From Wikipedia, the free encyclopedia
ტარა ლი პატრიკი (ინგლ. Carmen Electra; დ. 20 აპრილი, 1972, შერონვილი, აშშ) — ამერიკელი მოდელი, მომღერალი, მსახიობი, მოცეკვავე, ტელეწამყვანი. პოპულარობა ხვდა წილად ჟურნალ Playboy-ში გადაღებით, MTV სათამაშო შოუში – Singled Out-ში მონაწილეობით, როგორც ამერიკული ჯგუფის Pussycat Dolls-ის მოცეკვავე და ასევე კინოში შესრულებული როლებით: „ძალიან საშიში კინო“, „კინოპაემანი“, „ეპიკური კინო“, „სპარტანელების გაცნობა“, „არარეალური ბლოკბასტერი“.
კარმენ ელექტრა დაიბადა 1972 წლის 20 აპრილს, ქალაქ შერონვილში, დედამისის მომღერლის პატრისიისა და მამამისის – გიტარისტის და მსახიობის გერის ოჯახში.[1][2] იგი ესწრებოდა ენ უაიგელის დაწყებით სკოლას, შემდეგ ქალაქ ცინცინატის ერთ-ერთ გარეუბანში ცეკვას. კარმენ ელექტრას დედა თავის კიბოთი გარდაიცვალა 1998 წელს.[3] იმავე წელსვე კარმენს გულის შეტევით გარდაეცვალა და – დები. ელექტრამ შერონვილში დაამთავრა პრინსტონის საშუალო სკოლა. იგი ცინცინატის სახელმწიფო სკოლის ოკრუგში ესწრებოდა შემოქმედებით და საშემსრულებლო ხელოვნებას.[4] კარმენ ელექტრა ირლანდიური, გერმანული და ჩეროკი წარმოშობისაა.[5]
კარმენ ელექტრამ თავისი პროფესიონალური კარიერა დაიწყო 1990 წელს, როგორც Kings Island-ის მოცეკვავემ.[6] 1991 წელს საცხოვრებლად გადავიდა კალიფორნიაში, სადაც შეხვდა პრინსს.[7] სულ მალე ელექტრამ კონტრაქტი გააფორმა პრინსის ხმისჩამწერ კომპანიასთან – Paisley Park Records, რის შემდეგაც დაიწყო მომღერლის კარიერა.[7] Paisley Park Records ყოფნის დროს იგი პოპულარული გახდა ოფიციალურად როგორც კარმენ ელექტრა.[7]
1995 წელს იგი გამოჩნდა სატელევიზიო პროგრამებში. 1996 წლის მაისში იგი ჟურნალ პლეიბოისთვის გაშიშვლდა. ამის შემდეგ იგი მონაწილებას იღებს ტელესერიალში „მაშველები“ და MTV-ის „Singled Out“-ში. 2003 წელს იგი დაუბრუნდა ტელესერიალ მაშველებს, ამჯერად ფილმში „მაშველები: ჰავაის ქორწილი“. მომდევნო წლებში კარმენ ელექტრა ჟურნალ პლეიბოიში კიდევ ოთხჯერ გამოჩნდა: 1997 წლის ივნისში, 2000 წლის დეკემბერში, 2003 წლის აპრილში და 2009 წლის იანვარში. ჟურნალის გარეკანზე მოხვდა სამჯერ, 2000, 2003 და 2009 წლებში.
კარმენ ელექტრა საქველმოქმედო მოღვაწეობასაც ეწევა. მის მიერ არის ორგანიზებული არაკომერციული ორგანიზაცია, რომელიც თავის კიბოთი დაავადებულებს დახმარებას სთავაზობს. ამასთანავე იგი მხარდაჭერას უცხადებს „Elevate Hope და „Hollyrod Foundation“ ფონდებს.
1998 წელს ცოლად გაყვა კალათბურთის ვარსკვლავს დენის როდმანს. ქორწილი შედგა ლას-ვეგასში.[8][9] მათი ქორწინებაში ყოფნა მცირე ხანს გაგრძელდა. 1999 წლის აპრილში ელექტრამ გაყრაზე შეიტანა განცხადება.[10] 2003 წელს იგი ცოლად გაყვა გიტარისტ დეივ ნავაროს. 2006 წლის 17 ივლისს წყვილი გაშორდა. მათი ურთიერთობა საბოლოოდ დასრულდა 2007 წლის 20 თებერვალს.
2008 წლის აპრილში ელექტრას წარმომადგენელმა განაცხადა, რომ იგი დანიშნულია რობ პატერსონთან, რომელიც პროფესიით მომღერალია.
| წელი | ქართული სახელი | ორიგინალი | როლი |
|---|---|---|---|
| 1997 | ამერიკელი ვამპირი | American Vampire | სულკა |
| 1997 | შესანიშნავი ჰამბურგერი | Good Burger | როქსანა |
| 1998 | ვარსკვლავური ციებ-ცხელება | Starstruck | იონა შირლი |
| 1998 | ყვავი | The Chosen One: Legend of the Raven | მაკენა |
| 1999 | მიწიერი არსებების საქორწილო თამაშები | The Mating Habits of the Earthbound Human | ჯენი |
| 1999 | საშობაო არდადეგები 2000 | Christmas Vacation 2000 | ესმერალდა |
| 2000 | ძალიან საშიში კინო | Scary Movie | დრიუ |
| 2001 | სიყვარული ყველაფერს ცვლის | Sol Goode | ოქრო |
| 2001 | პარფიუმი | Perfume | სიმონი |
| 2001 | სიყვარულის ვირუსი | Get Over It | მოირა |
| 2002 | საარენდო კონტროლი | Rent Control | ოდრი |
| 2002 | შეშლილები | Whacked! | ლორა |
| 2003 | ქალაქის გოგოები | Uptown Girls | |
| 2003 | ჩემი უფროსის შვილი | My Boss’s Daughter | ტინა |
| 2004 | სტარსკი და ხატჩი | Starsky and Hutch | სტეისი |
| 2004 | მისტერ 3000 | Mr. 3000 | |
| 2004 | მაქსი დამანგრეველი:დრაკონის წყევლა | Max Havoc: Curse of the Dragon | დები |
| 2004 | საშინელი კუნძული | Monster Island | |
| 2005 | ბინძური სიყვარული | Dirty Love | მიშელი |
| 2005 | ორმაგი თამაში | Getting Played | ლორენი |
| 2005 | სარფიანი საქმე 2 | Cheaper by the Dozen 2 | სარინა |
| 2006 | კინოპაემანი | Date Movie | ენი |
| 2006 | ძალიან საშიში კინო 4 | Scary Movie | ჰოლი |
| 2006 | მხურვალე ტამალე | Hot Tamale | რაილი |
| 2007 | ძალიან ეპიკური კინო | Epic Movie | მისტიკი |
| 2007 | მე მსურს კანფეტი | I Want Candy | კენდი |
| 2007 | სიმართლე და არაფერი მეტი | Full of It | |
| 2007 | მილიონი შობისთვის | Christmas in Wonderland | ჯინჯერი |
| 2008 | სპარტანელების გაცნობა | Meet the Spartans | დედოფალი მარგო |
| 2008 | არარეალური ბლოკბასტერი | Disaster Movie | ლამაზი მკვლელი |
| 2011 | წვეულება ახალ ორლეანში | Mardi Gras: Spring Break |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
