგორც საფრანგეთის ერთ-ერთი ყველაზე გამოჩენილი და ნიჭიერი კომიკოსი. მოღვაწეობს აგრეთვე როგორც რეჟისორი და იშვიათად როგორც მომღერალი.

პიერ რიშარი
პიერ რიშარი 2015 წელს
დაბადების სახელი	პიერ რიშარ მორის შარლ ლეოპოლდ დეფე
დაბადების თარიღი	16 აგვისტო, 1934 (1934-08-16) (90 წლის) ვალანსიენი, საფრანგეთი
ეროვნება	ფრანგი
საქმიანობა	მსახიობი, რეჟისორი, სცენარსიტი
აქტიური	1967–დღემდე
საიტი	pierre-richard.fr

დაიბადა 1934 წლის 16 აგვისტოს ქალაქ ვალანსიენში საფეიქრო ქსოვილების მწარმოებლის ოჯახში. აღიზარდა არისტოკრატების შთამომავლის, საფრანგეთის ჩრდილოეთ ნაწილში მცხოვრებ — ბაბუამისის ოჯახში. მოზარდ ასაკში რიშარი ქალაქ პარიზს გაემგზავრა, სადაც სწავლა დრამატულ კურსებზე დაიწყო. რიშარის ამ გადაწყვეტილებას ბაბუამისი უარყოფითად შეხვდა და სწორედ ეს მიზეზი გახდა რიშარის მიერ ურთიერთობის გაწყვეტა საკუთარ ოჯახთან.

ჩააბარა შარლ დიულენის დრამატულ კურსებზე, ხოლო შემდეგ სტაჟირებას გადიოდა ჟან ვილართან. თეატრში მაინცდამაინც წარმატებას ვერ მაიღწია. ძირითადად მეორეხარისხოვან როლებში უწევდა გამოსვლა. 1967 წელს შედგა რიშარის ერთ-ერთი პირველი კინოდებიუტი ივ რობერის ფილმში „ბედნიერი ალექსანდრე“. შემდეგ წლებში მონაწილეობა მიიღო არაერთ ცნობილ ფილმში. 1976 წელს მთავარი როლი შეასრულა ფრანგულ კომედიური ჟანრის ფილმში „სათამაშო“; აღსანიშნავია აგრეთვე შესრულებული კინოროლები ფილმებში: „უიღბლოები“, „მარცხნივ ლიფტისგან“, „კაქტუსი“ და სხვა. 1997 წელს ქართველმა რეჟისორმა ნანა ჯორჯაძემ გადაიღო ფილმი „შეყვარებული კულინარის 1001 რეცეპტი“, ხოლო 2000 წელს „ზაფხული, ანუ 27 დაკარგული კოცნა“, სადაც ორივე ფილმში როლი წილად ხვდა რიშარსაც.

ფილმოგრაფია

• ბედნიერი ალექსანდრე (Alexandre le bienheureux, 1966)
• იდიოტი პარიზში (Un idiot à Paris, 1966)
• მაღალი ქერა მამაკაცის დაბრუნება (Le Retour du grand blond, 1974)
• არ გამოგეპაროს (La Course A L’echalote, 1975)
• სათამაშო (Le Jouet, 1976)
• გაქცევა (La Carapate, 1978)
• ქოლგის ჩხვლეტა (Le Coup Du Parapluie, 1980)
• უიღბლოები (La Chèvre, 1981)
• მამიკოები (Les Compères, 1983)
• გაქცეულები (Les Fugitifs, 1986)
• მარცხნივ ლიფტისგან (À gauche en sortant de l’ascenseur, 1988)
• შეყვარებული კულინარის 1001 რეცეპტი (Les Mille et Une Recettes du cuisinier amoureux, 1996)
• 27 დაკარგული კოცნა (27 Missing Kisses, 2000)
• რობინზონ კრუზო (Robinson Crusoé, 2003)
• როდესაც ჩვენ აღარ ვიქნებით (En attendant le déluge, 2004)
• კაქტუსი (АLe Cactus, 2005)
• გველი (Le Serpent, 2006)
• პარიზი! პარიზი! (Le Serpent, 2008)
• მეფე გიიომი (King Guillaume, 2009)
• კინომანი (Cinéman, 2009)

რესურსები ინტერნეტში

• ოფიციალური საიტი (ფრანგული) (ინგლისური)
• პიერ რიშარი – ეროვნული ფილმოგრაფია დაარქივებული 2015-09-24 საიტზე Wayback Machine. (ქართული ენა)
• პიერ რიშარი კინოფილმების ინტერნეტ-მონაცემთა ბაზაში