From Wikipedia, the free encyclopedia
კარონი (ესპ. Caroni) — მდინარე სამხრეთ ამერიკაში, ვენესუელაში, მდინარე ორინოკოს მარჯვენა შენაკადი. სიგრძე 952 კმ, აუზის ფართობი 95,000 კმ². სათავე აქვს და მიედინება გვიანის ზეგანზე. კარონიზე არის ჩანჩქერები და ჭორომები. წყალმოვარდნები იცის აპრილიდან ოქტომბრამდე. კარონი გამოირჩევა წყლის დიდი ხარჯით. წყალი მუქი ფერისაა. იგი მიეკუთვნება პიგმენტაციური მდინარეების რიცხვს, ისეთივეს, როგორიც არის მაგ., მდინარე რიო-ნეგრო ბრაზილიაში. კარონის აუზი შედის ვენესუელის მთავარი მდინარის — ორინოკოს აუზის შემადგენლობაში. კარონი და ორინოკო ჰიდროგრაფიული ხასიათის მიხედვით მიმსგავსებულები არიან ერთიმეორესთან. მდინარე კარონის აუზში მდებარეობს მსოფლიოს ყველაზე მაღალი წყალვარდნილი ანხელი (სიმაღლე 1054 მ). მნიშვნელოვანია ასევე კუკენანის წყალვარდნილი (სიმაღლე 610 მ).
კარონი | |
---|---|
კარონი | |
ქვეყანა | ვენესუელა |
ქალაქები | სიუდად-გუაიანა |
სათავე |
გვიანის ზეგანი |
შესართავი |
ორინოკო |
შესართავის მდებარეობა | ვენესუელა |
სიგრძე | 952 კმ |
აუზის ფართობი | 95,000 კმ² |
კარონი ვიკისაწყობში |
წყლის საშუალო ხარჯი 4,850 მ³/წმ. მაქსიმალური 17.576 მ³/წმ. სანაოსნოა შესართავიდან 100 კილომეტრზე. აქვე მდებარეობს მზარდი ქალაქი სიუდად-გუაიანა. მდინარის წყლები გამოყენებულია ჰიდროენერგეტიკული მიზნებისათვის. მდინარეზე აშენებულია ჰიდროელექტროსადგურები მაკაგუა, გური და სხვ. კარონის ფართო კანიონში გაშენებულია გურის წყალსაცავი, რომლის ფართობია 4,250 კმ², ხოლო მოცულობა 135 კმ³.
კარონის აუზის განსაკუთრებული ესთეტიკურობა ხელს უწყობს ტურიზმის განვითარებას ამ რეგიონში.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.