ალექსანდრე ტრალელი (ლათ. Alexander Trallianus; დ. დაახლ. 525 – გ. 605) — ბიზანტიელი ექიმი. ქალაქ ტრალეს (ახლანდ. აიდინი) მკვიდრი. ექიმ სტეფანუსის ვაჟი და არქიტექტორ ანთიმოზის (აია-სოფიას ამშენებელი) ძმა. ავტორია 12-ტომიანი თხზულებისა შიდა დაავადებების შესახებ, რომელიც მთელი შუა საუკუნეების მანძილზე ერთ-ერთი ყველაზე პოპულარული იყო (თარგმნილია ლათინურ, სირიულ, არაბულ და ებრაულ ენებზე). მკურნალობის დროს ყურადღებას ამახვილებდა დაავადებულის კონსტიტუციაზე, ასაკზე, სქესზე, ძალთა მდგომარეობაზე და ცხოვრების წესზე. ექიმების უმნიშვნელოვანეს დავალებად თვლიდა დაავადებულთათვის შესაბამისი კვების რეჟიმის დანიშვნას. მისი დევიზი იყო „სწორი კვება ყველა დაავადებულის მკურნალობის ძირითადი ნაწილია“. დიდ მნიშვნელობას ანიჭებდა დაავადებების თავიდან აცილებას და მათი გამომწვევი მიზეზების აღმოფხვრას.[3]
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.