გარუა

გარუა (ფრანგ. Garoua) — ქალაქი კამერუნის ჩრდილოეთით. ჩრდილოეთის რეგიონის და ბენუეს დეპარტამენტის ადმინისტრაციული ცენტრი. 2005 წლის აღწერის მონაცემებით ქალაქის მოსახლეობის რაოდენობა შეადგენს — 235 996 ადამიანს^[1][2].

ქალაქი
გარუა ფრანგ. Garoua
ქვეყანა	კამერუნი
რეგიონი	ჩრდილოეთის რეგიონიჩრდილოეთის რეგიონი (კამერუნი)|ჩრდილოეთის რეგიონი
კოორდინატები	9°18′00″ ჩ. გ. 13°24′00″ ა. გ.
ცენტრის სიმაღლე	249 მ
მოსახლეობა	235 996 კაცი (2005)
სასაათო სარტყელი	UTC+1
ოფიციალური საიტი	http://www.garouacity.cm/
გარუა ვიკისაწყობში

ისტორია

ქალაქი ადამავის ემირატის პირველი მმართველის — მოდიბო ადამას ბრძანებით დაარსდა XIX საუკუნის მეორე ნახევარში^[3].

გეოგრაფია

ქალაქი მდებარეობს ქვეყნის ჩრდილოეთ ნაწილში, მდინარე ბენუეს მარჯვენა სანაპიროზე^[3].

ეკონომიკა

ქალაქი მსხვილი სამდინარე პორტია^[3]. მდინარის საშუალებით გარუაში აწვდიან ნავთობს და სამშენებლო მასალებს, ხოლო ქალაქიდან მდინარის დინებით, ქვემოთ ნიგერიაში გააქვთ სოფლის მეურნეობის და მისი გადამუშავების შედეგად მიღებული პროდუქტები — ბამბა, არაქისი, ცხოველთა ტყავი. პორტის მნიშვნელობა ნაწილობრივ შეასუსტა რკინიგზამ, რომელმაც ქალაქი გარუა კამერუნის მსხვილ ქალაქთან და საზღვაო პორტთან — დუალასთან დააკავშირა^[3].

განვითარებულია მრეწველობის საფეიქრო დარგი: ბამბის გადამუშავება, ქსოვილების ქსოვა და შეღებვა^[3].

ქალაქში ფუნქციონირებს გარუას საერთაშორისო აეროპორტი^[4].

სქოლიო

1. მოსახლეობის 2005 წლის აღწერა (geohive)
2. მოსახლეობის 2005 წლის აღწერა (citypopulation)
3. Garoua. Britannica Online Encyclopedia. დაარქივებულია ორიგინალიდან — 2012-07-30. ციტირების თარიღი: 2011-05-08.
4. Garoua Airport profile. Airport Safety Network. დაარქივებულია ორიგინალიდან — 2012-10-20. ციტირების თარიღი: 2011-05-08.